မဲခေါင်၊ ဒီဇင်ဘာ ၂၁
ဆေးခြောက်ကို အစောပိုင်းအဆင့် တရားဝင်ရောင်းချသုံးစွဲမှုစီမံကိန်းစတင်နေတဲ့ ဆွစ်ဇာလန်နိုင်ငံမှာ ကိုကင်းကို ပါ တရားဝင် စိတ်အပန်းဖြေ ဆေးဝါးအဖြစ် ရောင်းချသုံးစွဲခွင့်ပြုဖို့ လွှတ်တော်မှာ တင်ပြအဆိုပြုသွားတော့မယ်လို့ သိရပါတယ်။
ဥရောပတိုက်မှာ ဆွစ်ဇာလန်နိုင်ငံဟာ ကိုကင်းအများဆုံးသုံးတဲ့နိုင်ငံထဲပါဝင်ပြီး ဇူးရစ်၊ ဘေဆယ်၊ ဂျီနီဗာမြို့ကြီး တွေဟာ ဥရောပရဲ့ ကိုကင်းအများဆုံးသုံးစွဲတဲ့ မြို့ကြီး ၁၀ မြို့ထဲပါဝင်နေသလို ဈေးနှုန်းကလည်း ဘီယာတစ် ပုလင်းဈေးလောက်နဲ့အသန့်စင်ဆုံး ကိုကင်းကို ဝယ်ယူရရှိနေနိုင်တဲ့အတွက် မူးယစ်ဆေးဝါးအဖြစ် ဖိနှိပ်တားမြစ် ခြင်းဟာ မထိရောက်လို့ တရားဝင်သတ်မှတ်ပေးပြီး စည်းကမ်းနဲ့ ထိန်းချုပ်ခြင်းတိုးမြှင့်လုပ်ဆောင်ခြင်းကသာ ထိရောက်စေမယ်လို့ ဘန်းမြို့တော်ကောင်စီ Alternative Left ပါတီ လွှတ်တော်အမတ်အီဗာချန်းက လွှတ်တော်ထံတင်ပြ သွားမယ်လို့ ဖွင့်ပြောသွားပါတယ်။
Alternative Left Party ဟာ ကိုကင်းကို စိတ်အပန်းဖြေရေးအသုံးပြုဆေးဝါးအဖြစ် ပြောင်းလဲသတ်မှတ်ပြီး တရားဝင် ထုတ်လုပ်ရောင်းချသုံးစွဲခွင့်ပြုရေး စီမံကိန်းအတွက် ပူးတွဲစပွန်ဆာပေးထားပြီး မူးယစ်စစ်ပွဲကို ဖိနှိပ်ခြင်းနဲ့ အဆုံးမသတ်နိုင်တဲ့အဆုံး တရားဝင်ခွင့်ပြုပြီး စည်းကမ်းတကျ ထုတ်လုပ်သုံးစွဲစေခြင်းက ပိုပြီး ထိရောက်မယ်လို့ လှုံ့ဆော်တင်ပြလာပါတယ်။
ဆွစ်ဇာလန် မူးယစ်ဆေးဝါးစွဲလမ်းသူများကူညီရေးအဖွဲ့ Addiction ရဲ့ လက်ထောက်ညွှန်ကြားရေးမှူး ဖရန့်ဇိုဘယ်က “ကိုကင်းဈေးနှုန်းက ဆွစ်ဇာလန်မှာ ၅ နှစ်အတွင်း ထက်ဝက်ကျလာတယ်။ နိုင်ငံထဲမှာလည်း ကိုကင်းတွေမှ အများကြီးကိုရှိနေတာ။ အသန့်စင်ဆုံး၊ အရည်အသွေး အကောင်းဆုံး ကိုကင်း တစ်ခါသုံးစာဟာ ၁၀ ဖရန့်ပဲရှိပြီး ဘီယာတစ်ပုလင်းဈေးလောက်ပဲ ရှိတယ်” လို့ ရှင်းလင်းပြောဆိုပါ တယ်။
ဒါပေမဲ့ အကောင်အထည်ပေါ်လာရေးက ဘယ်လောက်ကြာမယ်ဆိုတာ မသိနိုင်သေးဘဲ လက်ရှိ လွှတ်တော်မှာ တရားမဝင်မူးယစ်ဆေးဝါးစာရင်းကနေ ပြန်လည်ပယ်ဖျက်ဖို့ ဦးစွာ အဆိုတင်သွင်းရမှာဖြစ်ကြောင်း၊ ဆေးခြောက် တရားဝင် ရောင်းဝယ်သုံးစွဲမှု စီမံကိန်းအမြန်အောင်မြင်ရင် ကိုကင်း တရားဝင်သုံးစွဲမှုကလည်း ပိုမြန်မြန်အကောင် အထည်ပေါ်လာနိုင်ပါတယ်။
ပထမဆုံး သုံးစွဲသူရော၊ ကာလရှည်စွဲလမ်းစွာသုံးစွဲသူပါ သေစေနိုင်တဲ့ အန္တရာယ်ရှိလို့ ဒီလိုအန္တရာယ်မဖြစ်စေဖို့ ကိုကင်းထုတ်လုပ်မှုစံနှုန်းကို သိပ္ပံပညာရှင်တွေနဲ့ ထပ်တိုင်ပင်ပြီး ထုတ်လုပ်သန့်စင်မှု စနစ်၊ ရောင်းချမှုစနစ်နဲ့ သုံးစွဲမှုစံနှုန်းတွေကိုပါ သေချာပြဌာန်းပြီးမှ ကမ္ဘာ့ ပထမဆုံးသော ကိုကင်း တရားဝင်သုံးစွဲ ခွင့်ပေးတဲ့ နိုင်ငံဖြစ်လာနိုင်မှာပါလို့ အီဗာချန်းက ပြောကြားသွားပါတယ်။
Ref:Thesun
MKF-001
#MeKongNews
#ကိုကင်း
#ဘီယာဈေး
#တရားဝင်
#ခွင့်ပြု
#ဆွစ်ဇာလန်