မဲခေါင်၊ ဧပြီ ၇
ကချင်ပြည်နယ်၊ ချီဖွေခရိုင်၊ ဆော့လော်မြို့က စစ်ကောင်စီ တပ်ရင်းမှူးတစ်ဦးကို ဧပြီ ၆ ရက်နေ့ မနက်ပိုင်းမှာ KIA တပ်ဖွဲ့က အရှင်ဖမ်းဆီးရမိခဲ့တယ်လို့ KIA နဲ့ နီးစပ်သူတွေထံက သိရပါတယ်။
“ ဆော့လော်မြို့မှာထိုင်တဲ့ စစ်ကောင်စီ တပ်ရင်းမှူး တစ်ယောက်ကို ဧပြီလ ၆ ရက်နေ့ မနက်ပိုင်းက KIA တပ်မဟာ ၇၊ တပ်ရင်း ၄၆ တပ်ဖွဲ့တွေ ဖမ်းမိထားတယ်” လို့ KIA နဲ့ နီးစပ်သူ တစ်ဦးက ပြောပါတယ်။
KIA တပ်ရင်း ၄၆ နယ်မြေဖြစ်တဲ့ အင်မိုင်ခ နဲ့ ငေါ်ချန်းခ ဆုံတဲ့ နားက ဝောင်ကုန်းမှာ သွားလာနေတုန်း ဖမ်းမိတာလို့ အဲဒီသတင်းရင်းမြစ်က ဆိုပါတယ်။
မိုးမောက်မြို့နယ် စိန်လုံ ဗျူဟာကနေ ထွက်ပြေးသွားတဲ့ စစ်ကောင်စီ တပ်ဖွဲ့ အင်အား ၇၀ ဝန်းကျင်ခန့်ကို ဧပြီလ ၅ ရက်နဲ့ ၆ ရက်၊ နှစ်ရက်ကြာ လိုက်လံပစ်ခတ် ရှင်းလင်းရာ ယမန်နေ့ ဧပြီလ ၆ ရက်နေ့ မနက် ၃ နာရီခန့်က မိုးမောက်နဲ့ ဗန်းမော် ကျောက်စခန်းကြားမှာ ဗျူဟာမှူး အပါအဝင် စစ်ကောင်စီ တပ်ဖွဲ့ဝင် ၁၁ ဦးကို ဖမ်းမိခဲ့ပါသေးတယ်။
CJ – 008