မဲခေါင်၊ ဇူလိုင် ၉
ရှမ်းပြည်အရှေ့ပိုင်း၊ တာချီလိတ်မြို့တွင် လမ်းလျှောက်လာသူ အမျိုးသားတစ်ဦးထံမှ ယာမစိတ်ကြွဆေးပြား ၂ သိန်း ဖမ်းဆီးမိသည်ဟု သတင်းရင်းမြစ်ထံမှ သိရသည်။
ယမန်နေ့ ဇူလိုင် ၈ ရက်၊ မနက်ပိုင်းတွင် ဆန်ဆိုင်း (ခ) ရပ်ကွက် စံပယ် ၃ လမ်းတွင် ဆာလာအိတ်တစ်လုံး ထမ်းလာသည့် လူတစ်ဦးကို စစ်ဆေးရာမှ ဆာလာအိတ်အတွင်း ယာမစိတ်ကြွဆေးပြား ၂သိ န်းကို ဖမ်းဆီးမိခြင်း ဖြစ်သည်။
ဆာလာအိတ်ထမ်းလာသည့် အသက် ၂၇ နှစ်အရွယ် ကိုချာမူးဆိုသူကို မသင်္ကာသဖြင့် တာချီလိတ် မူးယစ်ဆေးဝါး တားဆီးနှိမ်နှင်းရေးရဲတပ်ဖွဲ့က စစ်ဆေးရာ ဆာလာအိတ်အတွင်းရှိ ၉၉၉ အမှတ်တံဆိပ်ပါ ယာမဆေးပြား ၂ သိန်းကို ဖမ်းဆီးမိခဲ့ခြင်း ဖြစ်သည်။
ထို့ကြောင့် မူးယစ်ဆေးဝါး သယ်ဆောင်လာသူ ကိုချာမူးကို ဥပဒေအရ အရေးယူနိုင်ရေး အမှုဖွင့်ကာ ဆောင်ရွက်လျက်ရှိသည်ဟု သတင်းရင်းမြစ်ထံမှ သိရသည်။
#MeKongNews
#တာချီလိတ်
#လမ်းလျှောက်လာသူ
#ယာမဆေးပြား
#ဖမ်းမိ
