မဲခေါင်၊ ဇန်နဝါရီ ၂၁
NUG အစိုးရရဲ့ ပြည်သူ့ရဲတပ်ဖွဲ့က စိုးမိုးထိန်းချုပ် နယ်မြေတွေ သာမက နိုင်ငံတဝန်းလုံး ဖြန့်ကြက်နိုင်အောင် ရည်ရွယ်ပြီး E-Police Station ကို ဖွဲ့စည်းလိုက်တယ်လို့ အမျိုးသား ညီညွတ်ရေး အစိုးရ၊ ပြည်ထဲရေးနဲ့ လူဝင်မှု ကြီးကြပ်ရေးဝန်ကြီးဌာ၊ ပြည်သူ့ရဲတပ်ဖွဲ့ က ဇန်နဝါရီ ၂၀ ရက်မှာ ထုတ်ပြန်ပါတယ်။
၂၀၂၂ ခုနှစ် မေလ ၂ ရက်မှာ ပြည်ထောင်စု လွှတ်တော်က ဥပဒေအမှတ် (၂/၂၀၂၂) နဲ့ ပြည်သူ့ ရဲတပ်ဖွဲ့ ဥပဒေ အတည်ပြု ပြဌာန်းခဲ့သလို ၂၀၂၂ ခုနှစ် ဇွန်လ ၇ ရက်မှာ နိုင်ငံတော် သမ္မတရုံးရဲ့ အမိန့်ကြေငြာစာ အမှတ် (၁၂/၂၀၂၂) နဲ့ အမျိုးသား ညီညွတ်ရေး အစိုးရ၊ ပြည်ထဲရေးနှင့် လူဝင်မှုကြီးကြပ်ရေး ဝန်ကြီးဌာန၊ လက်အောက်ရှိ ပြည်သူ့ရဲတပ်ဖွဲ့ကို စတင်ဖွဲ့စည်းခဲ့ပြီး အမျိုးသား ညီညွတ်ရေး အစိုးရရဲ့ စိုးမိုးထိန်းချုပ် နယ်မြေတွေမှာ လုံခြုံရေးနဲ့ တရားဥပဒေ စိုးမိုးရေး လုပ်ငန်းတွေ ဆောင်ရွက်လျက်ရှိတယ်လို့ ထုတ်ပြန်ချက်မှာ ဖော်ပြထားပါတယ်။
အခုအခါမှာ အမျိုးသား ညီညွတ်ရေး အစိုးရရဲ့ စိုးမိုးထိန်းချုပ် နယ်မြေတွေမှာ သာမက နိုင်ငံတဝှမ်းလုံးရှိ စစ်ကောင်စီနဲ့ လက်အောက်ခံတွေက ကျူးလွန်တဲ့ ရာဇဝတ်မှုတွေနဲ့ ပြည်သူအချင်းချင်း ကျူးလွန်တဲ့ ရာဇဝတ်မှုတွေကို မှတ်တမ်းတင် ထိန်းသိမ်းဖို့နဲ့ ပြစ်မှု ကျူးလွန်သူ တရားခံတွေကို တရားဥပဒေရဲ့ ရှေ့မှောက် ပို့ဆောင်ဖို့ ရည်ရွယ်ချက်တွေနဲ့ ၂၀၂၂ ခုနှစ်၊ ပြည်သူ့ရဲတပ်ဖွဲ့ ဥပဒေပုဒ်မ ၁၄ (ခ)အရ ပြည်သူ့ရဲတပ်ဖွဲ့ လက်အောက်မှာ E-Police Station ကို ဖွဲ့စည်းလိုက်တာလို့ သိရပါတယ်။
MK-003
