မဲခေါင်၊ ဖေဖော်ဝါရီ ၆
မွန်ပြည်နယ်၊ ရေးမြို့နယ်၊ လမိုင်းမြို့နယ်ခွဲမှာ ဇန်နဝါရီလ ၄ ရက်နေ့က ဖမ်းဆီးရမိတဲ့ ခမရ (၅၄၅) တပ်ရင်းမှ ဗိုလ်ကြီးမြတ်သူ ကို တိုင်းရင်းသား လက်နက်ကိုင်အဖွဲ့ဆီ လွှဲပြောင်း ပေးလိုက်တယ်လို့ YGF- ရေးပြောက်ကျားတပ်ဖွဲ့က ဒီကနေ့ ထုတ်ပြန်ပါတယ်။
ဖေဖော်ဝါရီ ၄ ရက် မွန်းလွဲ ၂ နာရီ ၃၀ မိနစ်မှာ မွန်ပြည်နယ်၊ လမိုင်းမြို့နယ်ခွဲ၊ ကနင်ကမော့နဲ့ အောင်သာယာကျေးရွာ ကြားမှာ စစ်သားတွေ လိုက်ပါလာတဲ့ Mark-2 ကားကို ကာကွယ်ရေး တပ်ဖွဲ့တွေက စစ်ဆေးဖို့ ရပ်တန့်ခိုင်းစဉ် မောင်းပြေးတာကြောင့် YGF – ရေးပြောက်ကျားတပ်ဖွဲ့နဲ့ ပူးပေါင်းအဖွဲ့တွေ မိနစ် ၃၀ ခန့် ဝိုင်းဝန်း ပစ်ခတ် တိုက်ခိုက်ခဲ့တယ်လို့ သိရပါတယ်။
အဲဒီနောက် ကားပေါ်မှ စစ်သား ၅ ဦး ဆင်းပြေးသွားပြီး ၄ ဦး လွတ်မြောက်သွားကာ ဗိုလ်ကြီး တစ်ဦး ဖမ်းဆီးရမိခဲ့တာပါ။
ကားကို သိမ်းဆည်းဖို့ ကြိုးစားပေမယ့် ခမရ (၃၁၇) မှ လက်နက်ကြီး ၃ လုံးနဲ့ ပစ်ကူကာ တပ်ကူတွေ တက်လာတာ သတင်းရတာကြောင့် မီးရှို့ဖျက်ဆီး ခဲ့တယ်လို့ သိရပါတယ်။
ဖမ်းဆီးရမိတဲ့ ဗိုလ်ကြီး ဆိုသူကို စစ်ဆေးရာမှာ ကျုံဒိုးမြို့ ခမရ (၅၄၅) တပ်ရင်းမှ ဗိုလ်ကြီး မြတ်သူ ဆိုတာ ပေါ်ပေါက်တာကြောင့် သက်ဆိုင်ရာ တိုင်းရင်းသား လက်နက်ကိုင်တပ်ဖွဲ့ဆီ လွှဲပြောင်း ပေးအပ်လိုက်ပြီး သူထံမှ လက်ပစ်ဗုံး သိမ်းဆည်းရမိတယ်လို့ သိရပါတယ်။
MK-003
