နေ့စဥ်သတင်း

သီလဝါ နိုင်ငံတကာဆိပ်ကမ်းစီမံကိန်းမှ နုတ်ထွက်တော့မည်ဖြစ်ကြောင်း ဂျပန်ကုမ္ပဏီ ၃ ခု အတည်ပြု

မဲခေါင် 15 May - 2025
မဲခေါင်၊ မေလ ၁၅ ဂျပန်ကုမ္ပဏီ ၃ခုဖြစ်သည့် Kamigumi ကုမ္ပဏီ၊ Sumitomo Corporation နှင့် Toyota Tsusho တို့သည် စစ်တပ်ပိုင်ဦးပိုင်ကုမ္ပဏီနှင့် ချိက်ဆက်နေသည့် သီလဝါဘက်စုံသုံးနိုင်ငံတကာဆိပ်ကမ်းစီမံကိန်း – TMIT မှ နုတ်ထွက်တော့မည်ဟု အတည်ပြုကြောင်း Justice For Myanmar (JFM) က ၂၀၂၅ ခုနှစ် မေလ ၁၄ ‌ရက်နေ့တွင် ထုတ်ပြန်ထားသည်။ မြန်မာနိုင်ငံဆိုင်ရာကုလသမဂ္ဂ၏ လွတ်လပ်သောအချက်အလက်ရှာဖွေရေးမစ်ရှင် (FFM) က လူ့အခွင့်အရေးချိုးဖောက်မှုများတွင် အားပေးအားမြောက်ပြုနိုင်မည့် အန္တရာယ်ရှိသည့်အတွက် ဦးပိုင်ကုမ္ပဏီ သို့မဟုတ် ၎င်းတို့မိတ်ဖက်များနှင့် စီးပွားရေးပတ်သက်ဆက်နွှယ်မှု မလုပ်ဆောင်ရန် တိုက်တွန်းခဲ့ပြီးနောက် သီလဝါဆိပ်ကမ်းစီမံကိန်းတွင် ပါဝင်လုပ်ဆောင်နေမှုတို့ကို ဂျပန်ကုမ္ပဏီ ၃ခုက ရပ်ဆိုင်းလိုက်ခြင်း

မဲခေါင်၊ မေလ ၁၅

ဂျပန်ကုမ္ပဏီ ၃ခုဖြစ်သည့် Kamigumi ကုမ္ပဏီ၊ Sumitomo Corporation နှင့် Toyota Tsusho တို့သည် စစ်တပ်ပိုင်ဦးပိုင်ကုမ္ပဏီနှင့် ချိက်ဆက်နေသည့် သီလဝါဘက်စုံသုံးနိုင်ငံတကာဆိပ်ကမ်းစီမံကိန်း – TMIT မှ နုတ်ထွက်တော့မည်ဟု အတည်ပြုကြောင်း Justice For Myanmar (JFM) က ၂၀၂၅ ခုနှစ် မေလ ၁၄ ‌ရက်နေ့တွင် ထုတ်ပြန်ထားသည်။

မြန်မာနိုင်ငံဆိုင်ရာကုလသမဂ္ဂ၏ လွတ်လပ်သောအချက်အလက်ရှာဖွေရေးမစ်ရှင် (FFM) က လူ့အခွင့်အရေးချိုးဖောက်မှုများတွင် အားပေးအားမြောက်ပြုနိုင်မည့် အန္တရာယ်ရှိသည့်အတွက် ဦးပိုင်ကုမ္ပဏီ သို့မဟုတ် ၎င်းတို့မိတ်ဖက်များနှင့် စီးပွားရေးပတ်သက်ဆက်နွှယ်မှု မလုပ်ဆောင်ရန် တိုက်တွန်းခဲ့ပြီးနောက် သီလဝါဆိပ်ကမ်းစီမံကိန်းတွင် ပါဝင်လုပ်ဆောင်နေမှုတို့ကို ဂျပန်ကုမ္ပဏီ ၃ခုက ရပ်ဆိုင်းလိုက်ခြင်း ဖြစ်သည်။

Kamigumi၊ Sumitomo Corporation နှင့် Toyota Tsusho ကုမ္ပဏီတို့သည် စစ်ကောင်စီလက်အောက်ခံ ဦးပိုင်ကုမ္ပဏီနှင့် ပါတ်သက်နေသည့် မြန်မာ Ever Flow River Group – EFR Group လက်ခွဲကုမ္ပဏီ ဖြစ်သည့် K Efficient Logistics Consortium Company Limited နှင့် ပူးပေါင်းလုပ်ဆောင်နေခြင်း ဖြစ်သည်။

