နေ့စဥ်သတင်း

တရုတ်ပြည်မအထိ လူကုန်ကူးခံရကာ တရုတ်မယားအဖြစ် လိမ်လည်ရောင်းစားခံရသူ မြန်မာအမျိုးသမီးငယ်တစ်ဦး ပြန်လည် လွတ်မြောက်လာ

မဲခေါင် 27 May - 2026
မဲခေါင်၊ မေ ၂၇ တရုတ်ပြည်မ အတွင်းပိုင်း ဟူနန်ပြည်နယ်အထိ လူကုန်ကူးခံရကာ တရုတ်မယားအဖြစ် လိမ်လည်ရောင်းစားခံရသူ မြန်မာအမျိုးသမီးငယ်တစ်ဦး ယမန်နေ့က ပြန်လည် လွတ်မြောက်လာကာ မူဆယ်သို့ရောက်ရှိလာကြောင်း ကာယကံရှင်နှင့် မိသားစုထံမှ သိရသည်။ ယင်းမိန်းကလေးငယ်မှာ မင်းဘူးမြို့နယ်၊ ရွှေမင်္ဂလာရပ်ကွက်တွင် နေထိုင်သူအသက် ၂၂ နှစ်အရွယ် မသက်နှင်းဦး ဆိုသူဖြစ်ပြီး ယမန်နေ့ မေ ၂၆ ရက်က တရုတ်ပြည်မှ မြန်မာနိုင်ငံ၊ မူဆယ်မြို့သို့ ရောက်ရှိလာခြင်း ဖြစ်သည်။ “သမီးက လေယာဥ်နှစ်ဆင့် စီးရတယ်။ အဲကမှကားနဲ့ ရွှေလီရောက်ပြီး၊ မူဆယ်ကိုပို့တယ်။ မူဆယ်လူကုန်တားက သမီးအကြောင်းတွေ မေးတယ်။ သူတို့က အိမ်ကိုလိုက်ပို့မယ် ပြောတယ်” ဟု လူကုန်ကူးခံရသူအမျိုးသမီးက ပြောသည်။ ၎င်းသည်

မဲခေါင်၊ မေ ၂၇

တရုတ်ပြည်မ အတွင်းပိုင်း ဟူနန်ပြည်နယ်အထိ လူကုန်ကူးခံရကာ တရုတ်မယားအဖြစ် လိမ်လည်ရောင်းစားခံရသူ မြန်မာအမျိုးသမီးငယ်တစ်ဦး ယမန်နေ့က ပြန်လည် လွတ်မြောက်လာကာ မူဆယ်သို့ရောက်ရှိလာကြောင်း ကာယကံရှင်နှင့် မိသားစုထံမှ သိရသည်။

ယင်းမိန်းကလေးငယ်မှာ မင်းဘူးမြို့နယ်၊ ရွှေမင်္ဂလာရပ်ကွက်တွင် နေထိုင်သူအသက် ၂၂ နှစ်အရွယ် မသက်နှင်းဦး ဆိုသူဖြစ်ပြီး ယမန်နေ့ မေ ၂၆ ရက်က တရုတ်ပြည်မှ မြန်မာနိုင်ငံ၊ မူဆယ်မြို့သို့ ရောက်ရှိလာခြင်း ဖြစ်သည်။

“သမီးက လေယာဥ်နှစ်ဆင့် စီးရတယ်။ အဲကမှကားနဲ့ ရွှေလီရောက်ပြီး၊ မူဆယ်ကိုပို့တယ်။ မူဆယ်လူကုန်တားက သမီးအကြောင်းတွေ မေးတယ်။ သူတို့က အိမ်ကိုလိုက်ပို့မယ် ပြောတယ်” ဟု လူကုန်ကူးခံရသူအမျိုးသမီးက ပြောသည်။

၎င်းသည် မူဆယ်မှ ဟူနန်ပြည်နယ်မှ ရှောရန် ဆိုသည့် မိုင်ပေါင်း ၁၄၀၀ ကျော်ဝေးသော မြို့ငယ်လေးအထိ တရုတ်မယားအဖြစ် လိမ်လည် ရောင်းစားခံခဲ့ရခြင်း ဖြစ်သည်။

