မဲခေါင်၊ စက်တင်ဘာ ၁၈
နိုင်ငံတ၀ှမ်း ဖြစ်ပွားနေတဲ့ တော်လှန်ရေး တိုက်ပွဲတွေ အတွင်း အဓိက လိုအပ်ချက်ဖြစ်တဲ့ လက်နက်ခဲယမ်း ထောက်ပံ့ပေးနိုင်ဖို့ ပြုလုပ်တဲ့ “တော်လှန်နှုတ်ခမ်းနီ” ကမ်ပိန်းကို ပြည်သူတွေ ၀ိုင်း၀န်းကူညီပေးဖို့ ပရောဂျက် တာ၀န်ရှိသူ ကိုဆမ် က ပြည်သူတွေကို မေတ္တာရပ်ခံလိုက်ပါတယ်။
ဒုတိယအကြိမ် ပြန်လည် စတင်တဲ့ “တော်လှန်နှုတ်ခမ်းနီ” ကမ်ပိန်းက ရရှိလာမဲ့ ထောက်ပံ့ငွေတွေကို 96 Soldiers – PDF အညာဒေသ တပ်ခွဲ၊ Royal Peacock Column-တော်ဝင်ဒေါင်းစစ်ကြောင်း၊ Depeyin Local Mobile Team၊ ALPHA Special Force – ASF နဲ့ Student Armed Force – ကျောင်းသားလက်ရုံးတပ်တော် တို့ကို ခွဲဝေ ထောက်ပံ့ပေးမယ်လို့ ဆိုပါတယ်။
“လက်ရှိအချိန်မှာက လက်နက်တပ်ဆင်မှု ဆိုတာက ကိုယ်ထူကိုယ်ထ အရကော၊ NUG တပ်ဆင်ပေးတာတွေရော နဲ့က အပြည့်အစုံ မဟုတ်ရင်တောင် ထက်၀က်ကျော်လောက်ကို ဆင်ထားနိုင်ပြီပေါ့နော်။ ဒါ့ကြောင့် ကျွန်တော်တို့ အနေနဲ့ လက်နက်တွေမှာ အလိုအပ်ဆုံးဖြစ်တဲ့ နှုတ်ခမ်းနီကို ကမ်ပိန်း ပြုလုပ်ရခြင်း ဖြစ်ပါတယ်။ နှုတ်ခမ်းနီ မရှိရင် လက်နက်ဆိုတာ တုတ်လောက်ပဲ အသုံး၀င်တာလေ” လို့ ကိုဆမ်က ရှင်းပြပါတယ်။
ကမ်ပိန်းကာလကို စက်တင်ဘာ ၁၆ ကနေ အောက်တိုဘာ ၁၅ ရက်နေ့အထိ သတ်မှတ်ထားပြီး တော်လှန် ရတနာတွေနဲ့ တော်လှန်ရေး အမှတ်တရ ပစ္စည်းတွေ ပါ၀င်တဲ့ ကံစမ်းမဲ လက်မှတ် တစ်စောင်ကို မြန်မာငွေ ၅၀,၀၀၀ ကျပ်၊ အမေရိကန်ဒေါ်လာ ၂၀ နဲ့ သက်ဆိုင်ရာ Fund Raisers တွေက ရောင်းချပြီး ရန်ပုံငွေ ရှာဖွေမှာ ဖြစ်တယ်လို့ သိရပါတယ်။
MK-007
#MeKongNews
#တော်လှန်နှုတ်ခမ်းနီ
#ကျောင်းသားလက်ရုံးတပ်တော်
#လက်နက်ခဲယမ်း