မဲခေါင်၊ မေ ၁
ကျားဖြန့် လူမှောင်ခိုခံရမှုများစွာရှိသလို ထိုင်းနိုင်ငံအတွင်း အသက်အန္တရာယ် သေဆုံးမှုများ နည်းမျိုးစုံဖြစ်ပွားခဲ့သဖြင့် ထိုင်းနိုင်ငံ၏ တရုတ်ဗဟိုပြု ပြည်ပခရီးသွားလုပ်ငန်းများ အထူးအကြပ်အတည်းကာလအတွင်း ရောက်ရှိနေသဖြင့် တရုတ်အားပြု မူဝါဒများကို ပြန်လည်ပြင်ဆင်ရေးဆွဲရန် လိုအပ်နေပြီဖြစ်ကြောင်း ထိုင်းခရီးသွားနှင့် အားကစားဝန်ကြီးဌာန အမြဲတမ်းအတွင်းရေးမှူး နတ်တာရီယာ တာဝီဝမ် က သတိပေး တိုက်တွန်းသွားခဲ့သည်။
ထိုင်းနိုင်ငံအတွင်းသို့ နိုင်ငံခြားငွေများ လဲလှယ်စီးဝင်မှု၏ နောက်ဆုံးခံတပ်သည် တရုတ်နိုင်ငံသား ခရီးသွားများ လာရောက်သုံးစွဲကြခြင်းဖြစ်ရာ ၂၀၂၅ နှစ်ဆန်းပိုင်းမှာပင် တရုတ်ခရီးသွားများ ထိုင်းသို့လာရောက်မှု ၁၇ ရာခိုင်နှုန်း ကျဆင်းသွားပြီး ယခင် တစ်နေ့ တရုတ်ခရီးသွား သောင်းနှင့်ချီ လာနေကြအနေအထားမှ ယခု တစ်နေ့ ၇၀၀၀ ပင်မပြည့်တော့သည့်အတွက် စိုးရိမ်ရေအမှတ်ရောက်ရှိနေပြီဟု နတ်တာရီယာက အစိုးရအဖွဲ့အစည်းအဝေးတွင် တင်ပြသွားခဲ့သည်။
၂၀၂၅ ပထမ ၃ လအတွင်း တရုတ်ခရီးသွားများ ထိုင်းသို့ဝင်ရောက်ခြင်းမှာ ၁၇ ရာခိုင်နှုန်းကျဆင်းသွားခြင်းဖြစ်ကာ ဂျပန်နှင့် ဗီယက်နမ်တို့က တန်ဖိုးမြှင့်အခွန်ကြေးများ ပြန်အမ်းပေးခြင်း၊ Duty Free စျေးဝယ်ခွင့်များဖြင့် တရုတ်ခရီးသွားများကို စွဲဆောင်နိုင်သဖြင့် ထိုင်းသို့ တရုတ်များ လာရောက်မှု အလွန်နည်းပါးသွားကြောင်း၊ တရုတ်အစိုးရကိုယ်တိုင်က ၎င်းတို့ နိုင်ငံသားများကို ပြည်ပခရီးသွားခြင်းထက် ပြည်တွင်းတွင်သာ ခရီးသွားပါက တန်ဖိုးမြှင့်အခွန် ၁၃ ရာခိုင်နှုန်းအထိကို ပြန်ပေးနေသဖြင့် ထိုင်းသို့ တရုတ်ခရီးသွားများ လာရောက်မှု ကျဆင်းနေပြီဖြစ်သည်ဟု နတ်တာရီယာက ဆိုသည်။
တရုတ်-ထိုင်း သံတမန်ဆက်ဆံရေး နှစ် ၅၀ ပြည့်ကာလဖြစ်သော်လည်း ဂျပန်တွင် အခွန်များ ပြန်ပေးခြင်းကြောင့် တရုတ်ခရီးသွားများ မြင့်တက်မှုမှာ ၂၀၁၉ မတ်လကထက်စာလျှင် ၂၁၉ ရာခိုင်နှုန်းအထိ မြင့်တက်လာချိန် ထိုင်းမှာ ၂၀၂၅ ခုနှစ် ဧပြီနှင့် ဇွန်လအတွင်း ပြည်ပခရီးသွား ၈.၃၇ သန်း လာရောက်မည်ဟု မျှော်မှန်းထားပြီး ပထမနှစ်ဝက်တာကာလအတွင်း ဝင်ငွေ ၈၆၂ .၄၂ ဘီလီယံ ဘတ် ရရှိမည်ဟု မျှော်မှန်းထားသော်လည်း မျှော်လင့်ထားသလောက်ဖြစ်လာရန် ခက်ခဲ့သည့် ခရီးသွားနည်းပါးမှုကို ကြုံနေရသည်ဟု ဆိုသည်။
တရုတ်ခရီးသွားများဝင်ရောက်လာမှုမှာ အဆပေါင်းများစွာ ကျဆင်းသွားသဖြင့် ဂျပန်နှင့် တရုတ်အစိုးရ ကျင့်သုံးသည့် အခွန်ပြန်အမ်းမှုများ၊ Duty Free ဝယ်ယူခွင့် များပေးခြင်းနှင့် လာရောက်လည်ပတ်စေချင်စရာ အဆောက်အအုံပတ်ဝန်းကျင်များ၊ သက်သာသော ဟိုတယ်စျေးနှုန်း အခင်းအကျင်းများဖြစ်စေရန် မူဝါဒမပြင်ပါက နစ်နာမှု များပြားမည်ဟု နတ်တာရီယာ က တင်ပြသွားခြင်း ဖြစ်သည်။
ကိုကလင်း
Ref:Khaosod
#MeKongNews
#ထိုင်းနိုင်ငံ
#တရုတ်ခရီးသွား
#ဗီယက်နမ်
#ဂျပန်
