မဲခေါင်၊ နိုဝင်ဘာ ၁၈
ရုရှားဟာ ယူကရိန်းနိုင်ငံထဲ အကြီးမားဆုံး တိုက်ခိုက်မှုတစ်ခုအဖြစ် နိုဝင်ဘာ ၁၆ ညပိုင်းက ဒုံးကျည် အလုံး ၁၂၀ နဲ့ ဒရုန်း ၉၀ ပစ်ခတ်တိုက်ခိုက်ခဲ့ပြီးနောက် အမေရိကန်သမ္မတ ဂျိုးဘိုင်ဒန်ဟာ ယူကရိန်းကို ရုရှားနိုင်ငံအတွင်း ပိုင်းထဲ တာဝေးပစ်ဒုံးကျည်တွေ ပစ်ခတ်ဖို့ ခွင့်ပြုပေးလိုက်ပြီဖြစ်ပါတယ်။
ရုရှားဟာ ယူကရိန်းနိုင်ငံတစ်ဝန်း ဆောင်းဝင်လာနီးချိန် ပြည်သူတွေ အကွဲကွဲအပြားပြားဖြစ်စေဖို့၊ လျှပ်စစ်မီးပေး ရာ၊ အပူဓာတ်ပေးရာနေရာတွေကို ပစ်မှတ်ထားပြီး အကြမ်းဖက်တိုက်ခိုက်တာ ဖြစ်ကြောင်းနဲ့ ဒုံးကျည် ၁၄၀ ကို ပစ်ချနိုင်ခဲ့ပေမယ့် ထိခိုက်ပျက်စီးမှုများစွာ ရှိခဲ့ကြောင်း၊
မိုင်ကိုလိဗ်ဒေသမှာအမျိုးသမီး ၂ ယောက်သေဆုံးပြီး ၆ ယောက်ဒဏ်ရာရ ကြောင်း၊ အယ်လ်ဗစ်မြို့မှာ နောက်ထပ် အမျိုးသမီးတစ်ဦးသေဆုံးကြောင်း၊ ဒီနီပရိုမြို့မှာ အလုပ်သမားအမျိုးသား ၂ ဦးသေဆုံးပြီး ၃ ဦးဒဏ်ရာရခဲ့ကြောင်း ယူကရိန်းသမ္မတ ဇီလန်းစကီးက ထုတ်ပြန်ပြောဆိုသွားခဲ့ ပါတယ်။
ဒီတိုက်ခိုက်မှုဖြစ်ပွားချိန် နေတိုးအိမ်နီးချင်းနိုင်ငံတွေကလည်း ဖိုက်တာ ဂျက်လေယာဉ်များစွာနဲ့ ဥဒဟို လှည့်ပတ် မောင်းနှင်ပြီး နယ်မြေကျော်ဝင်လာမယ့်အရေး တားဆီးမှုတွေလုပ်ဖို့ ပြင်ဆင်ခဲ့ကြရပြီးနောက် အမေရိကန် သမ္မတဂျိုးဘိုင်ဒန်က ရာထူးကို ဒေါ်နယ်ထရမ့်ဆီ လွှဲပြောင်းမပေးခင် အရင် ပိတ်ဆို့ထားတဲ့ တားမြစ်ချက်ကို ပယ်ဖျက်လို့ ယူကရိန်းကို ရုရှားနိုင်ငံအတွင်းပိုင်းထဲအထိ တာဝေးပစ်ဒုံးကျည်တွေနဲ့ ပစ်ခတ်တိုက်ခိုက်ဖို့ ခွင့်ပြု ပေးခဲ့ကြောင်း အမေရိကန်အစိုးရ အတွင်းလူ ၂ ယောက်က ရိုက်တာသတင်းဌာနကို ပြောကြားသွားပါတယ်။
ဂျိုးဘိုင်ဒန်ဟာ သမ္မတသက်တမ်း ၂ လသာကျန်တော့ပေမယ့် ခုထိ ယူကရိန်းကို ရုရှားနိုင်ငံထဲ တာဝေးပစ်ဒုံးကျည်တွေ ပေးပစ်ခွင့်ပေးခဲ့ရင် နေတိုးနဲ့ ရုရှားတို့ တိုက်ရိုက် စစ်ပွဲဖြစ်ပွားမှာကို မလိုလားတာကြောင့် တားမြစ်ထားတုန်းဖြစ်ပေမယ့် ထွက်ပေါ်နေတဲ့သတင်းအရ မိုင် ၁၉၀ အကွာအဝေးအထိ ပစ်ခတ်နိုင်တဲ့ အမေရိကန်ရဲ့ ATACMS ဒုံးကျည်တွေ စပစ်ခတ်လာဖွယ်ရှိကြောင်းပါ သိရှိရပါတယ်။
Ref:Thesun
MKF-001
#MeKongNews
#ရုရှား
#ယူကရိန်း
#ဒုံးကျည်
#ဘိုင်ဒန်
#ခွင့်ပြု
