မဲခေါင်၊ ဖေဖော်ဝါရီ ၁၄
စစ်ကိုင်းတိုင်း၊ မုံရွာမြို့နယ်၊ တောပုကျေးရွာမှာရှိတဲ့ ပျူစောထီးစခန်းကို ဒေသခံ PDF တွေ သွားရောက်တိုက်ခိုက်ရာ ပျုစောထီး ၂ဦးသေဆုံးတယ်လို့ မုံရွာခရိုင်အမှတ်(၁၁)တပ်ရင်း People’s Defence Force – South Monywa မှ တာဝန်ခံ ဒေါင်းကာရန်က ပြောပါတယ်။
ဖေဖော်ဝါရီ ၁၂ ရက် ည ၇ နာရီ ဝန်းကျင်ခန့်က မုံရွာမြို့နယ်၊ တောပုကျေးရွာအတွင်းရှိ ပျူစောထီးတွေစုဝေးရာနေရာသို့ လက်လုပ် ၄၀ မမ တွေ၊ လက်လုပ်ရှော့ဂန်းတွေ အော်တိုဂန်းတွေနဲ့ ဝိုင်းဝန်းပစ်ခတ်တိုက်ခိုက်ခဲ့တာလို့ PDF-South Monywa ရဲ့ တာဝန်ခံ ဒေါင်းကာရန်က ပြောပါတယ်။
၄၀ မမ ၅ လုံးဟာ ပျူစောထီးတွေ စုဝေးရာနေရာသို့ ကျရောက်ပေါက်ကွဲရာ ၂ဦးသေဆုံးပြီး အများအပြားထိခိုက်ဒဏ်ရာရသွားတယ်လို့ သိရပါတယ်။
ပျူစောထီးတွေဘက်ကလည်း ၆၀မမ တွေ၊ ၉၀မမတွေနဲ့ ပြန်လည်ပစ်ခတ်ခဲ့ပေမယ့် ရဲဘော်တွေ အထိအခိုက်မရှိ ပြန်လည်ဆုတ်ခွာနိုင်ခဲ့တယ်လို့ သိရပါတယ်။
အဲဒီ စစ်ဆင်ရေးကို မုံရွာခရိုင်အမှတ်(၁၁)တပ်ရင်း People’s Defence Force – South Monywa နဲ့ Monywa People’s Liberation Force-ဒေါင်းမင်းစစ်ကြောင်းတပ်ခွဲ၊ Spring Dove၊ Forces our history(ငါတို့သမိုင်း)တို့ ပူးပေါင်းတိုက်ခိုက်ခဲ့တာလို့ ထုတ်ပြန်ထားပါတယ်။
စစ်ကိုင်းဒေသကြီးမှာ မုံရွာခရိုင်အပြင် ရွှေဘိုခရိုင်အတွင်းမှာလည်း ပျူစောထီးကျေးရွာတွေကို ဒေသခံကာကွယ်ရေးတပ်တွေက ဝင်ရောက်စီးနင်းတိုက်ခိုက်မှုတွေ ပြုလုပ်နေတယ်လို့လည်း သိရပါတယ်။
ဒါ့အပြင် အရေးပေါ် အခြေအနေအရ ပစ်ခတ်မှုတွေရှိနေတာကြောင့် မုံရွာ-မန္တလေးလမ်းမကြီးရဲ့မုံရွာ-မြင်းမူလမ်းပိုင်းကို ဒီနေ့ မနက် ၉နာရီခွဲမှစပြီး မနက်ဖြန် မနက် ၅နာရီအတွင်း လုံးဝ ဖြတ်သန်းသွားလာရေး မပြုကြဖို့လည်း မုံရွာခရိုင်အမှတ်(၁၁)တပ်ရင်း People’s Defence Force – South Monywa က အသိပေးမေတ္တာရပ်ခံထားပါတယ်။
MK-003
#MeKongNews
#မုံရွာ
#ပျူစောထီး