ဒီဇင်ဘာ ၂၆ ရက်နေ့ ညကိုးနာရီခွဲဝန်းကျင်မှာ ရှေ့ထွက်ပြောင်းတွေနဲ့ မိုင်းခွဲတိုက်ခိုက်ခဲ့တာဖြစ်ပြီး မိုင်းစတွေ ကားကိုထိသွားခဲ့ပြီး မှန်တွေကွဲထွက်သွားခဲ့တယ်လို့ People’s Army To Fight Dictatorship အဖွဲ့ ပြန်ကြားရေးတာဝန်ရှိသူတဦးက မဲခေါင်သတင်းဌာနကို ပြောပါတယ်။
ကားအသေးလေးဆိုတော့ လမ်းကလည်းကျဉ်းတာနဲ့ ကျွန်တော်တို့ ကောင်းကောင်းတိုက်ခိုက်နိုင်ခဲ့တယ်ပေါ့နော်။ သူတို့ကား မှန်တွေဘာတွေကွဲပြီးတော့ ထိုးယိုင်သွားတာကိုမြင်လိုက်ရတယ်။ ၃၊ ၄ယောက်အနည်းဆုံးကျလိမ့်မယ်လို့ ကျွန်တော်တို့ထင်တယ်။ ကားထဲမှာတော့ ဆယ်ယောက်လောက်ပါလာမယ်လို့ ခန့်မှန်းအင်အားပေါ့နော် အဲ့လိုတော့ ကျွန်တော်တို့ သိရပါတယ်
လို့ သူက ပြောပါတယ်။
မိုင်းခွဲတိုက်ခိုက်ခံရတဲ့ ကားပေါ်က စစ်ကောင်စီတပ်ဖွဲ့ဝင်တွေက ပါလာတဲ့လက်နက်ငယ်တွေနဲ့ ပြန်လည်ရမ်းသန်းပစ်ခတ်ကာ မောင်းပြေးသွားခဲ့တယ်လို့ သိရပြီး ဒေသခံကာကွယ်ရေးမဟာမိတ်တပ်တွေဘက်က အထိအခိုက်မရှိပြန်လည်ဆုတ်ခွာနိုင်ခဲ့တယ်လို့ သိရပါတယ်။
ဒီတိုက်ခိုက်မှုကို People’s Army To Fight Dictatorship(PAFD) တပ်ခွဲ DK PDF(MMU)၊ People’s knight Defense Force Myinmu (PKDF-MMU)၊ TAUNGTHA People Defense Force (TTAPDF) နဲ့ D.B.B.F-MMU တို့က ပူးပေါင်းတိုက်ခိုက်ခဲ့တယ်လို့ သိရပါတယ်။
