မဲခေါင်၊ သြဂုတ် ၂၁

ရှမ်းပြည်နယ်​တောင်ပိုင်း၊ က​လောမှ သာစည်ဘက်အဆင်း ရေယားအောက်ဖက်ကွေ့တွင် စစ်ကောင်စီ​တပ်ကား တိမ်းမှောက်သဖြင့် ၃ ဦးခန့် သေဆုံးပြီး ၂၀ ဦးခန့် ဒဏ်ရာရကြောင်း ဒေသခံများထံကသိရသည်။

သြဂုတ်လ ၁၉ ရက်နေ့ နေ့လည်ပိုင်း ကလောမှ သာစည်ဘက်သို့ သွားသည့် စစ်ယာဥ်တန်းအနက် စစ်ကားတစ်စီးမှာ မတော်တဆဖြစ်ပြီး ကားပေါ်ပါလာသည့် စစ်ကောင်စီတပ်ဖွဲ့ဝင် ၃ ဦးခန့် သေဆုံးပြီး ၂၀ ခန့် ဒဏ်ရာရသည်ဟု ဒေသခံနှင့် ခရီးသွားများကပြောသည်။

“ဘာဖြစ်မှန်း မသိရဘူး။ ရေယားအောက် ၂ ခုမြောက်ကွေ့မှာ ဘီးပေါက်သလို ဗုံးကွဲသလိုကြားတာ၊ ယာဥ်တန်းက ချက်ခြင်းရပ်ပြီး လူတွေ ကားတွေ မလာခိုင်းတော့တာ။ နောက်မှ ၃ ယောက်လောက် သေတာကြားရတာ၊ ဒဏ်ရာရတာကတော့ တစ်စီးလုံး ၂၀ လောက်လို့လည်း ကြားတယ်” ဟု ဒေသခံတစ်ဦးက မဲခေါင်ကို ပြောသည်။

အခင်းဖြစ်ချိန်တွင် အတက်အဆင်းကားများကို ပိတ်ထားသဖြင့် ကားများ ရပ်တန့်နေရပြီး စစ်ကားများ ကလောဘက်သို့အမြန်မောင်းသွားပြီးမှ လမ်းပြန်ဖွင့်ပေးကြောင်း၊ စစ်ကားမှောက်သည်ဟု ဒေသခံများကပြောကြောင်း ​မိတ္ထီလာ အဆင်းကားယာဥ်မောင်းတစ်ဦးက ပြောသည်။

“ဆင်းသွားတော့ ရေယားနားမှာ ကားမှောက်ထားတာ မတွေ့ရဘူး၊ နောက်ကျမှ ဗုံးပေါက်သလိုလို မိုင်းထိသလိုလို ပစ်ခံရသလိုလို ကြားတာ” ဟု ၎င်းကပြောသည်။

အခြားသတင်းရင်းမြစ်တစ်ခုကမူ စစ်မှုထမ်းဆင်းလူသစ်များကို ပေးပို့သည့် ယာဥ်တန်းဟု ဆိုသည်။

PS. ဓာတ်ပုံများကို လုံခြုံရေးအရ ဖော်ပြနိုင်ခြင်းမရှိပါ။
#MeKongNews
#ကလော
#ရှမ်းတောင်
#စစ်မှုထမ်း
#ရေယား

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)