မဲခေါင်၊ ဖေဖော်ဝါရီ ၂၇
ရှမ်းပြည်တောင်ပိုင်း၊ ရွာငံမြို့နယ်တွင် ယခုလအတွင်း ဖြစ်ပွားခဲ့သည့် တိုက်ပွဲအတွင်း စစ်ကောင်စီ ၁၀ ဦးထက်မနည်း သေဆုံးကာ သေနတ် ၇ လက်ကိုလည်း သိမ်း ဆည်းရမိခဲ့သည်ဟု ဓနုအခြေ စိုက် ပြည်သူ့ကာကွယ်ရေးတပ် မတော် ၁၀၀၃ တပ်ရင်းက ယနေ့တွင် သတင်းထုတ် ပြန်သည်။
ပြီးခဲ့သည့် ဖေဖော်ဝါရီ ၁၈ ရက်တွင် ကျောက်ငှက် – အုတ်တွင်း လမ်းပိုင်းအတိုင်း ပတ်ကင်းလှည့်နေသော စစ်ကောင်စီအား ကြားဖြတ်တိုက်ခိုက်ရာ စစ်ကောင်စီဘက်မှ ဗိုလ်တစ်ဦးအပါ ၁၀ ဦးခန့် သေဆုံးပြီး၂ ဦးထက်မနည်း ထိ ခိုက်ဒဏ်ရာရရှိခဲ့သည်ဟု ၁၀၀၃ တပ်ရင်းကဆိုသည်။
ထိုတိုက်ပွဲအတွင်း ၁၀၀၃ တပ်ရင်းဘက်မှ မစိုးရိမ်ရ ဒဏ်ရာတစ်ဦးရရှိခဲ့ပြီး စစ်ကောင်စီ၏ လက်နက် ၅ လက်၊ ကျည် ၆၀၀ ၊အီနာဂါတစ်လုံး၊ ဆက်သွယ်ရေးစက်ကြီးတစ်လုံး၊ ကျည်ဘောက် ၁၁ ခုကို သိမ်းဆည်းမိခဲ့သည်ဟု ဓနုအ ခြေစိုက် ၁၀၀၃ တပ်ရင်းက ထုတ်ပြန်ချက်တွင် ဖော်ပြသည်။
ထို့ပြင် ပြီးခဲ့သည့် ဖေဖော်ဝါရီ ၈ ရက်တွင်လည်း ရွာငံမြို့နယ်၊ မျှားကလေးကျေးရွာဘက်သို့ စစ် ကြောင်းထိုးလာသော စစ်ကောင် စီတပ်အား ၁၀၀၃ တပ်ရင်းက ကြားဖြတ်မိုင်းဆွဲ တိုက်ခိုက်ရာ စစ်ကောင်စီ၏ လက်နက် ၂ လက်ကို သိမ်းဆည်းမိခဲ့ပြီး သေဆုံး၊ ဒဏ်ရာရသည့် စစ်ကောင်စီတပ်ဖွဲ့ဝင်များကို စစ်ကောင်စီဘက်က နာရေးကားဖြင့် သယ်ဆောင်သွားခဲ့သည်ဟု ထုတ်ပြန်ချက်တွင် ဖော်ပြသည်။
ပြီးခဲ့သည့် ဖေဖော်ဝါရီ ၁၇ ရက်တွင်လည်း ရွာငံမြို့နယ်တွင်း တိုက်ပွဲဖြစ်ပွားခဲ့ပြီး စစ်ဇုန်ထဲသို့ အရပ်သားကားတစ်စီး ဝင်လာခြင်းကြောင့် တော်လှန်ရေးတပ်ဖွဲ့က ပစ်ခတ် ဟန်တားလိုက်ရသဖြင့် စစ်ကောင်စီတပ်သားများ ထွက်ပြေးလွတ်မြောက်သွားသည်ဟု ဓနုအခြေစိုက် ၁၀၀၃ တပ်ရင်းကဆိုသည်။
ထို့ကြောင့် ပြည်သူများအနေဖြင့် တိုက်ပွဲ ဖြစ်နေသည့် အခြေအနေတွင် တိုက်ပွဲဇုန်ထဲသို့ ဝင်ရောက် လာခြင်းမပြုဘဲ ဘေးလွတ်ရာကို ရှောင်တိမ်းကြရန် ၁၀၀၃ တပ်ရင်းက မေတ္တာရပ်ခံထားသည်။
လက်ရှိ၌ ရှမ်းပြည်တောင်ပိုင်းရှိ ဓနုဒေသတွင် စစ်ကောင်စီတပ်ဖွဲ့များနှင့် လက်အောက်ခံ PNO ပြည်သူ့စစ်များ ပျူစောထီးများက ထိုးစစ်ဆင်နေသဖြင့် ဓနုအ ခြေစိုက် တော်လှန်ရေးတပ်ဖွဲ့များနှင့် ထိတွေ့တိုက်ပွဲများ ဖြစ် ပွားလျက်ရှိသည်။
#MeKongNews
#ရွာငံတိုက်ပွဲ
#စစ်ကောင်စီ
#သေဆုံး
#ဓနု
