မနေ့က မနက် ၃ နာရီကျော်ခန့်မှာ မြင်းမူမြို့နယ် စစ်ကိုင်း- မုံရွာ လမ်းပိုင်း တစ်နေရာမှာ စစ်ကောင်စီ ယာဉ်တန်းကို မိုင်း ၆ လုံးနဲ့ ဖောက်ခွဲ တိုက်ခိုက်ခဲ့တာ ဖြစ်တယ်လို့ သိရပါတယ်။
မိုင်းဆွဲ ထိခိုက်ပြီးနောက် စစ်ကောင်စီဘက်မှ ပစ်ခတ်လို့ အပြန်အလှန် ပစ်ခတ်မှုများ ရှိခဲ့ပြီး မိုင်းဆွဲခဲ့တဲ့ နေရာမှာ ကားအပိုင်းစတွေ တွေ့ရပေမဲ့ လူအထိခိုက်မှု ရှိမရှိ ကိုတော့ အတိအကျ မသိရ သေးဘူးလို့ MIC-PDF ရဲ့ ထုတ်ပြန်ချက်မှာ ဖော်ပြထားပါတယ်။
အဲဒီ တိုက်ခိုက်မှုမှာ အသုံးပြုတဲ့ ရှေ့ထွက်မိုင်းတွေကို စစ်ကိုင်း PDF တပ်ရင်း (၇) က ထောက်ပံ့ခဲ့တယ် လို့လည်း သိရပါတယ်။
လက်ရှိ စစ်ကိုင်း-မုံရွာ ကားလမ်းကို အသုံးပြုနေတဲ့ စစ်ကောင်စီ ယာဉ်တန်းတွေကို ဒေသကာကွယ်ရေး တပ်ဖွဲ့တွေက နေ့စဉ်နီးပါး တိုက်ခိုက်နေလို့ ပြည်သူတွေ အနေနဲ့ စစ်ကားတွေကို ဝေးရာက ရှောင်ရှားဖို့ PDF တွေက သတိပေးထားပါတယ်။
