မဲခေါင်၊ ဒီဇင်ဘာ ၆
အစ္စရေးနယ်စပ်မြို့ကစ်ဘတ်ဇ်ကို ဂလိုက်ဒါတွေနဲ့ ကျော်ဝင်ပြီး လူပေါင်း ၁၂၀၀ ကျော် သတ်ဖြတ်သွားတဲ့ အောက်တိုဘာ ၇ ရက်နေ့က အကြမ်းဖက်မှုကို ခေါင်းဆောင်သူ ဟားမက်စ် စစ်ခေါင်းဆောင်ကို သတ်နိုင်ခဲ့ပြီလို့ အစ္စရေးစစ်တပ်က ဒီဇင်ဘာ ၄ ရက်နေ့မှာ ထုတ်ပြန်ကြေညာပါတယ်။
ဟားမက်စ်ရဲ့ ရှူဂျာအီယာတပ်မဟာမှူး ဝစ်ဆမ်ဖာဟက်နဲ့သူ့တပ်ဟာ အစ္စရေးကို ကျူးကျော်တိုက်ခိုက်တဲ့တပ် ဖြစ်ပြီး ဒီဇင်ဘာ ၂ ရက် စနေနေ့က လေကြောင်းတိုက်ခိုက်မှုကြောင့်ပဲ သေဆုံးခဲ့တာဖြစ်တယ်လို့ အစ္စရေးဘက်က ထုတ်ပြန်ခဲ့ပါတယ်။
ဝစ်ဆမ်ဖာဟက်ဟာ ကစ်ဘတ်ဇ်မြို့ကို ဝင်ရောက်စီးနင်းရာမှာ အမိန့်ပေးစေခိုင်းသူဖြစ်သလို ဂီတဖျော်ဖြေပွဲထဲက လူစုလူဝေးအများကြီးထဲ အကုန်ပစ်သတ်ဖို့ အမိန့်ပေးခဲ့သူလည်းဖြစ်ကြောင်း၊ ဒီလို ဖုန်းဆက်သွယ်ခိုင်းစေမှုမှတ် တမ်းတွေကိုလည်း ရရှိထားကြောင်း အစ္စရေးစစ်တပ် ပြောရေးဆိုခွင့်ရှိသူ အဗီချေးအက်ဒ်ရေးက ထုတ်ပြန်ပြောဆို သွားပါတယ်။
အက်ဒ်ရေးဟာ သူ့ X (တွစ်တာ) မှာလည်း ကျန်ရှိနေသေးတဲ့ ဟားမက်စ်အကြမ်းဖက်တပ်တွေအနေနဲ့ လက်နက်ချမလား အသေခံမလားလို့လည်း ရာဇသံပေးတဲ့ စာသားရေးတင်ခဲ့ပါတယ်။
“ဟားမက်စ် ရှူဂျာအီယာတပ်မဟာက ခေါင်းဆောင်တွေအတွက် နောက်ဆုံးသတိပေးချက်ဖြစ်ပါတယ်။ အစ္စရေးတပ်ဟာ ဟားမက်စ်တွေရဲ့ အခြေခံအဆောက်အအုံတွေအားလုံးကို ဖျက်ဆီးနေပြီး ဝိုင်းပိတ်ထားပါပြီ။ အင်အားလည်း အလုံး အရင်းသုံးထားလို့ လက်နက်ချမလား အသေခံမလား နောက်ဆုံး ဆုံးဖြတ်ကြပါ” လို့ ရေးတင်ခဲ့တာ ဖြစ်ပါတယ်။
အစ္စရေးဟာ သတ်ဖြတ်နိုင်ခဲ့ပြီးဖြစ်တဲ့ ဟားမက်စ် စစ်ခေါင်းဆောင်တွေအပါအဝင် မသုတ်သင်နိုင် သေးတဲ့ ခေါင်းဆောင် ၁၁ ယောက် စာရင်းကိုလည်း ကမ္ဘာသိထုတ်ပြန်ခဲ့သလို သူတို့ကို ဝေဖန်ပုတ်ခတ်ရင်ဟားမက်စ်တွေ ကြိုးပေးသတ်တဲ့ ဟားမက်စ်တရားရုံးကို လည်း ဖောက်ခွဲဖျက်ဆီးခဲ့တဲ့ ရုပ်သံကို ထုတ်ပြန်ခဲ့ပါတယ်။
Ref:Thesun
MKF-001
#MeKongNews
#အစ္စရေး
#ဂါဇာ
#ခေါင်းဆောင်
#သုတ်သင်
#ကြေညာ