မဲခေါင်၊ ဧပြီလ ၂၆
ရှမ်းပြည်တောင်ပိုင်း၊ ဝမ်ဟိုင်းဌာနချုပ်မှာ SSA ထူထောင်တဲ့ နှစ် ၆၀ ပြည့်အခမ်းးအနားတက်ဖို့ ရောက်လာတဲ့ AA ဒုဦးစီးချုပ် ဒေါက်တာညိုထွန်းအောင်ဟာ SSPP/SSA က ဖွင့်လှစ်ထားတဲ့ အရာရှိသင်တန်းကျောင်းကို သွားရောက်ကာ ကျောင်းအလုပ်အမှုဆောင်တွေ၊ သင်တန်းတက်ရောက် နေသူတွေနဲ့တွေ့ဆုံခဲ့တယ်လို့ SSPP/SSA က ထုတ်ပြန်ပါတယ်။
ပြီးခဲ့တဲ့ ဧပြီလ ၂၄ ရက်မှာ ပြုလုပ်ခဲ့တဲ့ SSPP/SSA ထူထောင်တဲ့ နှစ် ၆၀ ပြည့်အခန်းအနားကို တက်ရင်း AA ဦးစီးချုပ်ဟာ အရာရှိသင်တန်းကျောင်းကို သွားရောက်တွေ့ဆုံကာ အရာရှိသင်တန်းကျောင်းနဲ့ ပတ်သက်တဲ့ အရည်အချင်းပြည့် ခေါင်းဆောင်ကောင်းတွေ ဖြစ်လာဖို့ ရခိုင်အမျိုးသားအဖွဲ့ချုပ် ULP/AA အနေနဲ့ တက်ရောက်ခဲ့ဘူးတဲ့ အရာရှိသင်တန်းကျောင်းတွေ အကြောင်းကို ရှင်းလင်းပြောကြားခဲ့တယ်လို့ သိရပါတယ်။
တွေ့ဆုံပွဲမှာ နှစ်ဖက်အပြန်အလှန်မိတ်ဆက်ကာ လက်ရှိဖွင့်လှစ်ထားတဲ့ OTS အရာရှိသင်တန်းကျောင်း ဖြစ်ပေါ်လာပုံ၊ သတ်မှတ်စည်းမျဉ်းစည်းကမ်းတွေ အဆင့်ဆင့်နဲ့ သင်ကြားရေးဘာသာရပ်အကြောင်းတွေ ကို SSA အရာရှိသင်တန်းကျောင်းအမှုဆောင်တို့က ရှင်းလင်းတင်ပြခဲ့တယ်လို့ ဆိုပါတယ်။
MK-012
