မဲခေါင်၊ မေ ၁၀
လာမယ့် ၂၀၂၄-၂၅ ပညာသင်နှစ်အတွက် ဆီဆိုင်မြို့နယ်အတွင်းက ကျောင်းတွေကို မဖြစ်မနေဖွင့်လှစ်ရမယ်လို့ ပြည်နယ်ပညာရေးမှူးရုံးကို စစ်ကောင်စီက ညွှန်ကြားထားတယ်လို့ ဒေသခံ သတင်းအရင်းအမြစ်ထံက သိရပါတယ်။
“ မြို့ပေါ်က ကျောင်းတွေကို မဖြစ်မနေဖွင့်ရမယ်၊ ၅ ယောက်ရှိရင် ၅ယောက်နဲ့ ဖွင့်ရမယ်” လို့ စစ်ကောင်စီက ညွှန်ကြားထားတယ်လို့ Non-CDM တစ်ဦးက မဲခေါင်သတင်းဌာနကို ပြောပါတယ်။
ပြီးခဲ့တဲ့ ၁၂ တန်းစာမေးပွဲတောင် ဆီဆိုင်မှာ ဖြေဆိုသူမရှိဘဲ၊ အခုလို တိုက်ပွဲတွေဖြစ်နေတဲ့ ကာလ စစ်ရှောင်နေရဆဲ မတည်ငြိမ် မအေးချမ်းတဲ့ အခြေအနေမှာ အတင်းအကြပ်ဖွင့်ခိုင်းနေတာဖြစ်တယ်လို့ သိရပါတယ်။
ဆီဆိုင်မြို့နယ်အတွင်း တိုက်ပွဲဖြစ်ပွားမှုတွေရှိနေပြီး မြေမြုပ်မိုင်းနဲ့ လက်နက်ကြီး အကြွင်းအကျန်တွေကြောင့် လုံခြုံမှုမရှိတဲ့အခြေအနေမှာ ကလေးတွေ အေးချမ်းစွာ ပညာသင်ကြားပြီး ကျောင်းတက်ရောက်ဖို့လဲ မဖြစ်နိုင်သေးဘူးပါဘူး။
ဆီဆိုင်မြို့နယ်အတွင်း အလယ်တန်းခွဲ ၄ ကျောင်း၊ မူလွန် ၁၁ ကျောင်း၊ မူလတန်းအဆင့် ၁၄ ကျောင်းနဲ့ အထက်တန်းကျောင်း(၅)ကျောင်း စုစုပေါင်း ကျောင်း ၃၄ ကျောင်းရှိတယ်လို့ သိရပါတယ်။
MK-012
