ကိုဇင်လင်း၊ ကိုသူရအောင်၊ ကိုဝင်းထိုက်ကိုကို၊ ကိုမင်းဟိန်းသူနဲ့ မဝင်းထက်မာ(ခ)အမာ တို့ကို ရာဇသတ်ကြီး ဥပဒေ ပုဒ်မ (၃၉၅) ဓားပြမှုနဲ့ ထောင်ဒဏ် ၁၀ နှစ် ချမှတ်ခဲ့ပြီး အားပေးကူညီသူလို့ စွပ်စွဲခံရသူ ၂ ဦး ဖြစ်တဲ့ ဦးအောင်အောင်နဲ့ ကိုမင်းလတ်ချို တို့ကိုတော့ ရာဇသတ်ကြီး ပုဒ်မ (၄၁၂) နဲ့ ထောင်ဒဏ် ၅ နှစ် ချမှတ်ခဲ့တယ်လို့ သိရပါတယ်။
ထောင်ဒဏ် ၁၀ နှစ်ချမှတ် ခံရတဲ့ အဆိုပါ လူငယ် ၅ ဦးဟာ အခုနှစ် ဇန်နဝါရီလတုန်းကလည်း ဘုရင့်နောင်က ဘဏ်ဓားပြတိုက်မှု ရာဇသတ်ကြီး ပုဒ်မ (၃၉၅) နဲ့ အရှေ့ပိုင်းခရိုင် တရားရုံးက ထာင်ဒဏ် ၁၀ နှစ် ချမှတ်ခဲ့ပါသေးတယ်။
ကမ္ဘာ့ရတနာဘဏ်နဲ့ ဘုရင့်နောင်က ဘဏ်ဓားပြတိုက်မှု စွပ်စွဲချက်တွေကြောင့် လူငယ် ၅ ဦးဟာ စုစုပေါင်း ထောင် ဒဏ်နှစ် ၂၀ ချမှတ်ခံခဲ့ရပြီး ကူညီပေးသူလို့ စွပ်စွဲခံရတဲ့ အမျိုးသား ၂ ဦးကတော့ ထောင်ဒဏ် ၅ နှစ်ချမှတ်ခဲ့တာ ဖြစ်ပါတယ်။
အဆိုပါ လူငယ် ၅ ဦးနဲ့ အမျိုးသား ၂ ဦးကို စစ်ကောင်စီက ၂၀၂၁ ခုနှစ် စက်တင်ဘာလက ရန်ကုန်မြို့အတွင်း ဖမ်းဆီးခဲ့ ပြီးနောက် တောင်ဥက္ကမြို့နယ် ကမ္ဘာ့ရတနာဘဏ်နဲ့ ဘုရင့်နောင်က ဘဏ်ဓားပြတိုက်မှုတွေနဲ့ တရား စွဲဆိုထားတာ ဖြစ်ပါတယ်။
