မဲခေါင်၊ ဒီဇင်ဘာ ၇
မကြာသေးမီက ဂျပန်သို့ အလည်အပတ်သွားရောက်စဉ် မြင်တွေ့ခဲ့သည့် Kei ကုမ္ပဏီထုတ် ကားပေါက်စလေးများ (mini motors) များကို မြင်တွေ့ခဲ့ရပြီးနောက် အမေရိကန်သမ္မတ ဒေါ်နယ်ထရမ့် သည် အိမ်ဖြူတော် အစည်းအဝေးတွင် ယခင်ပိတ်ပင်ထားသော ကားပေါက်စလေးများထုတ်လုပ်မှုကို စည်းကမ်းဥပဒေများပြန်လည်ပြင်ဆင်ပြီး များများ ထုတ်လုပ်ကြရန် တိုက်တွန်းသွားခဲ့သည်။
အမေရိကန် ကားထုတ်လုပ်ရေးအစဉ်အလာတွင် အလွန်ကြီးမားကောင်းမွန်ခြင်းဆိုသည့် America’s big ဆိုသည့် ဆောင်ပုဒ်နှင့်အညီ ကားကြီးကားကောင်းများသာ ထုတ်လုပ်ပြီး ကားပေါက်စလေးများသည် အန္တရာယ်မကင်းသဖြင့် ထုတ်လုပ်စီးနင်းခွင့်ကို ပိတ်ပင်ထားသည်။
သို့သော် ယာဉ်ကြော ပိတ်ဆို့မှုများ၊ ဆီကုန်ကျမှုများကြောင့် အမေရိကန်ပြည်သူလူထုကြား နစ္စဓူ၀ သွားလာမှု အခက်အခဲ များရှိနေရာ ဒေါ်နယ်ထရမ့်က အိမ်ဖြူတော် အစည်းအဝေး၌ အမေရိကန်ကားထုတ်လုပ်ရေး ကုမ္ပဏီ ကြီးများ ကားပေါက်စလေးများ (TINY CARS) ထုတ်လုပ်ကြရန် ခွင့်ပြုပြီဖြစ်သောကြောင့် အမြန်ဆုံး များများ ထုတ်လုပ်ကြဟု တိုက်တွန်းမှာကြားခဲ့ခြင်းဖြစ်သည်။
ယင်းအစည်းအဝေးတွင် Ford ကားကုမ္ပဏီ CEO ဂျင်ဖာရေးလည်း ရှိနေခဲ့ရာ ထရမ့်က ”ဂျိုးဘိုင်ဒန် လက်ထက် ပတ်ဝန်းကျင် စိမ်းလမ်းရေးဦးတည်ပြီး လျှပ်စစ်ကား EVs တွေ စီးကြဖို့ တိုက်တွန်းတယ် ဆိုတာ အလကား လိမ်လည်မှုသက်သက်ပဲ။ ဒီကနေ့ ပြည်သူတွေ နိစ္စဓူ၀ သွားလာနေရမှုမှာ ကားလမ်း တွေပိတ်တဲ့ ဒုက္ခ၊ ကားကြီးကားကောင်းတွေစီးနင်းလို့ ဆီဖိုးပိုကုန်၊ ကားဖိုး ပိုကုန်တဲ့ဘ၀က လွတ်ဖို့ ချစ်စရာကောင်းတဲ့ ကားသေးသေးလေးတွေ များများ ထုတ်လုပ်ပြီး စီးနင်းကြဖို့ တိုက်တွန်းတယ်။ ကားတစ်စီးဖိုးမှာ ဒေါ်လာ ၁၀၀၀ လောက် သက်သာတာ နည်းလား” ဟု ပြောသွားခဲ့သည်။
ကိုကလင်း
Ref:Thesun
#MeKongNews
#ဒေါ်နယ်ထရမ့်
#အမေရိကန်
#ကားထုတ်လုပ်မှု
#လျှပ်စစ်ကား