EFR Group သည် အမေရိကန်ပြည်ထောင်စု၊ ယူကေ၊ အီးယူ၊ ကနေဒါနှင့် ဩစတြေးလျနိုင်ငံတို့၏ ဒဏ်ခတ်ပိတ်ဆို့မှုများ ခံထားရသည့် ဦးပိုင်ကုမ္ပဏီ၏ ကုမ္ပဏီခွဲ Lann Pyi Marine နှင့် ရန်ကုန်မြို့ရှိ ကုန်းတွင်းဆိပ်ကမ်းဝန်း တစ်ခုတည်ဆောက်ရာတွင် မိတ်ဖက်များအဖြစ် ပူးတွဲလုပ်ကိုင်နေကြသည်ဟု Justice for Myanmar က သတင်းထုတ်ပြန်ထားသည်။

ဂျပန်ကုမ္ပဏီ ၃ခုသည် အရပ်ဘက်အဖွဲ့အစည်းများ၏ စုံစမ်းမေးမြန်မှုများကို ပြန်လည်ဖြေကြားခဲ့ရာ ၎င်းတို့အနေဖြင့် သီလဝါဆိပ်ကမ်းစီမံကိန်းမှ နုတ်ထွက်တော့မည် ဖြစ်ကြောင်း၊ စာရင်းဖျက်သိမ်းမှုများအား စတင်လုပ်ဆောင်ထားပြီးဖြစ်ကြောင်း အတည်ပြုခဲ့သည်။

Kamigumi Co.,ltd မှ တာဝန်ရှိသူ တစ်ဦးက ယင်းဆိပ်ကမ်းစီမံကိန်းလုပ်ငန်းမှ နုတ်ထွက်ပြီး မြန်မာဆိပ်ကမ်းအာဏာပိုင်တို့နှင့် သဘောတူညီချက်ကိုလည်း ရပ်ဆဲကာ ကုမ္ပဏီကို ဖျက်သိမ်းရန် ဆောင်ရွက်နေသည် ဟု ဆိုထားသည်။

Sumitomo Corporation ကလည်း မိမိတို့အနေနှင့် မြန်မာဆိပ်ကမ်းအာဏာပိုင်အဖွဲ့နှင့် သဘောတူညီချက်ကို ရပ်ဆဲကာ ကုမ္ပဏီကို ဖျက်သိမ်းတော့မည့် ဖြစ်ပြီး စီမံကိန်းအောက်ရှိ ဝန်ထမ်းများကို အခြားပြည်တွင်းကုမ္ပဏီထံ လွဲပြောင်းရာတွင်လည်း နုတ်ထွက်ရခြင်းများ မဖြစ်စေရန် အကူအညီပေးမည် ဟု ဆိုထားသည်။

Toyota Tsusho ကုမ္ပဏီကလည်း သီလဝါဆိပ်ကမ်းစီမံကိန်း တွင် ပါဝင်လုပ်ဆောင်နေခြင်းကို ရပ်ဆိုင်းတော့မည် ဟု အတည်ပြုထားသည်။

သို့သော်လည်း သီလဝါဆိပ်ကမ်းစီမံကိန်း ကို ဂျပန်နိုင်ငံမှ အစိုးရဘဏ္ဍာရေးအဖြစ် ပူးတွဲလုပ်ကိုင်နေသည့် Japan Overseas Infrastructure Investment Corporation for Transport & Urban Development (JOIN) နှင့် Nippon Export and Investment Insurance (NEXI)တို့ကမူ စီမံကိန်းနှင့်ပါက်သက်၍ ထုတ်ဖော်ပြောဆိုခြင်း မပြုကြပေ။

EFR Group ကို မဲခေါင်သတင်းဌာနမှ Email ဖြင့် ဆက်သွယ်မေးမြန်းခဲ့သော်လည်း လက်ရှိအချိန်ထိ ပြန်လည် ဖြေကြားခြင်း မပြုခဲ့ပေ။

