မဲခေါင်၊ နိုဝင်ဘာ ၂၃
ထိုင်းနိုင်ငံတောင်ပိုင်းတွင် ပြီးခဲ့သည့် ၄ ရက်အတွင်း မိုးရေချိန် စံချိန်တင်အဖြစ် တစ်ရက် ၁၀၀ မီလီမီတာနှုန်း ရွာသွန်းနေသဖြင့် ခရိုင်များစွာတွင် ရေလွှမ်းမိုးမှုများနှင့် မြေပြိုမှုများ ဖြစ်ပေါ်နေပြီး ထိုင်း ဝန်ကြီးချုပ်အနုတင်အပါ နိုင်ငံခေါင်းဆောင်များ၊ ကယ်ဆယ်ရေးတပ်ဖွဲ့များ သွားရောက်နေကြပြီး မီးရထားလမ်းပိုင်းနှင့်ကျေလက်ဆက်သွယ်လမ်းအများစု ရေလွှမ်းမိုးသွားသဖြင့် အခက်အခဲများစွာ ကြုံတွေ့နေရသည်။
နိုဝင်ဘာ ၂၃ ရက်တွင်လည်း ယခင်ရက်များအတိုင်း မိုးရေချိန် ၁၀၀ မီလီမီတာနှုန်းနှင့်အထက် ဆက် လက်ရွာသွန်းဦးမည်ဖြစ်ရာ ထိုင်းတောင်ပိုင်း ခရိုင် ၁၀ ခုစလုံးတွင် သတိပေးချက်ထုတ်ပြန်ထားရပြီး နာခွန်းဆီသမ်မာနက်၊ ဖက်သလောင်၊ ဆောင်ခလာ၊ ပက်တာနီ၊ ယာလာ၊ နာရာသီဝပ်၊ ဖူးခက်၊ ထရန် နှင့် ဆာထွန်ခရိုင်များ၌ အရေးပေါ် သတိပေးချက်များ ထုတ်ပြန်ထားရသလို အိမ်ခေါင်မိုးများပေါ် ရက်ဆက် ပိတ်မိနေ့သည့် လူပေါင်းများစွာအား လိုက်လံကယ်ဆယ်ခြင်း၊ အစားအစာများ ဝေငှခြင်းများ လုပ်ဆောင်နေရသည်။
နာခွန်းဆီသမ်မာနက်၊ ဖက်သလောင်၊ ဆောင်ခလာ၊ ပက်တာနီနှင့် ထရန်ခရိုင်များတွင် ကျေးလက်သွား အဝေးပြေးလမ်းများ ရေလွှမ်းမိုးသဖြင့် လမ်းပန်းဆက်သွယ်ရေး ပြတ်တောက်နေသလို လမ်းပိုင်း ၁၄ ခု အား အရေးပေါ်အခြေအနေဖြင့် ကားများ မသွားနိုင်သေးဟု သတိပေးထုတ်ပြန်ထားရသည်။
ရထားလမ်းပိုင်းများတွင်လည်း နာခွန်ဆီသမ်မာနက်မှ ဆန်ဂိုင်ကိုလော့ခ်၊ ဆန်ဂိုင်ကိုလော့ခ်မှ ယာလာ၊ နာခွန်းဆီသမ်မာနက်မှာ ယာလာ၊ ယာလာမှ နာခွန်းဆီသမ်မာနက်၊ ဖက်သလောင်မှ ဆန်ဂိုင်ကိုလော့ခ်၊ ဆန်ခိုင်ကိုလော့ခ်မှ ဖက်သလောင် အစုန်၊ အဆန် ရထားခရီးစဉ်များ မီးရထားလမ်းရေကျော်မှုများ ကြောင့် ရပ်ဆိုင်းထားရကြောင်း သိရသည်။
ကိုကလင်း
Ref: The Nation
#MeKongNews
#ထိုင်းတောင်ပိုင်း
#ရေကြီးနစ်မြုပ်
#မီးရထားလမ်း
#ကျေးလက်လမ်း
