မဲခေါင်၊ ဇန်နဝါရီ ၁၅
ရန်ကုန်တိုင်းအတွင်း စစ်ကောင်စီက လူဦးရေစာရင်းလိုက်လံကောက်ခံရာမှာ တံခါးမဖွင့်ပေးတဲ့နေအိမ်အချို့ကို စာရင်းလာကောက်တဲ့လူတွေက ခြိမ်းခြောက်ပြောဆိုမှုတွေရှိတယ်လို့ ဒေသခံတွေကပြောပါတယ်။
စစ်ကောင်စီက ပြုလုပ်တဲ့ လူဦးရေစာရင်းကောက်ခံမှု ပူးပေါင်းပါဝင်တာ မလုပ်ချင်တာကြောင့် နေအိမ်တံခါးတွေကို ပိတ်ထားပေမယ့် ရပ်ကွက်ထဲက အကြောင်းသိတွေပါဝင်တာကြောင့် အတင်းအကြပ် ခြိမ်းခြောက်ဖွင့်ခိုင်းတာဖြစ်တယ်လို့ လှိုင်မြို့ နယ် နေထိုင်သူတစ်ဦးက ပြောပါတယ်။
“တံခါးမဖွင့်ပေးတော့ နိုင်ငံတော်အဆင့်စီမံချက်နဲ့ လိုက်ကောက်နေတာ။ စစ်တပ်နဲ့အုပ်လိုက်ထပ်လာပြီး တံခါးဖွင့်ခိုင်းတာခံရမယ်ဆိုပြီး ပြောတယ်။ အိမ်ပေါ်တက်လာတဲ့အထဲမှာ စစ်တပ်ကကောင်တွေတော့ပါ မလာဘူး။ စစ်ခွေး ၂ကောင်က လက်နက်နဲ့အောက်မှာ စောင့်နေတာတွေ့တယ်” လို့ သူကပြောပါတယ်။
ရန်ကုန်တိုင်းအတွင်းက တချို့မြို့နယ်တွေမှာလည်း စစ်ကောင်စီလက်အောက်ခံတွေက နေအိမ်တွေကို သန်းခေါင်စာရင်းအကြောင်းပြကာ မဲစာရင်းအတွက် အရင်လို အုပ်စုလိုက် ကောက်တာမလုပ်တော့ဘဲ နေ့စားတွေခေါ်ပြီး ပုံစံပြောင်းကောက်ယူနေတယ်လို့ ဒေသခံတွေကပြောပါတယ်။
“စမ်းချောင်းမှာတော့ အုပ်ကြီးညီညီနိုင်နဲ့ ဖာခေါင်းတွေသောင်းကျန်းနေတယ်။ မအူပင်လမ်းထဲက တိုက်ကိုဝင်စစ်နေတာ။ မိုင်းရှာတဲ့ခွေးတောင် ပါသေးတယ်။ ဖမ်းမိသွားတာတော့ မတွေ့ပါဘူး။ သူတို့စာရင်းကောက်လို့မရတဲ့အခန်း၊ မပေးတဲ့အခန်းတွေကို မှတ်ထားပြီးလုပ်နေတာ“လို့ ရပ်ကွက်နေပြည်သူတစ်ဦးက ပြောပါတယ်။
တာမွေမြို့နယ်၊ ဇဋိလလမ်းမှာလည်း ဒီနေ့မနက်ပိုင်းက ဆိုက်ကားသမားတွေကို စစ်ကောင်စီကခေါ်ယူအသုံးပြုခဲ့ပြီး ဆိုက်ကား ၂စီးနဲ့ လမ်းပိတ်ကာ သန်းခေါင်းစာရင်းအတင်းအကြပ်ကောက်ယူနေတယ်လို့ ဒေသခံတစ်ဦးက ပြောပါတယ်။
အလားတူ ဗိုလ်တထောင်မြို့နယ် ၈ရပ်ကွက်၊ ၄၃လမ်းမှာလည်း ဒီနေ့မနက်ပိုင်း သန်းခေါင်စာရင်း ကောက်ခံရာမှာ အုပ်ကြီး၊ စာရေးမနဲ့ လဝကလူတွေမပါဝင်ဘဲ အရပ်သား ၅ယောက်က လိုက်ကောက်နေတယ်လို့ ရပ်ကွက်နေပြည်သူတွေက ပြောပါတယ်။
MK-005
#MeKongNews