သီလဝါဆိပ်ကမ်းစီမံကိန်းကို မြန်မာနိုင်ငံအတွက် ဂျပန်နိုင်ငံ တရားဝင်ဖွံ့ဖြိုးရေးအကူအညီ (ODA) ဖြင့် ၂၀၁၃ ခုနှစ်က စတင် တည်ဆောက်ခဲ့ခြင်း ဖြစ်ပြီး မြန်မာ့ဆိပ်ကမ်းအာဏာပိုင်အဖွဲ့ထံမှ ကြီးကြပ်လုပ်ပိုင်ခွင့်များ ရရှိပြီး နောက်ပိုင်း Kamigumi ကုမ္ပဏီသည် ဆိပ်ကမ်းကို JOIN၊ Sumitomo Corporation၊ Toyota Tsusho နှင့် မြန်မာကုမ္ပဏီ K Efficient Logistics Consortium Company Limited တို့အကြား ဖက်စပ်ကုမ္ပဏီတစ်ခုဖြစ်သည့် STJ Thilawa Terminal Co., Ltd တို့နှင့်အတူ စတင်တည်ဆောက်ခဲ့သည်ဟု ထုတ်ပြန်ထားသည်။

သီလဝါဆိပ်ကမ်းစီမံကိန်းကို နိုင်ငံတကာဒဏ်ခတ်ပိတ်ဆို့မှုများ ချမှတ်ခံထားရသည့် စစ်အုပ်စုစီးပွားရေး လုပ်ငန်းစုကြီး မြန်မာ့စီးပွားရေးဦးပိုင်လီမိတက်နှင့် ဆက်စပ်အထောက်အထားများရှိသော ခရိုနီကုမ္ပဏီ Ever Flow River Group (EFR) နှင့် မိတ်ဖက်လုပ်ကိုင်ခြင်း ဖြစ်၍ ဂျပန်ရင်းနှီးမြှုပ်နှံသူများ၊ အစိုးရကျောထောက်နောက်ခံရှိ အာမခံကုမ္ပဏီနှင့် အခြေခံအဆောက်အဦကဏ္ဍ ရင်းနှီးမြှုပ်နှံမှု ကော်ပိုရေးရှင်းတစ်ခုတို့ကို ပွင့်လင်းမြင်သာမှု ရှိရေးနှင့် လူ့အခွင့်အရေးစံနှုန်းများကို လေးစားလိုက်နာရေးအတွက် ဂျပန်နိုင်ငံနှင့် မြန်မာနိုင်ငံအရပ်ဘက်အဖွဲ့အစည်းများက တောင်းဆိုထားကြောင်း Justice for Myanmar က ဖော်ပြထားသည်။

ထိုကြောင့် သီလဝါဘက်စုံသုံးနိုင်ငံတကာဆိပ်ကမ်းစီမံကိန်းတွင် တည်ဆောက်ရေးတွင် ပါဝင်လုပ်ဆောင်နေသည့် ဂျပန်ကုမ္ပဏီ သုံးခု ဖြစ်သည့် Kamigumi၊ Sumitomo Corporation နှင့် Toyota Tsusho တို့က ဆက်လက် မလုပ်ဆောင်တာ့ပဲ ရပ်ဆိုင်းလိုက်ခြင်း ဖြစ်သည်။

ဂျပန်နိုင်ငံထံမှ ODA ချေးငွေဆိုင်ရာ ကိစ္စရပ်များတွင် ပါဝင်လုပ်ဆောင်ခွင့် ရရှိနေသည့် Japan Overseas Infrastructure Investment Corporation for Transport & Urban Development (JOIN) နှင့် Nippon Export and Investment Insurance (NEXI)တို့ကမူ ပြန်လည် ဖြေကြားခြင်း မပြုပေ။

TMIT ဆိပ်ကမ်းသည် သီလဝါအထူးစီးပွားရေးဇုန် ဆိပ်ကမ်းရှိ ဆိပ်ကမ်းအမှတ် (၂၅) နှင့် (၂၆) တို့တွင် တည်ရှိပြီး မြန်မာဆိပ်ကမ်းအာဏာပိုင်သည် ဂျပန်အကူအညီ ODA အစီအစဉ်ဖြင့် တည်ဆောက်ရေးလုပ်ငန်းများကို လုပ်ဆောင်နေခြင်း ဖြစ်သည်။