၎င်းဒုက္ခရောက်နေသည်ကို ရွှေလီရှိ မြန်မာနိုင်ငံသားစာရေးဆရာတစ်ဦးထံ ဆက်သွယ် အကူအညီတောင်းခံရာမှ ပြီးခဲ့သည့် ဖေဖော်ဝါရီ ၂၂ ရက်တွင် မဲခေါင်သတင်းဌာနဖြင့် အဆက်အသွယ်ရပြီး မဲခေါင်မှ ဆက်သွယ်မှုဖြင့် မိသားစုများ၊ လူမှုကူညီသူများ၊ လူကုန်တားရဲတပ်ဖွဲ့များ ပူးပေါင်း၍ အမျိုးသမီးငယ် လွတ်မြောက်နိုင်ရေး ဆောင်ရွက်ခဲ့ကြခြင်း ဖြစ်သည်။

လူကုန်ကူးခံရသူ မသက်နှင်းဦး၏ ဖြစ်စဥ်မှာယမန်နှစ် ဇူလိုင်လ ၅ ရက်က တစ်မြို့တည်းနေမသက်ဖူးဝေ (ခ) မီးမီးဆိုသူက ပတ်စပို့၊ ဗီဇာမလိုဘဲ တရုတ်နိုင်ငံတွင် လစာကောင်းသော အလုပ်ရမည်ဟု အွန်လိုင်းမှတစ်ဆင့် မက်လုံးပေး ခေါ်ဆောင်ခံခဲ့ရကြောင်း သိရသည်။

ယင်းကြောင့် ၂၀၂၅၊ သြဂုတ် ၁၁ ရက်တွင် မသက်ဖူးဝေ၏ ချိတ်ဆက်မှုဖြင့် မင်းဘူးမှ ရန်ကုန်၊ ရန်ကုန်မှ မန္တလေး၊ မန္တလေးမှ လားရှိုး၊ လားရှိုးမှ မူဆယ်သို့ ရောက်ရှိကာ မူဆယ်တွင် အဖမ်းအဆီးများ၍ ပြင်ဦးလွင်သို့ သွားရောက်ကာ ၎င်းနောက် လားရှိုးမှတစ်ဆင့် တရုတ်ပြည်ဘက်သို့ အဆင့်ဆင့် ကားဖြင့် ခေါ်ဆောင်သွားခံခဲ့ရကြောင်း သိရသည်။

၎င်းနှင့်အတူ အလုပ်လုပ်ရန် လိုက်ပါလာသော မိန်းကလေး ၁၂ ဦးနှင့် ယောင်္ကျားလေး တစ်ဦးတို့အတူ ပါရှိခဲ့သည်ဟု ပြောသည်။

လားရှိုးမှတစ်ဆင့် တရုတ်ပြည်မကြီးဘက်သို့ လူကုန်သည် သက်ဖူးဝေ၏ အပေါင်းအပါများက လာရောက်၍ တရုတ်ပြည်မကြီး ဟူနန်သို့ ခေါ်ဆောင်သွားခံရ​ပြိး သြဂုတ် ၇ ရက် ညပိုင်းတွင် ရောက်ရှိသောအခါ သက်ဖူးဝေက နှစ်ပတ်ကြာရင် အလုပ်ဆင်းရမည်ဟုဆိုကာ ဟူနန်ရှိ လူတစ်ဦး၏ အိမ်တွင် ခေတ္တ နေထိုင်စေသည်ဟု ဆိုသည်။

၎င်းကို အလုပ်ရမည်ဟု ပြောသည့်အချိန်တွင် မသက်ဖူးဝေ ခေါ်ဆောင်ရာနောက် လိုက်သွားပြီးနောက် ရောက်ရှိသည့်နေရာတွင် တရုတ်နယ်မြေခံရဲ တစ်ဦး၊ မသက်ဖူးဝေခင်ပွန်းနှင့် တရုတ်လူမျိုးပွဲစား ၅ ယောက်လည်း ရှိနေခဲ့သည်ဟု ဆိုသည်။

ထိုအချိန်မှစ၍ တရုတ်မယားအ​ဖြစ် အမည်မသိ တရုတ်လူမျိုး တစ်ယောက်နှင့် လက်ထပ်နေထိုင်ရန် အတွင်းအပြင် ဖိအားပေး စေခိုင်းခဲ့သည်ကို ငြင်းဆိုခဲ့သော်လည်း သက်ဖူးဝေက မသက်နှင်းဦး ဖုန်းကို သိမ်းယူသွားပြီး တစ်ခြားသူများနှင့် အဆက်အသွယ် ဖြတ်ထားသည်ဟု ဆိုသည်။

