မဲခေါင်၊ အောက်တိုဘာ ၂၂
အောက်တိုဘာ ၂၁ ရက်က ဆွစ်ဇာလန်နိုင်ငံ ဂျီနီဗာတွင်ကျင်းပသော နိုင်ငံတကာ လွတ်တော်များသမဂ္ဂ ((IPU) ၏ ၁၅၁ ကြိမ်မြောက် အစည်းအဝေးပွဲ၌ ထိုင်းနိုင်ငံ ကိုယ်စားပြုအဖြစ် ပြည်သူ့ပါတီမှ ထိုင်း လွှတ်တော်အမတ် ရန်ဆီမန်ရုမ်းတက်ရောက်ကာ ထိုင်းနိုင်ငံသည် ကျားဖြန့် အန္တရာယ်နှင့် မူးယစ်ဆေးဝါး အန္တရာယ်ကြီးများစွာကျရောက်နေသဖြင့် နိုင်ငံတကာပူးပေါင်းပြီး အားချင်း ကျားဖြန့် နှိမ်နင်းရေးလုပ်ငန်းစဉ်များ ဖော်ဆောင်ရန် အဆိုပြုခဲ့ရာ ထောက်ခံမဲ့ ၃ ပုံ ၂ ပုံကျော်ရရှိပြီး ထောက်ခံ ချက်ရရှိခဲ့သည်။
အာရှ၊ အာဖရိက၊ လက်တင်အမေရိကနှင့် ဥရောပမှ နိုင်ငံများစွာ ယခုလို မိမိတို့တင်ပြသည့် အရေးပေါ် အားချင်းကျားဖြန့်နှင့်နယ်စပ်ဖြတ်ကျော် ရာဇဝတ်ဂိုဏ်းများအား နှိမ်နင်းရေးအဆိုကို ထောက်ခံခဲ့ကြ သဖြင့် ကျေးဇူးအထူးတင်ကြောင်း၊ အထူးသဖြင့် ဥရောပနိုင်ငံများစွာသို့ ဦးဆောင်ပြီး မိမိတို့တင်ပြ သည့် အဆိုကို ထောက်ခံစေရန် စည်းရုံးကြိုးစားပေးခဲ့သော ဩစတြေးလျကို ပိုမိုကျေးဇူးတင်ကြောင်း၊ လက်တင်အမေရိကနှင့် ဥရောပနိုင်ငံများမှ ထိုင်းနိုင်ငံအတွင်း မူးယစ်ဆေးဝါးအန္တရာယ်၊ နယ်စပ်ဖြတ်ကျော်ရာဇဝတ်ဂိုဏ်းများ၊ ကျားဖြန့်ကွန်ရက်များဖြင့် ခြိမ်းခြောက်မှုများစွာ ခံနေရသည်ကို ပူးပေါင်းတိုက်ဖျက်သွားရေး ထောက်ခံခဲ့ခြင်းသည် သမိုင်းတွင်ခဲ့ကြောင်း ရန်ဆီမန်ရုမ်းက လူမှုကွန်ရက် တွင် ရေးတင်ခဲ့သည်။
တိုက်ကြီး ၃ တိုက်မှ ကျားဖြန့် အခင်းအကျင်းများသည် မတူညီသဖြင့် မိမိတို့၏ ပူးပေါင်းဆောင်ရွက်မှု များသည်လည်း မူဘောင်တစ်ခုတည်းဖြင့်သွားလို့ မရနိုင်သဖြင့် ထောက်ခံမှုရအပြီး တစ်ညလုံးနီးပါး မည်သို့ ပူးပေါင်းတိုက်ဖျက်ရမည်ကို ဆက်လက်ဆွေးနွေးခဲ့ကြကာ လိုအပ်သည့် မဲ ၇၀၀ တွင် ၈၀၀ အထိ ထောက်ခံမှုရခဲ့ခြင်းဖြစ်သည်ဟု ရန်ဆီမန်ရုမ်းက ထုတ်ပြန်ပြောဆိုခဲ့သည်။
ကိုကလင်း
Ref:Khaosod
#MeKongNews
#ကျားဖြန့်
#နိုင်ငံတကာလွှတ်တော်များသမဂ္ဂ
#ရမ်ဆီမန်ရုမ်း
#ထိုင်းနိုင်ငံ
