မဲခေါင်၊ အောက်တိုဘာ ၆
ပြည်သူ့ပါတီခေါင်းဆောင် လွှတ်တော်အမတ်လည်းဖြစ် အမျိုးသားလုံခြုံရေး၊ ထိုင်းနယ်စပ်ရေးရာ၊ အမျိုးသား မဟာဗျူဟာနှင့် နိုင်ငံပြုပြင်ပြောင်းလဲရေး ကော်မတီ ဥက္ကဌလည်းဖြစ်သည့် ရန်ဆီမန်ရုမ်းက လွတ်တော်အတွင်း ကမ္ဘောဒီးယားကျားဖြန့်လုပ်ငန်းများတွင် ထိုင်းဝန်ကြီးချုပ်ဟောင်းသက်ဆင်အပါ နိုင်ငံထိပ်တန်းအစိုးရအကြီးအကဲများ ဆက်စပ်မှုရှိနေသည်ဟု စွပ်ဆွဲခဲ့ရာ မိမိအား ကျားဖြန့်ခေါင်းဆောင်ဟု ပြောဆိုခဲ့မှုကြောင့် တောင်အာဖရိကစီးပွားရေးလုပ်ငန်းရှင် ဘန်ဂျမင်မူအာဘာဂါ (အများသိအမည် ဘန်စမစ်) က အသရေဖျက်မှုဖြင့် ဘတ် သန်း ၁၀၀ ရလို ကြောင်း တရားစွဲလိုက်သည်။
ProjectBrazen မီဒီယာပူးပေါင်းထူထောင်သူ တွမ်ရိုက်က Whale Hunting ဆိုသည့် ပလက်ဖောင်းတွင် စုံစမ်းသိရှိရသော ကမ္ဘောဒီးယားကျားဖြန့်လုပ်ငန်းများအကြောင်း စာမျက်နှာ ၁၃၀ ပါ လေ့လာတွေ့ရှိချက်အား ဖော်ပြခဲ့ကာ ရန်ဆီမန်းရုမ်းက လက်ရှိ ထိုင်းဒုဝန်ကြီးချုပ်လည်းဖြစ် စိုက်ပျိုးရေးဝန်ကြီးလည်းဖြစ်သော သမ်မာနတ်ပရွမ်ပါအိုနှင့် ဘန်စမစ်တို့ ဘာသာရေးအခမ်းအနားပွဲ တစ်ခုတွင် အတူရှိနေသည့် ဓာတ်ပုံမှတ်တမ်းများနှင့်အတူ ဖြေရှင်းချက်တောင်းဆိုခဲ့သည်။
ဘန်စမစ်သည် ကမ္ဘောဒီးယားကျားဖြန့်များအတွက် ငွေကြေးခဝါချမှုကို အဓိကလုပ်ဆောင်ပေးရာတွင် ထိုင်းနိုင်ငံရေးအကြီးအကဲများလည်း ပတ်သက်မှုရှိနေကာ လူမှောင်ခိုသမားလည်းဖြစ်သည်ဟု ရန်ဆီမန်ရုမ်းက ပြောဆိုခဲ့သည်။
ထို့ကြောင့် ပရွမ်ပါအိုက မိမိအားအသရေဖျက်မှုကြောင့် ရန်ဆီမန်ရုမ်းကို တရားစွဲကာ ဘတ်သန်းပေါင်း များစွာ လျော်ကြေးပေးရမည်၊ ထိုသတင်းမှားများဖြန့်သည့် မီဒီယာအားလုံးကိုပါ တရားစွဲမည်၊ ပွဲလာမတည်နှင့်ဟုဆိုကာ အမှုပေါင်း ၁၀၀ ကျော်ဖွင့်လှစ် တရားစွဲမည်ဟု ကြေညာအပြီး ကမ္ဘောဒီးယားမှ သီးသန့်ဂျက်လေယာဉ်ဖြင့် ထိုင်းသို့ ဝင်လာပြီးနောက် ပျောက်နေသည့် ဘန်စမစ်ကပါ စိုက်ပျိုးရေးနှင့်သမဝါယမဝန်ကြီးဌာန မှ အတိုင်ပင်ခံဖြစ်သူ သန်နာဒေါဆူဝမ်နာရစ်အား လွှဲစာပေးပြီး အောက်တိုဘာ ၄ ရက်က စတင်တရား စွဲလိုက်ကြောင်း အသိပေးထုတ်ပြန်သွားခြင်းဖြစ်သည်။
ရန်ဆီမန်ရုမ်းကမူ ပရွမ်ပါအိုအား ကျားဖြန့်ဒုစရိုက်လုပ်သူဟု စွပ်စွဲခဲ့ခြင်းမဟုတ်ဘဲ နောက်တစ်ပတ် မိမိ၏ ကော်မတီအစည်းအဝေးတွင် ပါဝင်ကာ သတင်းအချက်အလက်များအား မျှဝေရန် ဖိတ်ခေါ်ခြင်း သာဖြစ်သည်ဟု တုံ့ပြန်ထားသည်။
ထွက်ပေါ်လာသော တွမ်ရိုက်၏ စုံစမ်းဖော်ထုတ်မှုသတင်းလွှာတွင် ဘန်စမစ်သည် Huiwan Company နှင့် Huiwan PLC ကုမ္ပဏီများနှင့် ပူးပေါင်းကာ ကျားဖြန့်စီးဝင်ငွေ ဘတ် ၃ ထရီလီယံကို ငွေဖြူငွေမဲဖြစ်စေရန် ခဝါချပေးခြင်းတာဝန်လည်း ယူထားသူဖြစ်ကြောင်း၊ ထိုင်းဆိုက်ဘာရဲတပ်ဖွဲ့ သက်သေရှာထားမှုအရ ထိုကျားဖြန့်ငွေမဲများကို ဘဏ်များနှင့်ချိတ်ဆက်ကာ ရွှေများအား ခရစ်ပတို ငွေကြေးဖြင့် ဝယ်ယူပြီး ငွေဖြူအဖြစ် ပြန်လဲကာ ရယူကြကြောင်း၊ ထိုင်းဒစ်ဂျစ်တယ်စီးပွားရေးနှင့် လူမှုရေးဝန်ကြီး ချိုင်ချန်နော့ချစ်ဒ်ချော့ဘ်သည် ကျားဖြန့်ဂိုဏ်းများအား အမှုမပေါ်၊ စွဲချက်တင်မခံရစေရေး အာမခံသည့်အနေဖြင့် တစ်လ ဘတ်သန်း ၄၀ ရယူခံစားနေသည်ဟု ဖော်ပြပါရှိခဲ့သည်။
ကိုကလင်း
Ref: Khaosod
#MeKongNews
#ကျားဖြန့်
#ထိုင်းနိုင်ငံ
#ရမ်ဆီမန်ရုမ်း
#ဘန်စမစ်
#တရားစွဲ
