မဲခေါင်၊ နိုဝင်ဘာ ၆
ထိုင်းနိုင်ငံ၊ ဆာရာဘူရီခရိုင်၊ ဆအိုဟိုင်ခရိုင်ခွဲရှိ ပါဆက်ခ်မြစ်အတွင်း ကိုက်များကာရန်ကာ မွေးထားသည့် တီလားပီးယားငါးများ မြစ်ရေ အလွန်ညစ်ညမ်းအဆိပ်သင့်မှုကြောင့် သေဆုံးကုန်သဖြင့် ငါးမွေးမြူရေးလုပ်ငန်းရှင်များ ဘတ် ၂ သန်းဖိုး ဆုံးရှုံးနစ်နာခဲ့ရသည်။
ယင်းဒေသ မြစ်အတွင်း ပိုက်ကာမွေးမြူသည့် ကန်ပေါင်း ၃၅ ကန်အတွင်းမှ ငါးများ ထိခိုက်သေ ဆုံးမှုဖြစ်စေခဲ့ပြီး ပျမ်းမျှ တန် ၃၀ သေဆုံးခဲ့ရသဖြင့် ငွေကြေးအားဖြင့် ဘတ် ၂ သန်းဖိုး နစ်နာခဲ့ရသည်။
ငါးမွေးမြူရေးသမားများသည် ကန်များအတွင်း အောက်ဆီဂျင်ပိုက်များသွယ်တန်း ပေးပို့သော်လည်း မြစ်ရေညစ်ညမ်းမှုသည် အလွန်ဆိုးရွားသဖြင့် မည်သို့မျှ မတတ်နိုင်ဘဲ ကြီးမားသော ဆုံးရှုံးမှုများဖြစ် ပွားခဲ့ရခြင်းဖြစ်သည်။
ငါးမွေးမြူရေးသမားများသည် ငါးများသေဆုံးလာသဖြင့် ယခင် တစ်ကီလို ဘတ် ၈၀၊ ၉၀ ရသော ငါးများကို ဘတ် ၅၀၊ ၆၀ အထိ စျေးလျှော့ရောင်းချနေသလို မလတ်တော့သည့် ငါးသေများကို ငါးချဉ် သိပ်သူများထံ တစ်ကီလို ၄၊ ၅ ဘတ်ဖြင့်ပင် ရောင်းချရသဖြင့် လွန်စွာ နစ်နာခဲ့ရပြီး ထိုလုပ်ငန်းကို နှစ်ပေါင်း ၂၀၊ ၃၀ ကတည်းက လုပ်ကိုင်ခဲ့ရာ ယခုနောက်ပိုင်း မကြာခဏ မြစ်ရေ ညစ်ညမ်းအဆိပ်သင့် မှုများကြောင့် မွေးမြူရေးတီလားပီးယားငါးများ သေဆုံးမှုများဖြင့် အရှုံးပေါ်နေရသော်လည်း ဒေသဆိုင်ရာ အဖွဲ့အစည်းများက သိသိကြီးဖြင့် မည်သို့မျှ မကူညီ မကာကွယ်ပေးခဲ့ဟု ဝေဖန်ပြောဆိုခဲ့ ကြသည်။
ကိုကလင်း
Ref: Khaosod
#MeKongNews
#ထိုင်းနိုင်ငံ
#မြစ်ရေညစ်ညမ်း
#ငါးမွေးမြူရေး
#တီလားပီးယား
