မဲခေါင်၊ မေ ၈
၂၀၂၀ ပြည့်နှစ် နိုဝင်ဘာလက ဩစတြေးလျနိုင်ငံ၊ ကွင်းစလန်ပြည်နယ်၊ ဆမ်ဆွန်ဗေးရေကန်တွင် ကယက်လှေဖြင့် သွားလာစဉ် ဇနီးသည် ဂျက်ကလင်း ရေနစ်သေဆုံးမှု၌ ရည်ရွယ်ချက်ရှိစွာ သတ်ဖြတ်ခဲ့ကြောင်း စုံစမ်းစစ်ဆေးမှုအရ သိရှိရသော ဗြိတိန်သား ဂရေမီဒါဗစ်ဆင်ကို မိသားစုနေရပ် ဩစတြေးလျနိုင်ငံ၊ ဘရစ္စဘိန်းမြို့သို့ ပြန်လည်ပတ်ချိန်တွင် မေ ၅ ရက်နေ့က ဖမ်းဆီးရမိခဲ့သည်။
ဗြိတိန်စစ်တပ်တွင် ၂၂ နှစ်ကြာ ဗိုလ်အဖြစ်တာဝန်ထမ်းခဲ့ပြီးနောက် ဩစတြေးလျစစ်တပ်သို့ ပြောင်းလဲတာဝန်ထမ်းခဲ့သူ အသက် ၅၄ နှစ်အရွယ် ဂရေမီဒါဗစ်ဆန် သည် ဇနီးသည် ဂျက်ကလင်း မတော်တဆမှုဖြင့် ရေနစ်သေဆုံးကြောင်း ဖွင့်ဟခဲ့ရာ ကနဦး သံသယမရှိကြဘဲ နောက်ပိုင်း မျက်မြင်သက်သေတချို့နှင့် ခေတ်မီ စုံစမ်းစစ်ဆေးမှု စနစ်များအရ ဒါဗစ်ဆန်သည် ဇနီးအား သတ်ခဲ့ပြီး အသက်အာမခံကြေး ဒေါ်လာ တစ်သန်း ဝန်းကျင်ကို ရယူကာ ဇနီးသေဆုံးပြီး ၅ လအကြာတွင် ထိုင်းသို့ ပြောင်းသွားပြီး ၂၀၂၂ ခုနှစ်၌ ငယ်ရွယ်သော ထိုင်းအမျိုးသမီးတစ်ဦးကို လက်ထပ်ပေါင်းသင်းပြီး ထိုင်းနိုင်ငံသားအဖြစ် နေထိုင်ခဲ့သူ ဖြစ်သည်။
ဩစတြေးလျ အထူးစုံထောက် စတိဗ်ဝင်ဆာက ရေနစ်သေဆုံးရာ ကန်၏ အနေအထား၊ မျက်မြင် သက်သေတချို့၏ ကိုယ်တွေ့ မျက်မြင်သက်သေပေးမှုများအရ နောက်ပိုင်း ဒါဗစ်ဆင်သည် ဇနီးကို သတ်ကာ အသက်အာမခံကြေးများ လိမ်ထုတ်ပြီး ထိုင်းသူတစ်ဦးနှင့် လက်ထပ်ကာ ဇစ်မြစ်ဖျောက် နေထိုင်ခဲ့ကြောင်းနှင့် မေ့လောက်ပြီထင်မှ ဩစတြေးလျရှိ မိသားစုထံ ပြန်လာစဉ် ဖမ်းဆီးရမိခြင်း ဖြစ်သည်ဟု ထုတ်ပြန်သွားခဲ့သည်။
ကိုကလင်း
Ref: Thesun
#MeKongNews
#ဩစတျေးလျနိုင်ငံ
#ဇနီးသည်
#အသက်အာမခံကြေး
#ဘရစ္စဘိန်း