သီလဝါဘက်စုံသုံးနိုင်ငံတကာဆိပ်ကမ်းစီမံကိန်းကို၂၀၁၃ ခုနှစ်က ဂျပန်နိုင်ငံထံမှ ဂျပန်ယန်း ၂၃၄၈၀ သန်းကို ချေးယူကာ စတင်တည်ဆောက်ခဲ့ပြီး ချေးငွေပြန်လည်ပေးဆပ်ရမည့် ကာလမှာ ဆိုင်းငံ့ကာလ ၁၀ နှစ်အပါအဝင် စုစုပေါင်းနှစ် ၄၀ဖြစ်ကြောင်း၊ ပေးဆပ်ရမည့် အတိုးနှုန်းမှာ (တစ်နှစ်လျှင်) ၀.၀၁ ရာခိုင်နှုန်း ဖြစ်ကြောင်း မြန်မာ့ဆိပ်ကမ်းအာဏာပိုင်က ထုတ်ပြန်ထားသည်။

ကုမ္ပဏီများအနေနှင့် လူ့အခွင့်အရေး ကာကွယ်စောင့်ရှောက်ရမည့် ၎င်းတို့တာဝန်များကို လိုက်နာလုပ်ဆောင်ရန်နှင့် ငွေကြေးအကျိုးအမြတ် မှန်သမျှ မြန်မာစစ်အုပ်စုထံ မရောက်ရှိစေရေး ကာကွယ်ရန် အဖွဲ့အစည်း ၇ဖွဲ့မှ တိုက်တွန်းထားသလို ဆက်လက်စောင့်ကြည့်နေကြောင်း Justice for Myanmar က ဆိုထားသည်။

#MeKongNews
#သီလဝါဆိပ်ကမ်း
#ဂျပန်ကုမ္ပဏီ
#JFM
#ဦးပိုင်ကုမ္ပဏီ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now

Related News

နေ့စဥ်သတင်း မြန်မာ့နွေဦး

ဖြတ်သန်းခွင့်မပြုသဖြင့် လွိုင်လင်၌ သံတိုသံစသယ် ကီလိုကား အစီးရေ ၂၀၀ ကျော် ပိတ်မိနေ

ဖြတ်သန်းခွင့်မပြုသဖြင့် လွိုင်လင်၌ သံတိုသံစသယ် ကီလိုကား အစီးရေ ၂၀၀ ကျော် ပိတ်မိနေ မဲခေါင်၊ နိုဝင်ဘာ ၂၀ ရှမ်းပြည်တောင်ပိုင်း၊
နေ့စဥ်သတင်း မြန်မာ့နွေဦး

ရှမ်းပြည်တွင် တရုတ်ယွမ် ၁၀၀ မြန်မာငွေ ၇၆၀၀၀ ကျပ်အထိ ဈေးထပ်တက်

မဲခေါင်၊ နိုဝင်ဘာ ၂၀ ရှမ်းပြည်တွင် တရုတ်ငွေဈေး ယွမ်တရာကို မြန်မာငွေ ၇၆၀၀၀ ကျပ်အထိ ငွေလဲဈေးနှုန်း ထပ်မံတက်နေသည်ဟု သတင်းရင်းမြစ်များထံမှ

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

နမ့်ခမ်း-မိုင်းဝီးလမ်းပိုင်း ကုန်တင်ယာဉ်များ ဖြတ်သန်းခွင့် ယာယီပိတ်ထား

မဲခေါင်၊ နိုဝင်ဘာ ၁၄ တအာင်းတပ်ဖွဲ့(TNLA) ထိန်းချုပ်ဒေသ၊ နမ့်ခမ်းမြို့နှင့် မိုင်းဝီးမြို့အကြား ဆက်သွယ်ထားသည့် လမ်းပိုင်းကို ပြန်လည်ပြုပြင်မည်ဖြစ်သဖြင့် ကုန်တင်ယာဉ်များ ဖြတ်သန်းသွားလာခွင့်ကို TNLA က ယာယီပိတ်ထားသည်ဟု သတင်းရင်းမြစ်များထံမှ သိရသည်။ ယင်းလမ်းပိုင်းကို ကုန်တင်ယာဉ်များအနေဖြင့် ၂၀၂၆

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

ဂိမ်းဆော့နေသည့် လူငယ်နှစ်ဦးကို PNO ပြည်သူ့စစ် ပစ်ခတ်ဖမ်းဆီးမှုကြောင့် တစ်ဦး ဒဏ်ရာရ

မဲခေါင်၊ နိုဝင်ဘာ ၈ ရှမ်းပြည်တောင်ပိုင်း၊ ညောင်ရွှေမြို့နယ်၊ အင်းလေးအနောက်ခြမ်း တောင်တိုကျေးရွာတွင် PNA ပြည်သူ့စစ်တပ်ဖွဲ့ဝင်များ၏ သေနတ်ဖြင့် ပစ်ခတ်မှုကြောင့် လူငယ်အမျိုးသားတစ်ဦး ကျည်ထိမှန်ဒဏ်ရာရရှိခဲ့ကြောင်း ဒေသခံများထံမှ သိရသည်။ နိုဝင်ဘာ ၆ ရက် ည ၁၁

