မဲခေါင်၊ မေ ၂
ပေါင်မြို့နယ်ထဲက ဦးဖိုးချစ်ဆိုသူဦးဆောင်တဲ့ ပျူစောထီးတွေကို အထူးစစ်ဆင်ရေးတပ်ဖွဲ့ – S.O.F က ဝင်ရောက်ရှင်းလင်းရာ အပြန်အလှန်ပစ်ခတ်မှုဖြစ်ပြီး လက်နက်တွေသိမ်းဆည်းရမိတယ်လို့ SOF က ဒီညပိုင်းမှာ ထုတ်ပြန်ပါတယ်။
ပေါင်မြို့နယ်၊ သဗြုချောင်ကျေးရွာက ပျူစောထီးတွေ စုဝေးတဲ့နေအိမ်ကို မွန် S.O.F က ဝင်ရောက်ရှင်းလင်းတာဖြစ်ပြီး အပြန်အလှန်ကပစ်ခတ်မှုဖြစ်ကာ ပြည်သူ့စစ်ခေါင်းဆောင် ဦးဖိုးချစ်နဲ့ ပျူစောထီးအဖွဲ့ဝင်တွေ ဒဏ်ရာတွေနဲ့ ထွက်ပြေးလွတ်မြောက်သွားတယ်လို့ S.O.F က ထုတ်ပြန်ပါတယ်။
တိုက်ပွဲဖြစ်ပွားပြီးနောက် အဲဒီနေအိမ်အတွင်းကနေ M16 အမျိုးအစား သေနတ် ၁ လက်၊ M1 အမျိုးအစားရိုင်ဖယ် ၁ လက်၊ ကျည်ဘောက် ၂ ခု၊ ကျည် ၂၀၀ တောင့်၊ ဖုန်း ၂ လုံး သိမ်းဆည်းရမိတယ်လို့ ထုတ်ပြန်ချက်မှာ ဖော်ပြထားပါတယ်။
ဦးဖိုးချစ်ဆိုသူဟာ ရင်းငြိမ်ပြည်သူ့စစ်ခေါင်းဆောင်ဖြစ်ပြီး ပေါင်မြို့နယ်အတွင်း CDMနဲ့ အပြစ်မဲ့လူငယ်တွေကို ဖမ်းဆီးခြင်း၊ မတရားနှိပ်စက်ခြင်း၊ ခြိမ်းခြောက်ငွေကြေးတောင်းခံခြင်းနဲ့ တရားမဝင်လောင်းကစားလုပ်ငန်းမျိုးစုံကို စစ်ကောင်စီနဲ့ ပူးပေါင်းဆောင်ရွက်နေတာကြောင့် #နန်းထိုက်အောင် စစ်ဆင်ရေးအဖြစ် MON – S.O.F မှ ဝင်ရောက်တိုက်ခိုက်နှိမ်နှင်းခဲ့ခြင်းဖြစ်တယ်လို့ ထုတ်ပြန်ထားပါတယ်။
#MeKongNews
#နန်းထိုက်အောင်
#SOF
#MONSOF