မဲခေါင်၊ ဇန်နဝါရီ ၁၂
စစ်ကိုင်းတိုင်း၊ မုံရွာ-မန္တလေး လမ်းမကြီးပေါ်မှာ အရာရှိ အတွက် မနက်စာ သွားယူပေးတဲ့ စစ်ကောင်စီ တပ်ဖွဲ့ဝင် ၄ ဦး မိုင်းဆွဲ တိုက်ခိုက်ခံရပြီး ၂ ဦး ပွဲချင်းပြီး သေဆုံးခဲ့တယ်လို့ ZERO ပြောက်ကျားတပ်ဖွဲ့-မြင်းခြံက ဒီကနေ့ ထုတ်ပြန်ပါတယ်။
ဒီကနေ့ မနက် ၄ နာရီ မိနစ် ၂၀ မိနစ်မှာ စစ်ကိုင်းမြို့နယ် ခြေတော်ရာတွင်းတပ်ခေါ် သံချပ်ကာ ကွပ်ကဲရေး ဌာနချုပ် (၇၂) တပ်မှ ထွက်လာတဲ့ ဆိုင်ကယ် ၂ စီးနဲ့ စစ်သား ၄ ဦးကို မုံရွာ-မန္တလေးလမ်းမကြီးပေါ်၊ လယ်ကြီးရွာနဲ့ နတ်ခရိုင် ကျေးရွာကြားမှာ အပြင်းစားမိုင်း ၃ လုံးနဲ့ လျှပ်တပြတ် ဖောက်ခွဲ တိုက်ခိုက်ခဲ့တာလို့ ZERO ပြောက်ကျားတပ်ဖွဲ့က ဆိုပါတယ်။
စစ်ကိုင်းမြို့နယ် သံချပ်ကာ ကွပ်ကဲရေး ဌာနချုပ် (၇၂) တပ်မှ အရာရှိအတွက် မနက်စာ လာယူတဲ့ ဆိုင်ကယ် ၂ စီးနဲ့ စစ်သား ၄ ယောက်ကို လယ်ကြီးနဲ့ နတ်ခရိုင်ရွာကြားမှာ အပြင်းစားမိုင်း ၃ လုံး တိုက်ခိုက်ခဲ့ရာ ဆိုင်ကယ် တစ်စီး တစ်စစီ ဖြစ်သွားပြီး စစ်သား ၂ ယောက် သေဆုံးတာ မျက်မြင်တွေ့ရတယ်လို့ Zero ပြောက်ကျားတပ်ဖွဲ့က ပြောပါတယ်။
နောက်မှပါလာတဲ့ ဆိုင်ကယ်က ရမ်းသန်း ပစ်ခတ်ပေမယ့် မိုင်းတပ်သားတွေ အန္တရာယ်ကင်းစွာ ဆုတ်ခွာနိုင်ခဲ့တယ်လို့ ဆိုပါတယ်။
အဲဒီ စစ်ဆင်ရေးကို ZERO ပြောက်ကျားတပ်ဖွဲ့-မြင်းခြံနဲ့ သရဲနီအဖွဲ့တို့ ပူးပေါင်း ဆောင်ရွက်ခဲ့တာလို့ အသိပေးထားပါတယ်။
MK-003
