မဲခေါင်၊ မတ် ၁
အက်ဖ်ဘီအိုင် ဒါရိုက်တာ စရစ္စတိုဖာဝရေးက သူတို့လေ့လာ အဖြေရှာမှုမှာ ဝူဟမ်ဓာတ်ခွဲခန်းက ကိုဗစ်-၁၉ ဗိုင်းရပ်စ်ကို စတင် ဖြစ်တည်စေခဲ့တယ်လို့ မတ်လ ၁ ရက်နေ့မှာ အတည်ပြု ကောက်ချက်ချ ထုတ်ပြန်ပါတယ်
ဖေဖော်ဝါရီ ၂၈ ရက်နေ့က အမေရိကန်ရဲ့ သုတေသနအဖွဲ့ Energy Department က ကိုဗစ် -၁၉ ဗိုင်းရပ်စ်ဟာ အစောပိုင်း ထင်ကြေးပေးခဲ့ကြသလို စတင်ဖြစ်ပွားရာ ဝူဟမ်မြို့ ဓာတ်ခွဲခန်းကနေ ပေါက်ကြား ပျံ့နှံ့တာဖြစ်တယ်လို့ ကောက်ချက်ချကြောင်း Wall Street Journal ကနေ ဖော်ပြခဲ့ပြီး အမေရိကန်မှာ ကိုဗစ်-၁၉ ဘယ်က စသလဲဆိုတာကို အဖွဲ့ ၄ ဖွဲ့က သုတေသန ပြုလုပ်ရာမှာတော့ နှစ်ဖွဲ့က ဝူဟမ်က စတာလို့ အတည် ပြုခဲ့ကြပြီး ကျန်နှစ်ဖွဲ့ကတော့ ထုတ်ပြန်ချက် တစ်စုံတစ်ရာ မပြုလုပ်သေးပါဘူး။
အက်ဖ်ဘီအိုင်ရဲ့ တွစ်တာမှာ “အက်ဖ်ဘီအိုင် ဒါရိုက်တာ ခရစ္စတိုဖာဝရေးက ကိုဗစ် -၁၉ ဗိုင်းရပ်ကို တရုတ်နိုင်ငံ ဝူဟမ်မြို့ ဓာတ်ခွဲခန်းကနေ စတင်ပေါက်ကြားကြောင်း ကောက်ချက်ချ အတည်ပြုပါတယ်” လို့ ရေးတင်ခဲ့ ပါတယ်။
ခရစ္စတိုဖာဝရေးက တရုတ်အစိုးရဟာ သူတို့ဆီက ကိုဗစ်-၁၉ ဗိုင်းရပ်စ် စတင်ဖြစ်တည်တယ်ဆိုတာကို ဖုံးကွယ်နိုင်ဖို့ စုံစမ်းစစ်ဆေးမှုတိုင်းကို ရှုပ်သထက်ရှုပ်အောင် လုပ်ဆောင်နေသလို ပူးပေါင်းဆောင်ရွက်မှု မရှိ၊ ဖုံးကွယ်မှု အတိနဲ့ လိမ်ညာနေတယ်လို့ ဝေဖန် ပြောကြားသွားပါတယ်။
ဒါပေမဲ့ သုတေသနပြု လေ့လာမှုနဲ့ ကောက်ချက်ချမှုအပိုင်း အသေးစိတ်ကို အက်ဖ်ဘီအိုင်က ထုတ်ပြန်နိုင်ခြင်း မရှိကြောင်းနဲ့ ဒီဗိုင်းရပ်စ် ဇစ်မြစ်ကို သိကုန်ကြရင် ဇီဝလက်နက် ထုတ်လုပ်လာနိုင်မှု၊ အကြမ်းဖက်သမားတွေ လက်ထဲ ရောက်သွားရင် နိုင်ငံဖျက်ဆီးနိုင်တဲ့ ရာဇဝတ်မှုတွေ ဖြစ်လာမှာစိုးလို့ လျှို့ဝှက်ထားတာဖြစ်ကြောင်း ထုတ်ပြန်ပါတယ်။
တရုတ်အစိုးရကတော့ ၂၀၁၉ ခုနှစ် နိုဝင်ဘာလမှာ ဝူဟမ်မြို့ကနေ စပြန့်တဲ့ ကိုဗစ်-၁၉ ဗိုင်းရပ်စ်ဟာ တခြားနိုင်ငံ တစ်နိုင်ငံက လာတာမျိုး ဖြစ်နိုင်ကြောင်း ထုတ်ပြန်ထားသလို ကမ္ဘာ့ကျန်းမာရေးအဖွဲ့ WHO ကို ကန့်သတ်ထိန်းချုပ်မှု အများအပြားထားရှိပြီး စစ်ဆေးမှုပေးလုပ်တဲ့ ရလဒ်ပိုင်းအရ သဘာဝအတိုင် းဖြစ်လာတဲ့ ဗိုင်းရပ်စ်ဖြစ်နိုင်တယ်လို့ ကမ္ဘာသိ ဆင်ခြေပေး ထုတ်ပြန်ထားပါတယ်။
အခု အမေရိကန် ထောက်လှမ်းရေးနှစ်ဖွဲ့ရဲ့ ကောက်ချက် ချမှုနဲ့ ပတ်သက်လို့ တရုတ်အစိုးရက မှတ်ချက် တစ်စုံတစ်ရာပေးခြင်း မရှိသေးပါဘူး။
Ref: theweek
MKF-001
#MeKongNews
#ဝူဟန်
#ကိုဗစ်-၁၉
#WHO