လူကုန်ကူးသူက မသက်နှင်းဦး၏ မိဘများထံ လစဉ် ငွေကြေးများ Kpay မှတစ်ဆင့် ပို့ဆောင်နေခဲ့သည်ဟု ဆိုသည်။

မိဘများနှင့် ဆက်သွယ်ရန် ဇန်နဝါရီ ၆ ရက်တွင် ဖုန်းပေးပြောခိုင်းစဥ် မိဘများက ကျန်းမာစွာ အလုပ်လုပ်နေလားဟု မေးမြန်းသောအခါ အထည်ချုပ် စက်ရုံတွင် အဆင်ပြေပြေ လုပ်ကိုင်နေသည်ဟု ဆိုကာ မိဘများထံ ၎င်း၏လုပ်အားခ ၂ လစာ ဟုဆိုကာ ငွေကျပ် ၁၄ သိန်းတိတိ ပေးအပ်ခဲ့ကြောင်း သိရသည်ဟု ဆိုသည်။

မသက်နှင်းဦးအား အလိုမတူဘဲနှင့် အမည်မသိ တရုတ်အမျိုးသားက ကာမဆက်ဆံခဲ့သည်ဟု ဆိုသည်။

မသက်နှင်းဦးနှင့် အတူပါလာသည့် မြန်မာအမျိုးသမီး ၁၂ ယောက်ထဲမှ အသက်မပြည့်သေးသည့် ၃ ဦးသည်လည်း တရုတ်ဇနီးမယားအဖြစ် အဓမ္မ စေခိုင်းခံရမည်ဟု သိရှိသောအခါ အိမ်မှ ထွက်ပြေးခဲ့ရာ ပြန်ဖမ်းမိသဖြင့် ထိုအမျိုးသမီး ၃ ဦးကို လက်စဖျောက်သတ်ပစ်မည်ဟု ခြိမ်းခြောက်သည်ကို ကြားခဲ့ရ​ကြောင်း ၎င်းက ပြောသည်။

ယခုကိစ္စများကို မိဘများ၊ တခြားသူများနှင့် ဌာနဆိုင်ရာများကို တိုင်ကြားပါက မြန်မာနိုင်ငံသို့ လုံးဝပြန်ပို့မည် မဟုတ်ဘဲ သတ်ပစ်မည်ဟု လူကုန်ကူးသူ မသက်ဖူးဝေက ခြိမ်းခြောက်ထားကြောင်း ဆိုသည်။

“ကျမကို ကလေးမွေးပြီးမှ ပြန်လွှတ်မယ် ပြောတယ်။ ၅ ထပ်တိုက်က အခန်းမှာ သော့ခတ်ပိတ်လှောင်ထားတာ၊ အစာလည်းဝအောင်မစားရဘူး။ သူတို့အလိုလိုက်မှ လွှတ်ပေးမယ်။ ထွက်ပြေးရင် သတ်ပစ်မယ် ခြိမ်းခြောက်ထားတယ်၊မဲခေါင်သတင်းက ဦးလေးက ရအောင်ထွက်ပြေးပြီး အနီးဆုံး ရဲစခန်းမှာ အဖမ်းခံပါပြောလို့ ကျမ အခွင့်သာတာနဲ့ ပြေးပြီး ရှောရန်ရဲစခန်းမှာ အဖမ်းခံတာ၊ မိသားစုနဲ့ အဆက်အသွယ်ရပြီး လိုက်လာပေမယ့် မတွေ့ရဘူး။ ကျမမသိဘဲ အိမ်ကိုငွေ့ပို့တာ၊ အလိုမတူပေမယ့် ငွေယူထားလို့ဆိုပြီး ထောင် ၂ လ ချတာ ခုပြန်လွတ်လာတာ”ဟု မသက်နှင်းအေးက ဆိုသည်။

၎င်းသည် ပြီးခဲ့သည့် မတ် ၁၆ ရက်က တရုတ်ရဲစခန်း၌ အဖမ်းခံခဲ့ပြီး ယခု မေ ၂၄ ရက်က ပြန်လည် လွတ်မြောက်ခဲ့ခြင်း ဖြစ်ကြောင်း သိရသည်။

