မဲခေါင်၊ အောက်တိုဘာ ၂၇
အစ္စရေးနိုင်ငံကို သွားရောက်အလုပ်လုပ်ကိုင်နေကြတဲ့ ထိုင်းနိုင်ငံသားပေါင်း အယောက် ၃၀ အထိကို ဟားမက်စ် တွေက သတ်ဖြတ်ခဲ့ပြီး ပြန်ပေးဆွဲခံထားရသေးတဲ့ ၁၉ ဦးလွတ်မြောက်စေဖို့ ထိုင်းဝန်ကြီးချုပ် ဆရတ်သာ သာဗီဆင်းဟာ ဒေသတွင်း မွတ်ဆလင် အင်အားကြီးနိုင်ငံတွေကို အကူအညီတောင်းနေခဲ့ပါတယ်။
အစ္စရေးနိုင်ငံမှာ ပြည်ပသား အလုပ်သမား ၁၅၀၀၀၀ အလုပ်လုပ်ကိုင်နေကြပြီး အောက်တိုဘာ ၇ ရက်နေ့က အစ္စရေးနယ်စပ်ဖြတ်ကျော်တိုက်ခိုက်တဲ့နေရာမှာ စိုက်ပျိုးရေးလုပ်သား ထိုင်းနိုင်ငံသား အများဆုံး သတ်ဖြတ် ဖမ်းဆီးခေါ်ဆောင်ခံခဲ့ရပါတယ်။
ပျောက်ဆုံးနေသူ ၂ ဒါဇင်ကျော်စာရင်းမပါတာတောင် ပြန်ပေးဆွဲခံရတဲ့ အယောက် ၂၂၀ ထဲမှာ ထိုင်းနိုင်ငံသား အများဆုံးအဖြစ် ၅၄ ယောက် ပါသွားခဲ့ကြောင်း၊ နောက်ဆုံးရသတင်းအရ အယောက် ၃၀ သတ်ဖြတ်ခံရပြီး ၁၉ ယောက်ကို ဓားစာခံအဖြစ် ဟားမက်စ်က ဖမ်းထားတယ်လို့ အစ္စရေး ဘက်က အောက်တိုဘာ ၂၅ ရက်နေ့မှာ ထုတ်ပြန်ခဲ့ပါတယ်။
ဒါကြောင့် ထိုင်းဝန်ကြီးချုပ် ဆရတ်သာသာဗီဆင်းဟာ ပါလက်စတိုင်းထောက်ခံ မွတ်ဆလင်မဟာမိတ်နိုင်ငံကြီး တွေဖြစ်တဲ့ မလေးရှား၊ အီဂျစ်၊ ဂျော်ဒန်၊ ပါလက်စတိုင်း အကြီးအကဲ အာဏာပိုင်တွေဆီ ကိုယ်တိုင်သွားတွေ့ခြင်း နဲ့ ဖုန်းဆက်သွယ်မှုကနေ ဓားစာခံ ထိုင်းနိုင်ငံသား ၁၉ ဦးပြန်လွှတ်ပေးရေး အကူအညီပေးဖို့ တောင်းပန်ခဲ့ပါ တယ်။
လက်ရှိမှာ အစ္စရေး-ဟားမက်စ်စစ်မီးကြောင့် နှစ်ဖက်သေဆုံးမှု ၇၀၀၀ ကျော်ခဲ့ပြီဖြစ်ပြီး စစ်ရေးပဋိပက္ခ ဇုန်ထဲမှာ ထိုင်းနိုင်ငံသား ၅၀၀၀ ကျော်ရှိနေသေးပါတယ်။
ထိုင်းအလုပ်သမား ၃၀၀၀ ကို နှစ်ပတ်အတွင်း ပြန်လည်ခေါ်ယူပေးနိုင်ခဲ့ပြီးဖြစ်ပေမယ့် အိမ်ပြန်လာဖို့ စာရင်းပေးထားသူ ၈၀၀၀ သာရှိသေးပြီး ကျန် ၂၀၀၀၀ ကျော်ဟာ ပြည်တော်ပြန်လာခဲ့ရင် ချေးငှားပြီး ပွဲစားကနေတစ်ဆင့် အစ္စရေးကို အလုပ်သွားလုပ်မှု မှာ အကြွေးများစွာ ဆပ်ဖို့ အဆင်မပြေတာကြောင့် အစ္စရေးမှာပဲ ဆက်နေဖို့ ဆုံးဖြတ်ကြတဲ့အတွက် စိုးရိမ်စရာ အခြေအနေဖြစ်တယ်လို့ ဆရတ်သာ သာဗီဆင်းက ဖွင့်ပြောသွားပါတယ်။
Ref: scoop
MKF-001
#MeKongNews
#အစ္စရေး
#ထိုင်း
#အလုပ်သမား
#ပြန်ခေါ်
#မွတ်ဆလင်
#နိုင်ငံ