ဒီသင်တန်းတွေကို ဇန်နဝါရီ ၁၀ ရက်မှာ စတင်ဖွင့်လှစ်မှာဖြစ်ပြီး ထိုင်းကျောင်းတက်တဲ့ ကလေးတွေနဲ့ ရွှေ့ပြောင်းကျောင်းတက်တဲ့ ကလေးတွေအတွက် ပိတ်ရက်မှာ စီစဉ်ပေးထားကာ အပို့အကြိုနဲ့ လုံခြုံရေးကိစ္စတွေကို ထိုင်းအစိုးရ ကူညီမယ်လို့ သိရပါတယ်။
ဒီသင်တန်းတွေမှာ လူငယ်တွေအတွက် အနုပညာ လှုပ်ရှားမှုတွေ၊ ဖန်တီးမှုတွေ ဖလှယ်နိုင်မှာဖြစ်ပြီး တက်ရောက်လိုတဲ့ လူငယ်တွေအနေနဲ့ Joy House Page ကနေ စာရင်းပေးသွင်းနိုင်မှာ ဖြစ်တယ်လို့ သိရပါတယ်။
ထိုင်းနိုင်ငံကို အကြောင်းအမျိုးမျိုးနဲ့ ရောက်ရှိလာတဲ့ မြန်မာနိုင်ငံသား ဘာသာ လူမျိုး ပေါင်းစုံနဲ့ ထိုင်းနိုင်ငံသား ဘာသာပေါင်းစုံတို့ရဲ့ လူ့အဖွဲ့အစည်းနှစ်ခုကြား ထိုင်းဘာသာစကား၊ ဉပဒေ၊ ဓလေ့ထုံးတန်းစဉ်လာတွေကို သိစေဖို့ လူငယ်တွေရဲ့ လေ့လာရေးစင်တာတစ်ခု ဖြစ်လာစေဖို့ ရည်ရွယ်တာဖြစ်တယ်
လို့ Joy House -ပီတိအိမ် တာဝန်ရှိသူက ပြောပါတယ်။
အခုဖွင့်လှစ်မဲ့ သင်တန်းတွေမှာ ဘာသာစကားဆိုင်ရာ သင်တန်းတွေလည်း ပါရှိမှာဖြစ်ပြီး အသက်အရွယ် ကန့်သတ်ချက်မရှိ တက်ရောက်နိုင်မှာ ဖြစ်တယ်လို့ ဆိုပါတယ်။
ဒီလိုကျောင်းတွေ ပေါ်ပေါက်လာတာ ကျွန်မတို့အတွက် အရမ်းကောင်းတယ်။ ကျွန်မတို့ သားသမီးတွေကို အရမ်း ဂရုမစိုက်နိုင်ဘူး။ ဒီမှာ ဝင်ငွေရအောင် လုပ်ကိုင်နေရတော့ ကလေးတွေကို ရွှေ့ပြောင်းကျောင်းပဲ ထားဖြစ်တယ်။ အခုလို အသိပညာ၊ အတတ်ပညာပါ စီစဉ်ပေးတဲ့ ကျောင်းတွေရှိတော့ သူတို့အတွက် စိတ်ပူစရာ မလိုတော့ဘူး
လို့ မိဘတစ်ဉီးက ပြောပါတယ်။
ဒီသင်တန်းတွေကို အဓိကအားဖြင့် ထိုင်းနဲ့ မြန်မာ လူငယ်တွေကြားထဲမှာ ယဉ်ကျေးမှု၊ အနုပညာတွေ ဖန်တီးပြီး ရင်းနှီးမှု၊ ယုံကြည်မှု တည်ဆောက်ရာ နေရာတစ်ခုအဖြစ် ရည်ရွယ် ဖွင့်လှစ်တာလို့ သိရပါတယ်။
