မဲခေါင်၊ဖေဖော်ဝါရီ ၂၅
တော်လှန်ရေးပူပေါင်းအဖွဲ့ပစ်ခတ်သည့် လက်နက်ကြီးကျည် ကျရောက်ပေါက်ကွဲသဖြင့် ရှမ်းပြည်မြောက်ပိုင်း၊ နောင်ချိုမြို့နယ်၊ တောင်ခမ်းဒေသအခြေစိုက် အမြောက်စခန်းကွပ်ကဲမှုဌာနချုပ် (၉၀၂) လက်အောက်ခံ အမတ( ၃၅၄ )၏ လက်နက်တိုက် ယနေ့ မီးလောင်ခဲ့သည်။
တောင်ခမ်းဒေသ၌ တော်လှန်ရေးပူးပေါင်းအဖွဲ့နှင့် စစ်ကောင်စီအကြား နေ့စဉ်တိုက်ပွဲဖြစ်ပွါးနေသလို ယနေ့လည်း တိုက်ပွဲပြင်းထန်နေသည်။
တောင်ခမ်းဒေသအခြေစိုက် အမြောက်စခန်းကွပ်ကဲမှုဌာနချုပ်(မစခ ၉၀၂)မှလက်အောက်ခံတပ်များ၊ မြေပြင်စစ်ကြောင်းများနှင့် တော်လှန်ရေးပူးပေါင်းအဖွဲ့များဖြစ်သည့် TNLA၊ DPLA တပ်များအပါအဝင်တော်လှန်ရေးတပ်များအကြား တိုက်ပွဲဖြစ်ပွားနေသည်မှာ ၈ လကျော်ကြာမြင့်နေပြီဖြစ်သည်။
တောင်ခမ်းဒေသသည် ဗထူးမြို့နှင့် ၇၉ မိုင်သာကွာဝေးသောကြောင့် စစ်ရေးအရအရေးပါသည့်ဒေသဖြစ်သောသည့်အပြင် ရှမ်းပြည်တောင်ပိုင်းနှင့်မြောက်ပိုင်းအား အချိန်မရွေးသွားလာနိုင်သောကြောင် စစ်ကောင်စီက လက်မလွှတ်ရရေး အပြင်းအထန်ထိုးစစ်ဆင်နေသည်။
ယခုလအတွင်း တောင်ခမ်းဒေသကိုနေ့စဉ်ဆိုသလို လေကြောင်းပစ်ခတ်မှုများပြုလုပ်ခဲ့ပြီး ဖေဖော်ဝါရီလ ၂၃ ရက်နောင်ချိုမြို့သို့လေကြောင်းတိုက်ခိုက်မှုတွင် အဆိပ်ငွေ့ဗုံးများပါဝင်ခဲ့သည်ဟု TNLA မှ ထုတ်ပြန်ထားသည်။
တောင်ခမ်းဒေသ အမြောက်စခန်းကွပ်ကဲမှုဌာနချုပ် ၉၀၂ နှင့်ကွပ်ကဲမှုလက်အောက်ခံ အမတ(၃၅၄)၊ အမတ(၂၀၆)၊အမ(၄၀၆) တပ်စခန်းများ၊ တောင်ခမ်းရွာနှင့်မန်ကျည်းရေရွာနှင့်ဘန့်ဘွေး၊ ဝက်ဝံစသည့်နေရာများအား စစ်ကောင်စီထကထိန်းချုပ်ထားပြီး ကျောက်ဂူ-နမ့်လန် လမ်းပိုင်းမှတဆင့်ရိက္ခာနှင့်စစ်ကူပို့ဆောင်နေသည်။
ဂနိုက်
#MeKongNews
#တောင်ခမ်း
#လက်နက်တိုက်
#မီးလောင်
#တော်လှန်ရေး
