မဲခေါင်၊ ဇန်နဝါရီ ၁၇
မွန်ပြည်နယ်၊ ပေါင်မြို့နယ်ရှိ ပျူစောထီးခေါင်းဆောင်ရဲ့ နေအိမ်ကို NUGရဲ့အထူးစစ်ဆင်ရေးတပ်ဖွဲ့ – S.O.F ဒီကနေ့၊ မနက်ပိုင်းမှာ ဝင်ရောက်စီးနင်းခဲ့တယ်လို့ SOFက သတင်းထုတ်ပြန်ထားပါတယ်။
နန်းထိုက်အောင်မြို့ပြစစ်ဆင်ရေးအဖြစ် ပေါင်မြို့နယ်၊ ရင်းငြိမ်ကျေးရွာရှိ ပျူစောထီးခေါင်းဆောင်ရဲ့ နေအိမ်ကို ဒီကနေ့၊ မနက် ၈နာရီဝန်းကျင်က ဝင်ရောက်စီးနင်းခဲ့တယ်လို့ ထုတ်ပြန်ထားတာ ဖြစ်ပါတယ်။
မိသားစုဝင်တွေကို အကာအကွယ်ယူကာ ပျူခေါင်းဆောင်ဖြစ်သူက ရှောင်တိမ်းလွတ်မြောက်သွားခဲ့ပြီး သူ့မိသားစုဝင်တွေကို မေးမြန်းစုံစမ်းကာ လွတ်ရာကို ရှောင်တိမ်းခိုင်းခဲ့တယ်လို့ ထုတ်ပြန်ချက်မှာ ဖော်ပြထားပါတယ်။
ပျူစောထီးခေါင်းဆောင်ရဲ့ နေအိမ်ရှိ ရိုင်ဖယ်အမျိုးအစားသေနတ် တစ်လက်နဲ့ ကျည်အိမ် တစ်ခု၊ ကျည်ဆယ်တောင့်ကို ရှာဖွေသိမ်းဆည်းခဲ့တယ်လို့ အထူးစစ်ဆင်ရေးတပ်ဖွဲ့ – S.O.Fက အသိပေးထားပါတယ်။
အဲဒီပျူခေါင်းဆောင်ကျားကြီးဟာ ဒေသခံပြည်သူတွေ၊ လူငယ်တွေနဲ့ CDM ဝန်ထမ်းတွေကိာ မတရားခြိမ်းခြောက်တာ၊ မတရားဖမ်းဆီးနှိပ်စက်တာ၊ ငွေကြေးတောင်းခံတာတွေ ပြုလုပ်နေပြီး စစ်ကောင်စီနဲ့ ပူးပေါင်းကာ အကြမ်းဖက်လုပ်ငန်းတွေ ဆောင်ရွက်နေသူဖြစ်တယ်လို့လည်း S.O.Fရဲ့ ထုတ်ပြန်ချက်မှာ ပါရှိပါတယ်။
MK-008
#MeKongNews