ဇန်နဝါရီ ၃ရက် နေ့ညက ရဲတွေကိုယ်တိုင် နေအိမ်ကို ပြန်ပို့ပေးခဲ့တာဖြစ်ပြီး ဒီကနေ့ကျရောက်တဲ့ ၇၅ နှစ်မြောက် လွတ်လပ်ရေးနေ့ဟာ သူရဦးအောင်ရဲ့အသက် ၇၅ နှစ်ပြည့် မွေးနေ့လည်း ဖြစ်တယ်လို့ သမီးဖြစ်သူက ဆိုပါတယ်။
သူရဦးအောင်ကိုသည် သူရဘွဲ့ရ အငြိမ်းစား ဗိုလ်မှူးချုပ်ဖြစ်ပြီး NLD လက်ထက်မှာ စစ်တပ်ရဲ့လုပ်ရပ်တွေကို ဆန့်ကျင်ခဲ့တဲ့အတွက် အာဏာသိမ်းသည့် နေ့ကတည်းက ဖမ်းဆီးခံခဲ့ရသူဖြစ်ကာ အဂတိ ၄ မှုနဲ့ ထောင်ဒဏ် စုစုပေါင်း ၁၂ နှစ် ကျခဲ့တာဖြစ်ပါတယ်။
အကျဉ်းထောင်အတွင်း ကျန်းမာရေးမကောင်းတာကြောင့် ဆေးကုသခဲ့ရပြီး ခက်ခဲစွာရပ်တည်ခဲ့ရသပေမယ့် နိုင်ငံရေးအကျဥ်းသားတွေကို နှစ်သိမ့်အားပေးတတ်သူဖြစ်တယ်လို့ ဆိုပါတယ်။ အခုလက်ရှိ အချိန်မှာ ကျန်းမာရေးသိပ်မကောင်းဘဲ ပိန်သွားတယ်လို့ သတင်းရင်းမြစ်တွေထံက သိရပါတယ်။