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

အမေရိကန်နဲ့ စစ်ပွဲပြန်စရင် အီရန်အတွက် နိုင်ကွက်ဖြစ်လာနိုင်တဲ့ ရေအောက်ကေဘယ်တွေ

~ ဒင်းဒင်း ~ အမေရိကန်နဲ့ အစ္စရေးက အီရန်ကို ထပ်ပြီးတိုက်ခိုက်လာခဲ့ရင် ပင်လယ်ကွေ့မှာရှိတဲ့ ပင်လယ်ရေအောက် ဆက်သွယ်ရေး ကေဘယ်တွေကို ပစ်မှတ်ထားသွားဖို့ တီဟီရန်က အသေးစိတ် အစီအစဥ် ရေးဆွဲထားတယ်လို့ အီရန်ထိပ်တန်းအရာရှိကြီး ၂ ဦးက ရိုက်တာသတင်းဌာနကိုပြောပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

မူးယစ်တရားခံပြေး တရုတ်တစ်ဦးကို “ဝ”တပ်ဖွဲ့က ဖမ်းဆီးလွှဲပြောင်းပေး

မဲခေါင်၊ အောက်တိုဘာ ၃၁ မူးယစ်ဆေးဝါးမှုတွင် ပါဝင်ပတ်သက်သည့် တရုတ်နိုင်ငံသားတစ်ဦးကို ဖမ်းဆီးပြီး တရုတ်ဖက်သို့ ပြန်လည်လွှဲပြောင်းပေးလိုက်သည်ဟု “ဝ”တပ်ဖွဲ့ (UWSA) က သတင်းထုတ်ပြန်သည်။ ၎င်းတရုတ်တရားခံတစ်ဦးကို ယုံဟော်နယ်စပ်ဂိတ်မှတစ်ဆင့် တရုတ်နိုင်ငံသို့ အောက်တိုဘာ ၂၉ တွင် လွှဲပြောင်းပေးလိုက်ခြင်းဖြစ်သည်ဟု

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

ဖားကန့်မူးယစ် ဒုရဲမှူး ခင်စိုး မူးယစ်ဆေးဝါးရောင်းဝယ်သမားများထံမှ သိန်းထောင်ချီ လာဘ်စား၊ ကိုယ်တိုင်လည်း မူးယစ်ဆေးရောင်းနေ

မဲခေါင်၊ အောက်တိုဘာ ၃၀ ကချင်ပြည်နယ်၊ ဖားကန့်မြို့နယ် တာဝန်ကျ မူးယစ်တပ်ဖွဲ့မှ ဒုရဲမှူး ခင်စိုးသည် အထက်ဌာနမှ ပုဂ္ဂိုလ်များ လာရောက်နိုင်ခြင်း မရှိသည့် နေရာဆိုကာ လုပ်ပိုင်ခွင့်ကို အသုံးချပြီး မူးယစ်ဆေးသမားများကို သိန်းရာချီ၊ ထောင်ချီ လာဘ်ငွေယူခြင်း၊

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
နေ့စဥ်သတင်း မြန်မာ့နွေဦး

၃ လကျော်ကြာ ပျောက်ဆုံးနေသည့် တောင်ကြီး ၆ မိုင်မှ Grade – 9 ကျောင်းသား၏ မှတ်ပုံတင်နှင့် သန်းခေါင်စာရင်းကို တာချီလိတ်တပ်မှဟုဆိုကာ မိဘထံ ဖုန်းဆက်တောင်းခံ

မဲခေါင်၊ အောက်တိုဘာ ၃၀ ရှမ်းပြည်နယ်တောင်ပိုင်း၊ တောင်ကြီးမြို့နယ်၊ ၆ မိုင်ဒေသမှ ၃လကျော်ကြော ပျောက်ဆုံးနေသည့် Grade – 9 ကျောင်းသားတစ်ဦး၏ မှတ်ပုံတင်နှင့် သန်းခေါင်စာရင်းကို အောက်တိုဘာ ၂၂ ရက်တွင် တာချီလိတ်တပ်မှဟုဆိုကာ မိဘများထံ

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now