ဒီကနေ့ ဒီဇင်ဘာ ၂၈ ရက်ညနေ ၄ နာရီခွဲက လက်ပစ်ဗုံးနဲ့တိုက်ခိုက်ခဲ့တာဖြစ်ပြီး ထိခိုက်သေဆုံးမှုကိုတော့ မသိရသေးဘူးလို့ ထုတ်ပြန်ချက်မှာ ပါရှိပါတယ်။
ပေါက်ကွဲသံတော့ ကြားတယ်။ ဘယ်သူတွေ ထိလဲတော့ မသိဘူး။ ဗုံးပေါက်ပြီးတဲ့နေရာကိုမသိပဲ ရောက်သွားရင် ဒီကောင်တွေက တွေ့တဲ့လူရိုက်ပြီးစစ်တာ။ ဆေးရုံကားတွေက မြို့ထဲဆိုတော့သွားနေတာတော့ တွေ့တယ်။သူတို့ထိလို့ သယ်လာတဲ့ကားဟုတ်လား မဟုတ်လားတော့သေချာ မသိဘူး။ ဆေးရုံကြီးနဲ့နီးတော့ ဘယ်သူတွေကို သယ်သွားတာလဲတော့ မသိဘူး။ ဒီရက်ပိုင်း ခွေးကြီးရောက်နေလို့လုံခြုံ ရေးတွေ ချထားတာအများကြီး။ ကလေးတွေ အဖမ်းမခံရဖို့ ဆုတောင်းပေးနေတယ်လို့ ပြောပြပေးပါ
လို့ ရပ်ကွက်နေ ပြည်သူတစ်ဦးက ပြောပါတယ်။
အဆိုပါ ဖောက်ခွဲမှုကို Freeland Attack Force မဟာမိတ်တပ်ဖွဲ့Emerald Girls Army အဖွဲ့နဲ့ Revolution of 21 Century အဖွဲ့တို့ ပူးပေါင်း လုပ်ဆောင်ခဲ့တာ ဖြစ်တယ်လို့ ထုတ်ပြန်ထားပါတယ်။
အခုရက်ပိုင်း အတွင်း ရန်ကုန်မြို့မှာ လုံခြုံရေး တင်းကြပ်နေတဲ့အတွက် အတတ်နိုင်ဆုံးကြိုးစားကာ မြို့ပြမစ်ရှင်တစ်ခုကို လုပ်ဆောင်ခဲ့တာဖြစ်ပြီးစစ်ကောင်စီ လုံးဝအုပ်ချုပ်လို့ မရအောင် လုပ်ဆောင်သွားမှာဖြစ်တယ်လို့ ရန်ကုန်မြို့ပြပြောက်ကျားတပ်ဖွဲ့ ဦးဆောင်သူ တစ်ဦးက ပြောပါတယ်။
