မဲခေါင်၊ စက်တင်ဘာ ၂၂
ယူကရိန်းရှေ့တန်းစစ်မျက်နှာပြင်နှင့် မိုင် ၅၀၀ အကွာ ရုရှားပိုင်နက်အတွင်း ၂၀၂၅ War Games စစ်ရေးပြမှုကို အင်းအားအလုံးအရင်းဖြင့် လုပ်ဆောင်စဉ် အခမ်းအနားသို့ စစ်ဝတ်စစ်စားဖြင့် တက်ရောက်လာသည့် ပူတင်သည် ၎င်း၏ ကာကွယ်ရေးဝန်ကြီးအား ပုံတိုပတ်စကိုယ်တွေ့ဖြစ်ရပ် များပြောခဲ့ရာ တစ်ခါက ဆိုင်ကယ်ကျွမ်းထိုးပြီး သေလုနီးဖြစ်ခဲ့ကြောင်းပါ ပြောကြားခဲ့သည်။
အသက် ၇၂ နှစ်အရွယ်ရောက်လာသော်လည်း ပူတင်သည် ၎င်း၏အာဏာစက်အတွက် ခက်ထန်မာကျောသူဖြစ်ကြောင်း ဟန်တစ်ခွဲသားပြသည့်အနေဖြင့် မကြာခဏဆိုသလို အင်္ကျီမပါသော ခန္ဓာကိုယ်အချိုးအစားအား ထုတ်ပြခြင်း၊ ဂျူဒိုအပါ အားကစားနည်းပြ လုပ်ဆောင်ခြင်းဖြင့် ကိုယ့်ကိုယ် ကိုယ် စိတ်ဓာတ်မြှင့်တင်လေ့ရှိသူဖြစ်သည်။
ယူကရိန်းစစ်ပွဲအတွင်း ရုရှားစစ်သားများ စစ်ပန်းလွန်းနေ ချိန် ပူတင်သည် War Games သို့ တက်ရောက်ပြီးနောက် ကာကွယ်ရေးဝန်ကြီး အန်ဒရေး ဘီလျူဆော့ဗ် အား ယခုလို ပြောခဲ့ခြင်းဖြစ်သည်။
“တစ်ခါက ကျုပ်ဆိုင်ကယ်ကို လီဗာအဆွဲလွန်သွားလို့ တစ်ပတ်ကျွမ်းပါ ပစ်သွားတာ။ ဆိုင်ကယ်က ကိုယ့်နောက်နားလေကျလို့ ကံကောင်း၊ သေမင်းနဲ့ ကပ်ကပ်လေးဖြစ်ခဲ့သေးတယ်” ဟု ပူတင်က ပြော သွားခြင်းဖြစ်သည်။
မည်သည့်အချိန်၊ မည်သည့်နေရာတွင် ဖြစ်ခဲ့သည်ကိုမူ မပြောခဲ့ပေ။
ပူတင်သည် ၂၀၁၉ ခုနှစ်က သိမ်းပိုက်ထားသည့် ခရိုင်းမီးယားဒေသတွင် ရုရှားထုတ် Night Wolves ဆိုက်တွဲ ကလပ်အဖွဲ့ဝင်များဖြင့် အုပ်စုဖွဲ့ မောင်းနှင်မှုပုံရိပ်များကို ထုတ်ပြန်ခဲ့သည်။
တစ်ဆက်တည်း ယခု ရက်ပိုင်းအတွင်း ယူကရိန်းကို တိုက်ခိုက်မှုအရှိန်မြှင့်နေပြီး စက်တင်ဘာ ၂၀ ရက်က ဒရုန်း ၅၈၀၊ ခရုဇ်ဒုံးကျည်နှင့်ပဲ့ထိန်းဒုံးကျည် အလုံး ၄၀ ဖြင့် ပစ်ခတ်ရာ အနည်းဆုံး ၃ ဦးသေဆုံးပြီး ၁၃ ဦး ဒဏ်ရာရခဲ့သည်။
တစ်ပြိုင်တည်းဆိုသလိုပင် နေတိုးအဖွဲ့အား သွေးတိုးစမ်းမှုအဖြစ် ပထမဆုံး ပိုလန်၊ ထို့နောက် ရိုမေးနီးယား၊ နောက်ဆုံး အက်စတိုးနီးယားလေပိုင်နက်များအတွင်း ဖိုက်တာဂျက်လေယာဉ်နှင့်ဒရုန်း များ စေလွှတ်ပျံသန်းမှုများလုပ်ဆောင်ခဲ့သည်။
ပြီးခဲ့သည့်ရက်ပိုင်းက အက်စတိုးနီးယားလေပိုင်နက် ဗိန်ဒလူးကျွန်းပေါ် ၁၂ မိနစ်ကြာ MiG-31 ဖိုက်တာဂျက်များပျံသန်းခဲ့မှုကို အီတလီဖိုက်တာဂျက်များက သွားရောက် ပျံသန်းနှင်ထုတ်ခဲ့ရသည်။
လုံခြုံရေးရာပိုင်း အထူးကျွမ်းကျင်သူ ဝီလ်ဂက်ဒက်စ်က ပိုလန်၊ ရိုမေးနီးယားနှင့် အက်စတိုးနီးယားပိုင်နက်များထဲသို့ ရုရှားဆက်တိုက်ကျူးကျော်လာနေခြင်းသည် စိုးရိမ်ရည်မြင့်တက်လာစေသလို နေတိုးအဖွဲ့ဝင်နိုင်ငံများအကြား လေပိုင်နက်ကာကွယ်ရေး ပူးပေါင်း သဘောတူညီချက်တစ်ရပ် ရယူထားရပြီဖြစ်ကြောင်း၊ ရုရှားသည် နေတိုးလေကြောင်းကာကွယ်ရေး အဆင့်အတန်းကို သွေးတိုးစမ်းနေပြီဖြစ်ကြောင်း ပြောကြားခဲ့သည်။
ကိုကလင်း
Ref:Thesun
#MeKongNews
#ပူတင်
#ဆိုင်ကယ်မှောက်
#ရုရှား
#သေမလိုဖြစ်
