မဲခေါင်၊ သြဂုတ် ၂၅

ရှမ်းပြည်မြောက်ပိုင်း၊ စစ်ကောင်စီထိန်းချုပ်၊ မူဆယ်မြို့ရှိ ကျားဖြန့်ရုံတစ်ခု ယနေ့ နံနက်ပိုင်းက မီးလောက်ကျွမ်းခဲ့ကြောင်း ဒေသခံများထံက သိရသည်။

ယနေ့ သြဂုတ် ၂၅ ရက် နံနက် ၈ နာရီကျော်က မူဆယ်မြို့၊ တော်ရွက်ရပ်ကွက်ရှိ နေအိမ်ဟုဆိုသည့် ကျားဖြန့် ရုံတစ်ရုံ လျှပ်စစ်လျှော့ ဖြစ်သည်ဟုဆိုကာ မီးလောင်ကျွမ်းခဲ့ခြင်းဟု ဒေသခံက ​ပြောသည်။

“ကျားဖြန့်ရုံလောင်တာပါ၊ အစောထဲကမီးကို ကြိတ်သတ်နေတာ၊ မနိုင်မှ မီးသတ်ခေါ်တာ၊ ၈ မိနစ်အတွင်း အဆောက်အအုံကြီးတစ်ခုလုံး လောင်တာလို့ ပြောတာပဲ၊ ကားတွေလည်း ပါသွားတယ်” ဟု မူဆယ် ဟိုနားရပ်ကွက်နေသူတစ်ဦးက ပြောသည်။

မူဆယ်မီးသတ်ကမူ နံနက် ၈နာရီ ၅၀ မိနစ်တွင် သတင်းရရှိပြီး ၈ နာရီ ၅၈ မိနစ်တွင် မီးငြိမ်းသတ်နိုင်ခဲ့ကြောင်း ထုတ်ပြန်ထားသည်။

ပြီးခဲ့သည့် ဇွန်လ ၁၉ ရက်နံနက်ပိုင်းကလည်း ကောင်းမှုတုံရပ်ကွက်ရှိ နဂါးနှစ်ကောင် KTV မီးလောင်မှု ဖြစ်ပွားခဲ့သေးရာ လူ ၃ ဦး ဒဏ်ရာ ရရှိခဲ့သေးသည်။

#MeKongNews
#မူဆယ်
#ကျားဖြန့်
#မီးလောင်
#ရှမ်းမြောက်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)