“သူ့ကို ရောင်းစားတဲ့ ပွဲစားမက အဖမ်းခံရမှာစိုးလို့ ဒီဖက်ထဲနေရင် မလွတ်မှန်းသိလို့ PDFနယ် ထဲသွားပုန်းနေတာ။ လူပွဲစားမှန်းသိလို့ ဟိုဘက်ကိုယ်တိုင်က ဖမ်းပြီးလွှဲပေးတာ၊ အခု မင်းဘူး အချုပ်မှာ။ကလေးမ ပြန်ရောက်တာနဲ့ အမှုစစ်တော့မယ်လို့ သိရတယ်”ဟု မိသားစုဝင်တစ်ဦးက မဲခေါင်သို့ ပြောသည်။

ပြီးခဲ့သည့် ရက်ပိုင်းကပင် အသက်၁၅ နှစ်ပင် ရှိသေးသည့် ပဲခူးမှအမျိုးသမီးငယ်တစ်ဦးကို အစ်မအရင်း ကိုယ်တိုင်က ယွမ် ၁၃ သိန်းဖြင့် တရုတ်မယားအဖြစ်ရောင်းစားသည်ကို တရုတ်ရဲမှ ဖမ်းမိသဖြင့် ထောင်၂ လ ချပြီး ပြန်လွှတ်ပေးမှု ရှိခဲ့သေးသည်။

#MeKongNew
#တရုတ်ပြည်မ
#လူကုန်ကူးခံရ
#တရုတ်မယား
#မြန်မာအမျိုးသမီးငယ်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now

Related News

နေ့စဥ်သတင်း မြန်မာ့နွေဦး

ဖြတ်သန်းခွင့်မပြုသဖြင့် လွိုင်လင်၌ သံတိုသံစသယ် ကီလိုကား အစီးရေ ၂၀၀ ကျော် ပိတ်မိနေ

ဖြတ်သန်းခွင့်မပြုသဖြင့် လွိုင်လင်၌ သံတိုသံစသယ် ကီလိုကား အစီးရေ ၂၀၀ ကျော် ပိတ်မိနေ မဲခေါင်၊ နိုဝင်ဘာ ၂၀ ရှမ်းပြည်တောင်ပိုင်း၊
နေ့စဥ်သတင်း မြန်မာ့နွေဦး

ရှမ်းပြည်တွင် တရုတ်ယွမ် ၁၀၀ မြန်မာငွေ ၇၆၀၀၀ ကျပ်အထိ ဈေးထပ်တက်

မဲခေါင်၊ နိုဝင်ဘာ ၂၀ ရှမ်းပြည်တွင် တရုတ်ငွေဈေး ယွမ်တရာကို မြန်မာငွေ ၇၆၀၀၀ ကျပ်အထိ ငွေလဲဈေးနှုန်း ထပ်မံတက်နေသည်ဟု သတင်းရင်းမြစ်များထံမှ

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

နမ့်ခမ်း-မိုင်းဝီးလမ်းပိုင်း ကုန်တင်ယာဉ်များ ဖြတ်သန်းခွင့် ယာယီပိတ်ထား

မဲခေါင်၊ နိုဝင်ဘာ ၁၄ တအာင်းတပ်ဖွဲ့(TNLA) ထိန်းချုပ်ဒေသ၊ နမ့်ခမ်းမြို့နှင့် မိုင်းဝီးမြို့အကြား ဆက်သွယ်ထားသည့် လမ်းပိုင်းကို ပြန်လည်ပြုပြင်မည်ဖြစ်သဖြင့် ကုန်တင်ယာဉ်များ ဖြတ်သန်းသွားလာခွင့်ကို TNLA က ယာယီပိတ်ထားသည်ဟု သတင်းရင်းမြစ်များထံမှ သိရသည်။ ယင်းလမ်းပိုင်းကို ကုန်တင်ယာဉ်များအနေဖြင့် ၂၀၂၆

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

ဂိမ်းဆော့နေသည့် လူငယ်နှစ်ဦးကို PNO ပြည်သူ့စစ် ပစ်ခတ်ဖမ်းဆီးမှုကြောင့် တစ်ဦး ဒဏ်ရာရ

