မဲခေါင်၊ စက်တင်ဘာ ၁၁
တောင်အာရှ ဟိမ၀န္တာတောင်တန်းရှိ နီပေါနိုင်ငံတွင် အစိုးရအဖွဲ့အကြီးအကဲများအား ဖမ်းဆီးဖြုတ်ချမှု များပင် ပြုလုပ်လာနိုင်သော လူထုအုံကြွမှုအဓိကရုဏ်၌ စစ်တပ်သည် စက်တင်ဘာ ၉ ရက်နေ့မှ ဝင်ပါကာ မြို့တော်ခတ္တမန္ဒူသို့ ဝင်ရောက်ထိန်းသိမ်းသော်လည်း ဒေသတွင်းသတင်းများအဆိုအရ ထိုအရေးအခင်းကြောင့် သေဆုံးသူ အနည်းဆုံး ၃၀ အထိ တိုးမြင့်လာခဲ့ကြောင်း သိရသည်။
လူမှုကွန်ရက်အသုံးပြုခြင်းအား လွှတ်တော်ဖွဲ့ကာ ပိတ်ပင်လိုက်ခြင်းမှစတင်ပြီး လူငယ် Gen Z များ အုံကြွဆန္ဒပြမှုကို နီပေါ လုံခြုံရေးတပ်ဖွဲ့များက သေနတ်ဖြင့် အသေပတ်သတ်မှုများကြောင့် တစ်ရက်တည်း ၁၉ ဦး သေဆုံးသဖြင့် ပြည်သူတစ်ရပ်လုံးပါဝင်ပြီး လွှတ်တော်နှင့်အစိုးရအဆောက် အအုံများပါ မီးတင်ရှို့ခြင်း၊ ထိပ်တန်းပါတီခေါင်းဆောင်များ၊ ဝန်ကြီးချုပ်ဟောင်းနှင့်ဇနီး၊ လက်ရှိ ဝန်ကြီးများနေအိမ်များကိုပါ မီးရှို့ကာ ဖမ်းမိသည့်ဝန်ကြီးများအား ရိုက်နှက်အကြမ်းဖက်မှုများပင် ရှိလာရာ ဝန်ကြီးချုပ်ရှာမာအိုလီကိုယ်တိုင် နှုတ်ထွက်သွားခဲ့ရသည်။
စက်တင်ဘာ ၉ ရက် ညနေပိုင်းတွင် ယခင် ဝင်မပါခဲ့သော နီပေါစစ်တပ်သည် ခတ္တမန္ဒူမြို့တော် လမ်းများပေါ်၌ ပြန်တည်တည်ငြိမ်အေးချမ်းစေရန် လုံခြုံရေးတာဝန်ယူခဲ့သော်လည်း စက်တင်ဘာ ၁၀ ရက်ညနေပိုင်း နီပေါကျန်းမာရေးနှင့် ပြည်သူ့အင်အားဝန်ကြီးဌာနထုတ်ပြန်ချက်အရ သေဆုံးသူပေါင်း အနည်းဆုံး အယောက် ၃၀ အထိ တိုးမြင့်လာပြီဖြစ်ကာ ၁၀၀၀ ကျော် ဒဏ်ရာရခဲ့သည်ဟု သိရှိရသည်။
စက်တင်ဘာ ၉ ရက်တွင် ဆန္ဒပြသူများသည် အဂတိလိုက်စားကာ အကျင့်ပျက်ပြီး နိုင်ငံကို ဖျက်ဆီးခဲ့ သော အစိုးရအဖွဲ့ အကြီးအကဲများကို လွှတ်မပေးဘဲ တာဝန်ခံကာ အပြစ်ပေးရန် ဆန္ဒပြကြသဖြင့် ထိန်းသိမ်းမှုများကြောင့် ထပ်မံသေဆုံး ဒဏ်ရာရများ တိုးခဲ့ခြင်းဖြစ်ကြောင်းလည်း သိရသည်။
တောင်အာရှဒေသအတွင်း အစိုးရဆန့်ကျင်ရေးအကြမ်းဖက်လှုပ်ရှားမှုများ ဆက်တိုက် အောင်မြင်နေခဲ့ ကာ ၂၀၂၂ ခုနှစ်က သီရိလင်္ကာအစိုးရအဖွဲ့ ပြုတ်ကျခဲ့ပြီး ၂၀၂၄ ခုနှစ်တွင် ကာလရှည် နိုင်ငံအာဏာ ဆုပ်ကိုင်ခဲ့သော ဘင်္ဂလားဒေ့ရှ်ခေါင်းဆောင် ရှိတ်ခ်ဟာဆီနာ အိန္ဒိယသို့ ထွက်ပြေးကာ အစိုးရတစ်ရပ် လုံးပြုတ်ကျသွားခဲ့ရသည်။
ကိုကလင်း
Ref: straitstimes
#MeKongNews
#နီပေါနိုင်ငံ
#ဆန္ဒပြပွဲ
#တောင်အာရှ
#ခတ္တမန္ဒူမြို့တော်
