မဲခေါင်၊ မတ် ၈
အာဏာသိမ်း စစ်ကောင်စီ ခိုင်းသမျှ လုပ်နေရတဲ့ ပအိုဝ်းအမျိုးသား အဖွဲ့ချုပ်-PNO ရဲ့ ပြည်သူ့စစ်ဖြစ်တဲ့ ပအိုဝ်း အမျိုးသား တပ်မတော်-PNA က ပအိုဝ်း လူငယ်တွေ စစ်မှုထမ်းကြဖို့ မနေ့က ထုတ်ပြန်လိုက်ပါတယ်။
စစ်ကောင်စီ ခိုင်းဖတ် ပြည်သူ့စစ်ဖြစ်တဲ့ PNA မှာ စစ်မှုမထမ်းတဲ့ ပအိုဝ်း လူငယ်တွေဟာ မျိုးချစ်စိတ်ဓာတ် မရှိသူတွေ ဖြစ်တယ်လို့ ပအိုဝ်းဘာသာနဲ့ ရေးသားထားတဲ့ ထုတ်ပြန်ချက်မှာ ဖော်ပြထားပါတယ်။
နိုင်ငံအနှံ့ ဖြစ်ပွားနေတဲ့ ပြည်သူတွေရဲ့ ခုခံတော်လှန်စစ်မှာ စစ်ကောင်စီတပ်တွေ အသေများပြီး စစ်သားသစ် စုဆောင်းဖို့ ခက်ခဲနေစဉ်မှာ စစ်တပ် ခိုင်းသမျှ လုပ်နေရတဲ့ PNO က ပအိုဝ်းလူငယ်တွေ စစ်မှုထမ်းကြဖို့ ထုတ်ပြန်လိုက်တာ ဖြစ်ပါတယ်။
လက်ရှိ ရှမ်းပြည်နယ် တောင်ပိုင်း၊ ပင်လောင်းမြို့နယ် တောင်မဲသင်း၊ တောင်စလုံး၊ မြောက်စလုံး၊ နမ့်နိန်း၊ လုံးပျဉ်၊ ပင်ပွံ၊ လွယ်ဟွဲး၊ ဗေားရန်ကျေးရွာ တွေမှာ KNDF ပူးပေါင်းတပ်တွေနဲ့ စစ်ကောင်စီ၊ ပအိုဝ်း PNA ပူးပေါင်းတပ်တွေ တိုက်ပွဲ ဖြစ်ပွားနေတာပါ။
အဆိုပါ တိုက်ပွဲတွေမှာ PNA တပ်သားတွေနဲ့ စစ်ကောင်စီတပ်သားတွေ သေဆုံးမှု များခဲ့ပြီး တိုက်ပွဲတွေကြောင့် ပြည်သူပိုင် နေအိမ်တွေ၊ ဘာသာရေး အဆောက်အအုံတွေ ပျက်စီးကာ ဒေသခံ ပြည်သူ ၅,၀၀၀ ကျော် စစ်ဘေး တိမ်းရှောင် နေရပါတယ်။
စစ်ခေါင်းဆောင် မင်းအောင်လှိုင်ဟာ မနေ့က PNO ရဲ့ ထာဝရ ခေါင်းဆောင်ဖြစ်တဲ့ ဦးအောင်ခမ်းထီးကို ကျောက်တလုံးကြီး နေအိမ်မှာ သွားရောက် ဂါရဝပြု တွေ့ဆုံခဲ့ပါသေးတယ်။
ပြီးခဲ့တဲ့ လတွေ အတွင်းက PNA ဟာ ပအိုဝ်းဒေသတွင်း သာမက ရှမ်းပြည်နယ် အတွင်းရှိ ပအိုဝ်း ကျေးရွာတွေမှာပါ အခြေခံ စစ်သင်တန်းတွေ ဆက်တိုက် ဖွင့်လှစ်နေတာ ဖြစ်ပါတယ်။
MK-007
#MeKongNews
#ပအိုဝ်းအမျိုးသားအဖွဲ့ချုပ်
#ပြည်သူ့စစ်
#ဦးအောင်ခမ်းထီ
