မဲခေါင်၊ ဇန်နဝါရီ ၁၉
တရုတ်နှစ်သစ်ကူးကာလ လည်ပတ်ချိန်ရောက်ရှိနေတာကြောင့် ဇန်နဝါရီ ၁၃ ရက်ကနေ ၂၇ ရက်အထိ ၁၅ ရက်တာကာလအတွင်း တရုတ်နိုင်ငံမှာကိုဗစ်ကြောင့် သေဆုံးနှုန်း ၁၀ ဆ မြင့်တက်ဦးမယ်လို့ ဟောင်ကောင် တက္ကသိုလ်က ခန့်မှန်းချက်ထုတ်ပြန်ခဲ့ပြီး ဒီ ၁၅ ရက်အတွင်း ကိုဗစ်ကူးစက်ခံရသူပေါင်း ၆၂ သန်းရှိလိမ့်မယ်လို့ လေ့လာဖော်ပြခဲ့ပါတယ်။
ဒီဇင်ဘာ ၈ ရက်နဲ့ ဇန်နဝါရီ ၁၂ ရက်ကြား ကိုဗစ်ကြောင့် သေဆုံးသူပေါင်း ၆၀၀၀၀ ကျော်ရှိခဲ့တယ် လို့ တရုတ်အစိုးရက ထုတ်ပြန်ခဲ့မှုဟာ ဆေးရုံပေါ်မှာ သေဆုံးနှုန်းသာဖြစ်ကြောင်းနဲ့ အမှန်တကယ်သေဆုံးမှုဟာ ၁၀ ဆ မက ပိုများတယ်လို့ ဟောင်ကောင်တက္ကသိုလ်က ဆိုပါတယ်။
ဒီဇင်ဘာ ၁၃ ရက်ကနေ ၂၇ ရက်အတွင်း တရုတ်နိုင်ငံအနှံ ကိုဗစ်ကူးစက်မှု ၆၂ သန်းရှိရာ မှာ ဇန်နဝါရီ ၂၆ ရက်နေ့တစ်ရက်တည်းမှာပဲ သေဆုံးနှုန်း အမြင့်ဆုံးအဖြစ် ၃၆၀၀၀ သေဆုံးလိမ့်မယ်လို့ ဟောင်ကောင်တက္ကသိုလ်က ခန့်မှန်းချက် ထုတ်ပြန်ထားပါတယ်။
ဒီအချက်အလက်တွေကို တရုတ်အစိုးရက ဝန်မခံပေမယ့် ဒီတစ်ပတ်ထဲ တရုတ်ဆေးဝါးထုတ်လုပ်ရေး စီမံခန့်ခွဲမှုဌာနက အစည်းအဝေးလုပ်ရာမှာ ကိုဗစ်ဆက်စပ်ဆေးတွေကို လုံလောင်အောင် ထုတ်ထားဖို့နဲ့ စျေးမတက်ခိုင်းသလို ဆေးဝါးအတုတွေကို စျေးကွက်ထဲမှာ လိုက်လံသိမ်းဆည်းအရေးယူမယ်လို့ ကြေညာချက်ထုတ်ပြန်တယ်။
တရုတ်သမ္မတရှီကျင်းဖျင့်ကလည်း “အားလပ်ရက်ခရီးသွားတွေဟာ ကျေးလက်ဒေသတွေကို ပြန်သွားကြရာက ဒီလိုဒေသတွေမှာ ကူးစက်မှုနှုန်း အုံကြွခဲ့ရင် ပြဿနာများမယ်။ ကျေးလက်ဒေသတွေမှာ ဆေးဝါးလိုအပ်ချက်က ပိုများလာမယ်။ ဒီလိုလူတန်းစားတွေအတွက် စိုးရမ်တယ်။ ဒါကြောင့် အဖျားပျောက်ဆေးနဲ့ ကိုဗစ်ဆက်စပ် ဆေးဝါးတွေ လိုအပ်ချက်ပြည့်မီအောင် ထုတ်လုပ်ထားကြဖို့ တိုက်တွန်းစေခိုင်းထားပါတယ်။ ကျွန်တော်တို့ ကိုဗစ်နဲ့ပတ်သက်လို့ ဖိအားဒဏ်တွေကို လက်ရှိလည်း ခံနေရတုန်းဆိုတာ သတိပြုဖို့လိုပါတယ်” လို့ နိုင်ငံ ပိုင်မီဒီယာကနေ ထုတ်လွှင့်ပြောကြားသွားပါတယ်။
MKF – 001
Ref: trtworld
