မဲခေါင် ၊ ဒီဇင်ဘာ ၂၉

ကရင်နီပြည်နယ် ကြားကာလလွှတ်တော်မှ ပြည်နယ်တရားသူကြီး ၂ ဦးကို အရေးပေါ်လွှတ်တော်အစည်းအဝေးခေါ်ယူကာ ခန့်အပ်ခဲ့တယ်လို့ ကရင်နီပြည်နယ် ကြားကာလလွှတ်တော်- KSIPက သတင်းထုတ်ပြန်ပါတယ်။

ကရင်နီပြည်နယ် တရားရုံးချုပ်ရဲ့ ပြည်နယ် တရားသူကြီးများစိစစ်ရေးကော်မရှင်မှ ပြည်သူတရားသူကြီးများအဖြစ် ခူးပိုးရယ် နဲ့ ခွန်းမားရ်ကို တို့ကို ခန့်အပ်နိုင်ဖို့လွှတ်တော်သို့ အမည်စာရင်းတင်သွင်းလာတာကို လွှတ်တော်မှာ ဆွေးနွေးအတည်ပြုခဲ့တာဖြစ်တယ်လို့ ထုတ်ပြန်ချက်မှာဖော်ပြထားပါတယ်။

ပြည်နယ်တရားသူကြီးခန့်အပ်နိုင်ဖို့ အရေးပေါ်လွှတ်တော်အစည်းအဝေးကို ဒီကနေ့မနက် ၈ နာရီမှာ ခေါ်ယူကျင်းပခဲ့တာဖြစ်ပြီး ၈နာရီ ၃၀ မိနစ်မှာ အစည်းအဝေးကျင်းပပြီးစီးခဲ့ပါတယ်။

ကရင်နီပြည်နယ် ကြားကာလလွှတ်တော် အရေးပေါ်အစည်းအဝေးကို တက်ရောက်ခွင့်ရှိတဲ့ လွှတ်တော်ကိုယ်စားလှယ် ၁၅ ဦးရှိတဲ့အနက် ကိုယ်စားလှယ် ၁၄ ဦးတက်ရောက်ခဲ့ပါတယ်။

CJ-002

#MeKongNews

#ကရင်နီ

#ကြားကာလ

#လွှတ်တော်

#တရားသူကြီး

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)