မဲခေါင်၊ ဒီဇင်ဘာ ၂၆

ပဲခူးတိုင်း၊ ကျောက်ကြီးမြို့နယ်ထဲက နတ်သံကွင်းမြို့ကို ဒီနေ့ ဒီဇင်ဘာ ၂၆ရက် မနက်အစောပိုင်းမှာ ပြည်သူ့ကာကွယ်ရေးတပ်နဲ့ KNLA ပူးပေါင်းတပ်တွေက ထိန်းသိမ်းထားနိုင်ပြီလို့ ရှေ့တန်းသတင်းရင်းမြစ်တွေထံက သိရပါတယ်။

မနက် ၈နာရီကျော်အချိန်မှာ နတ်သံကွင်းမြို့ကို ထိန်းထားနိုင်ပြီဖြစ်ပြီး ရှင်းလင်းရေးလုပ်ငန်းတွေ လုပ်ဆောင်နေတယ်လို့ အဲဒီသတင်းရင်းမြစ်က ပြောပါတယ်။

တိုက်ပွဲအတွင်း ထိခိုက်ကျဆုံးမှုနဲ့ လက်နက်ခဲယမ်းသိမ်းဆည်းရရှိမှုအခြေအနေကို မသိရသေးပါဘူး။

နတ်သံကွင်းမြို့ဟာ စစ်တောင်းမြစ်ပေါ်မှာ တည်ရှိပြီး ပဲခူးတိုင်းအရှေ့ခြမ်းက ပဲနွယ်ကုန်းမြို့နဲ့ ကျောက်ကြီးမြို့အကြား အရေးပါနဲ့ နေရာတစ်ခုဖြစ်ပါတယ်။

KNU တပ်မဟာ ၃ နယ်မြေဘက်ကို အင်အားဖြည့်တင်းဖို့ နတ်သံကွင်းမြို့က စစ်တောင်းမြစ်ကူးတံတားကို စစ်ကောင်စီတပ်တွေက အသုံးပြုနေတာကြောင့် တော်လှန်ရေးပူးပေါင်းတပ်တွေက ဇွန်လ ၆ရက်က ဖောက်ခွဲဖျက်ဆီးခဲ့ပါသေးတယ်။

အဲဒီတုန်းကလည်း ထိတွေ့တိုက်ပွဲဖြစ်ပွားခဲ့ပြီး စစ်ကောင်စီတပ်သား ၃၀ ဦးသေဆုံးကာ KNU, PDF ပူးပေါင်းတပ်ဘက်ကလည်း ၄ဦး ကျဆုံးခဲ့တယ်လို့ မြန်မာနောင်းသတင်းဌာနက အဲဒီတုန်းက သတင်းဖော်ပြခဲ့ပါတယ်။

#MeKongNew

#PDF

#KNLA

#နတ်သံကွင်း

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)