မဲခေါင်၊ စက်တင်ဘာ ၁၇
Gen Z လူငယ်များဦးဆောင်ကာ အကျင့်ပျက်ခြစားမှုများရှိနေသော အစိုးရကို ဖြုတ်ချခဲ့သည့် ဆန္ဒပြပွဲ ကြောင့် သေဆုံးခဲ့သူပေါင်း ၇၃ ယောက်အတွက် ဝမ်းနည်းအောက်မေ့ဖွယ်အထိန်းအမှတ်အဖြစ် စင်တင်ဘာ ၁၇ ရက်တွင်ကျရောက်သည့် အမျိုးသားနေ့၌ နီပေါနိုင်ငံတစ်ဝန်း အလံတစ်ဝက်လွှင့်ထူခဲ့သည်။
လူမှုကွန်ရက်များကို အစိုးရက ပိတ်ပင်လိုက်သဖြင့် စက်တင်ဘာ ၈ ရက်တွင် စတင်ခဲ့သော လူထုအုံကြွမှု၌ ပထမဆုံးဆန္ဒပြရက်မှာပင် ရဲတပ်ဖွဲ့က အကြမ်းဖက် ဖြိုခွင်းသောကြောင့် ၁၉ ဦး သေဆုံးရပြီး တစ်နိုင်ငံလုံးအတိုင်းအတာဖြင့် နီပေါ အစိုးရအား အဓိကရုဏ်းအသွင် တော်လှန်မှု ကြောင့် သေဆုံးသူပေါင်း ၇၃ ယောက်ရှိခဲ့ရခြင်းဖြစ်သည်။
၇၃ နှစ်အရွယ် တရားရေးချုပ်ဟောင်း ဆူရှိလာကာကီကို နိုင်ငံ၏ ပထမဆုံးသော အမျိုးသမီး ဝန်ကြီးချုပ် (ယာယီဝန်ကြီးချုပ်) အဖြစ် တင်မြှောက်ပြီးနောက် ယာယီအစိုးရ ပြည်ထဲရေးဝန်ကြီးဌာန က ဆန္ဒပြပွဲအတွင်း သေဆုံးခဲ့ရသူများအတွက် ဝမ်းနည်းအောက်မေ့ဖွယ်နေ့အဖြစ် စက်တင်ဘာ ၁၇ ရက်ကို သတ်မှတ်သည်ဟု ကြေညာကာ အလံများ တစ်ဝက်သာ လွှင့်ထူခဲ့ခြင်းဖြစ်သည်။
ယာယီဝန်ကြီးချုပ် ဆူရှိလာကာကီက သေဆုံးခဲ့ရသူများကို အာဇာနည်းများအဖြစ် သတ်မှတ်ကာ နိုင်ငံ တော်အခမ်းအနားဖြင့် သဂြိုလ်ဂုဏ်ပြုမည်ဟု ထုတ်ပြန်ကြေညာခဲ့ကာ ၆ လအတွင်း ရွေးကောက်ပွဲ ကျင်းပကာ အကျင့်ပျက်ခြစားမှုကင်းစင်သော အနာဂတ်နိုင်ငံတော် ထူထောင်သွားမည်ဟု ထုတ်ပြန်ခဲ့သည်။
နီပေါနိုင်ငံတွင် အစိုးရအကြီးအကဲများ လွန်စွာချမ်းသာနေသော်လည်း အသက် ၁၅ နှစ်မှ ၂၄ နှစ်အတွင်းရှိ လူဦးရေ ၅ ပုံ ၁ ပုံသော လူငယ်များ အလုပ်လက်မဲ့ဖြစ်နေကာ တစ်ဦးချင်း ဂျီဒီပီသည်လည်း ၁၄၄၇ ဒေါ်လာသာရှိသည်ဟု ကမ္ဘာ့ဘဏ်က ထုတ်ပြန်ထားသည်။
လူထုအုံကြွမှုတွင် ထောင်ပွင့်ပြီး ထွက်ပြေးလွတ်မြောက်သူ ၁၃၅၀၀ ရှိခဲ့ကာ အကျဉ်းသား ၅၀၀၀ သည် ပြန်လည် အဖမ်းခံပြီး လွတ်မြောက်သူများထဲမှ ၃ ပုံ ၁ ပုံမှ ဆက်လက် လွတ်မြောက်နေသေး ကြောင်း သိရသည်။
ကိုကလင်း
Ref: arabnews
#MeKongNews
#နီပေါနိုင်ငံ
#အမျိုးသားနေ့
#ဆန္ဒပြပွဲ
#ဆူရှိလာကာကီ
#ယာယီဝန်ကြီးချုပ်
