စစ်ကိုင်းတိုင်း၊ ရွှေဘိုမြို့ပေါ်ရှိ မြန်မာ့စီးပွားရေးဘဏ်မှာ အစောင့်ကျနေတဲ့ စစ်အုပ်စုကို ဒီကနေ့ နေ့လယ်ပိုင်းက ရှစ်ပေအကွာထိ အနီးကပ် ပစ်ခတ်တိုက်ခိုက်ရာ စစ်သားတစ်ယောက် သေဆုံးပြီး သုံးယောက်ထက်မနည်း ဒဏ်ရာရသွားတယ်လို့ M.T Black Dragon People Defence Force အဖွဲ့က သတင်းထုတ်ပြန်ပါတယ်။
ယနေ့ နိုဝင်ဘာ ၁၂ ရက် နေ့လည် ၁၁ နာရီခွဲမှာ ရွှေဘိုမြို့ ချမ်းသာကြီးဘုရား တောင်ဘက်၊ မြဝတီဘဏ်အနီး စီးပွားရေးဘဏ်ရှေ့မှာ အစောင့်ကျနေတဲ့ စစ်အုပ်စုကို သပိတ်ကျင်းမြို့နယ် (ပ.က.ဖ) ၊ TBK တောဆင်ရိုင်း ပြောက်ကျားတပ်ဖွဲ့နဲ့ M.T Black Dragon People Defence Force တို့ ပူးပေါင်းပြီး အနီးကပ် ပစ်ခတ်တိုက်ခိုက်ခဲ့တာလို့ သိရပါတယ်။
“စီးပွားရေးဘဏ်အရှေ့တွင် တောင်ဘက်၊ မြောက်ဘက် ဆောက်ထားသော ဘန်ကာ နှစ်ခု ရှိသည့်အနက် တောင်ဘက် ဘန်ကာတွင်ရှိသော ခွေးတစ်ကောင်အား ရှစ်ပေခန့်အကွာထိ သွားရောက်ကာ အသင့်ပါလာသည့် အတိုနှင့် ငါးချက်တိတိ ပစ်ခတ် ရှင်းလင်းခဲ့သည့်အတွက် ဦးခေါင်းပွင့်ထွက်ကာ ဦးထုတ်များပါကျွတ်လျက် နေရာတွင် ပွဲချင်းပြီး သေဆုံးသွားခဲ့သည်။ မြောက်ဘက်ဘန်ကာမှ သေနတ်မောင်းတင်ကာ ထွက်လာသော စခ ရှိသည့် နေရာအားလည်း မင်းဂွတ်သီးတစ်လုံး ပစ်ထည့်ပေးလိုက်ပါသည်။ ပေါက်ကွဲမှု့ကြောင့် ထိခိုက်ဒဏ်ရာရသူ သုံးဦး ထက်မနည်း ရှိနိုင်ပါသည်” လို့ M.T Black Dragon People Defence Force ရဲ့ လူမှုကွန်ရက်မှာ ထုတ်ပြန်ထားပါတယ်။
စစ်အုပ်စုကို တိုက်ခိုက်ပြီးနောက် အဖွဲ့ဝင်တွေ အထိအခိုက်မရှိ ပြန်လည်ဆုတ်ခွာ နိုင်ခဲ့တယ်လို့ သိရပါတယ်။