မဲခေါင်၊ နိုဝင်ဘာ ၈ ရှမ်းပြည်တောင်ပိုင်း၊ ညောင်ရွှေမြို့နယ်၊ အင်းလေးအနောက်ခြမ်း တောင်တိုကျေးရွာတွင် PNA ပြည်သူ့စစ်တပ်ဖွဲ့ဝင်များ၏ သေနတ်ဖြင့် ပစ်ခတ်မှုကြောင့် လူငယ်အမျိုးသားတစ်ဦး ကျည်ထိမှန်ဒဏ်ရာရရှိခဲ့ကြောင်း ဒေသခံများထံမှ သိရသည်။ နိုဝင်ဘာ ၆ ရက် ည ၁၁

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

အမေရိကန်နဲ့ စစ်ပွဲပြန်စရင် အီရန်အတွက် နိုင်ကွက်ဖြစ်လာနိုင်တဲ့ ရေအောက်ကေဘယ်တွေ

~ ဒင်းဒင်း ~ အမေရိကန်နဲ့ အစ္စရေးက အီရန်ကို ထပ်ပြီးတိုက်ခိုက်လာခဲ့ရင် ပင်လယ်ကွေ့မှာရှိတဲ့ ပင်လယ်ရေအောက် ဆက်သွယ်ရေး ကေဘယ်တွေကို ပစ်မှတ်ထားသွားဖို့ တီဟီရန်က အသေးစိတ် အစီအစဥ် ရေးဆွဲထားတယ်လို့ အီရန်ထိပ်တန်းအရာရှိကြီး ၂ ဦးက ရိုက်တာသတင်းဌာနကိုပြောပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

မူးယစ်တရားခံပြေး တရုတ်တစ်ဦးကို “ဝ”တပ်ဖွဲ့က ဖမ်းဆီးလွှဲပြောင်းပေး

မဲခေါင်၊ အောက်တိုဘာ ၃၁ မူးယစ်ဆေးဝါးမှုတွင် ပါဝင်ပတ်သက်သည့် တရုတ်နိုင်ငံသားတစ်ဦးကို ဖမ်းဆီးပြီး တရုတ်ဖက်သို့ ပြန်လည်လွှဲပြောင်းပေးလိုက်သည်ဟု “ဝ”တပ်ဖွဲ့ (UWSA) က သတင်းထုတ်ပြန်သည်။ ၎င်းတရုတ်တရားခံတစ်ဦးကို ယုံဟော်နယ်စပ်ဂိတ်မှတစ်ဆင့် တရုတ်နိုင်ငံသို့ အောက်တိုဘာ ၂၉ တွင် လွှဲပြောင်းပေးလိုက်ခြင်းဖြစ်သည်ဟု

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

ဖားကန့်မူးယစ် ဒုရဲမှူး ခင်စိုး မူးယစ်ဆေးဝါးရောင်းဝယ်သမားများထံမှ သိန်းထောင်ချီ လာဘ်စား၊ ကိုယ်တိုင်လည်း မူးယစ်ဆေးရောင်းနေ

မဲခေါင်၊ အောက်တိုဘာ ၃၀ ကချင်ပြည်နယ်၊ ဖားကန့်မြို့နယ် တာဝန်ကျ မူးယစ်တပ်ဖွဲ့မှ ဒုရဲမှူး ခင်စိုးသည် အထက်ဌာနမှ ပုဂ္ဂိုလ်များ လာရောက်နိုင်ခြင်း မရှိသည့် နေရာဆိုကာ လုပ်ပိုင်ခွင့်ကို အသုံးချပြီး မူးယစ်ဆေးသမားများကို သိန်းရာချီ၊ ထောင်ချီ လာဘ်ငွေယူခြင်း၊

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

၃ လကျော်ကြာ ပျောက်ဆုံးနေသည့် တောင်ကြီး ၆ မိုင်မှ Grade – 9 ကျောင်းသား၏ မှတ်ပုံတင်နှင့် သန်းခေါင်စာရင်းကို တာချီလိတ်တပ်မှဟုဆိုကာ မိဘထံ ဖုန်းဆက်တောင်းခံ

မဲခေါင်၊ အောက်တိုဘာ ၃၀ ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ၆ မိုင်ဒေသမှ ၃လကျော်ကြော ပျောက်ဆုံးနေသည့် Grade – 9 ကျောင်းသားတစ်ဦး၏ မှတ်ပုံတင်နှင့် သန်းခေါင်စာရင်းကို အောက်တိုဘာ ၂၂ ရက်တွင် တာချီလိတ်တပ်မှဟုဆိုကာ မိဘများထံ

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now