မဲခေါင်၊ ဖေဖော်ဝါရီ ၂၅
မလေးရှားနိုင်ငံ၊ ဆီလန်ဂေါပြည်နယ်၊ ဆယ်လ်တာအလမ်က Ambank ဘဏ်ခွဲရဲ့ အေတီအမ်စက်တွေကို ဖေဖော်ဝါရီ ၂၃ ရက်နေ့ ဒေသစံတော်ချိန် မနက် ၆ နာရီ ၄၈ မိနစ်မှာ ဖောက်ခွဲပြီး မလေးရှားရင်းဂစ် ၃၄၉,၀၀၀ (စင်ကာပူဒေါ်လာ ၁၀၆,၀၀၀) ဓားပြတိုက် ယူဆောင်မှု ဖြစ်ပွားခဲ့ပါတယ်။
ရှာအလမ်း ရဲစခန်းက အရာရှိ မို့ဒ်အစ်ဘယ်ရဲ့ ပြောဆိုမှုအရ စီစီတီဗီတွေကို ဆေးအနက်နဲ့ မှုတ်ပြီး ဖောက်ခွဲမှု ပြုလုပ်သွားလို့ မြင်ကွင်း မရှင်းလင်းကြောင်း၊ မျက်နှာဖုံး တပ်ထားသူ ၃ ဦးဟာ Mitsubishi ASX အမျီုး အစား အဖြူရောင် ဗန်ကားနဲ့ ရောက်ရှိလာပြီး အေတီအမ်စက် ၂ လုံးကို ကားက ဂက်စ်ပိုက်နဲ့ သွယ်တန်းပြီး ဂက်စ်ဖိအားပေးစနစ်နဲ့ ဖောက်ခွဲရာမှာ တစ်လုံးက ငွေယူဆောင်နိုင်ခဲ့ခြင်း မရှိပေမယ့် နောက်တစ်လုံးထဲက စင်ကာပူဒေါ်လာ ၁ သိန်းကျော် ယူဆောင်သွားတာဖြစ်ကြောင်း New Straits Times ကို ပြောပါတယ်။
မလေးရှားနိုင်ငံမှာ အေတီအမ်စက်တွေ ဖောက်ခွဲပြီး ဓားပြတိုက်မှုတွေ ဆက်တိုက် ဖြစ်နေရာမှာ ၂၀၂၂ ခုနှစ်၊ ဖေဖော်ဝါရီလက ဆီလန်ဂေါပြည်နယ်၊ မာရူအရပ်က စတိုးဆိုင်ရဲ့ အေတီအမ်စက်ကို ဓားပြ ၂ ယောက်က ဖောက်ခွဲပြီး မလေးရှားရင်းဂစ် ၂၆၀,၀၀၀ ယူဆောင်သွားခဲ့ပါတယ်။
၂၀၁၉ ခုနှစ် ဩဂုတ်လကလည်း ပီရက်ခ်ပြည်နယ်၊ တန်ဂျောင်းအရပ်က အေတီအမ်စက်ကို ဖောက်ခွဲပြီး ရင်းဂစ် ၃၀၀,၀၀၀ ယူဆောင်မှု ဖြစ်ပွားခဲ့ပါသေးတယ်။
Ref: New Straits Times
MKF-001
