မဲခေါင်၊ ဖေဖော်ဝါရီ ၇
စစ်ကိုင်းတိုင်း၊ ဟုမ္မလင်းမြို့နယ်တွင် ရှမ်းနီအမျိုးသာများတပ်မတော် (SNA) မှ တပ်သား တပ်စိတ်မှူးရာထူးအဆင့်ရှိသူဟာ ဖေဖော်ဝါရီလ ၁ရက်နေ့တွင် လက်နက်နဲ့အတူ ခန္တီးခရိုင် အမှတ် (၃)တပ်ရင်း (HPDF -124) ထံသို့ အလင်းဝင်ရောက်လာခဲ့ပါတယ်။
SNA တပ်သားနဲ့အတူ Ak-23 ဒင်ခေါက်တစ်လက် ၊ ကျည်ဘောက် ၂ ခု ၊ ကျည် အတောင့် ၁၅ တောင့်နဲ့ အတူ ထွက်ပြေးလွတ်မြောက်လာကာ အလင်းဝင်ရောက်လာခြင်း ဖြစ်ပါသည်။
ခန္တီးခရိုင် အမှတ် (၃)တပ်ရင်း (HPDF -124) မှ အလင်းဝင်ရောက်လာသူကို ကျပ်ငွေ သိန်း(၃၀) ကျပ်အား ဆုတော်ငွေအဖြစ် ချီးမြှင့်ပေးအပ်ခဲ့ပါသည်။
ခန္တီးခရိုင် အမှတ်(၃)တပ်ရင်း (HPDF -124) ဟာ စစ်အာဏာရှင်ကို တော်လှန်ရာမှာ SNA တပ်သည် စစ်ရေးပစ်မှတ်မဟုတ်သောကြောင့် အလင်းဝင်ရောက် ပူးပေါင်းလိုတဲ့သူများကို ဖိတ်ခေါ်ထားပါတယ်။
အလင်းဝင်ရောက်လာမယ့် မည်သည့်တပ်သားတိုင်းကိုမဆို နိုင်ငံတကာဥပဒေများအရ လူ့အခွင့်အရေး ၊ စစ်သားဂုဏ်သိက္ခာ များကို အပြည့်အဝ ခံစားစေရပါမည်ဟု ကတိပေး ဖိတ်ခေါ်ထားပါတယ်။
SNA ကို ၁၉၈၉ ခုနှစ်မှာ စတင်ဖွဲ့စည်းခဲ့ပြီး ကချင်ပြည်နယ်၊ မိုးညှင်း၊ မိုးကောင်းနဲ့ စစ်ကိုင်းတိုင်း ခန္တီး၊ ဟုမ္မလင်း၊ ဖောင်းပြင်၊ ပင်လည်ဘူး၊ ဝန်းသိုနဲ့ ဗန်းမောက်မြို့နယ်တွေမှာ စစ်ရေးလှုပ်ရှားပါတယ်။
စစ်ကိုင်းတိုင်း၊ ခန္တီးခရိုင်အတွင်းက ရွှေပြည်အေးမြို့ကို မဟာမိတ် PDF တပ်ပေါင်းစုများက သိမ်းပိုက်ထားမှုတွင် စစ်ကောင်စီနဲ့ SNA တပ်များက မြို့ပြန်ရဖို့ ပူးပေါင်းတိုက်ခိုက်နေကြပါတယ်။
#MeKongNews
#SNA
#ရှမ်းနီ
#အလင်းဝင်
#လက်နက်
#ဟုမ္မလင်း
