မဲခေါင်၊ သြဂုတ် ၂၁
၂၀၂၁ ခုနှစ်ကတည်းက တရားဝင် ဆေးခြောက်စိုက်ပျိုး၊ တင်ပို့မှုကို တရားဝင်ခွင့်ပြုခဲ့တဲ့ မော်ရိုကိုနိုင်ငံမှာ တရားမဝင် ဆေးခြောက်စိုက်ပျိုးမှုနဲ့အတူ ဆက်စပ်နေတဲ့ ပြစ်မှုကျူးလွန်ခဲ့သူ ၅၀၀၀ နီးပါးကို ဘုရင် မိုဟာမက် (၇) ရဲ့ လွတ်ငြိမ်းချမ်းသာခွင့်နဲ့ ဩဂုတ် ၁၉ ရက်နေ့မှာ ထောင်ကနေ ပြန်လည်လွှတ်ပေးခဲ့ပါတယ်။
မော်ရိုကိုနိုင်ငံဟာ ကမ္ဘာ့ဆေးခြောက်စျေးကွက်အတွက် အဓိက ထုတ်လုပ်တင်ပို့ရာ နိုင်ငံဖြစ်ပြီး ၂၀၂၁ ခုနှစ်မှာ တရားဝင်စိုက်ပျိုး ထုတ်လုပ်တင်ပို့ ခွင့်ပြုခဲ့ပေမယ့် ဆေးဘက်ဆိုင်ရာသုံးအတွက်သာ ခွင့်ပြုပြီး စိတ်အပန်းဖြေ ရေးအတွက်အသုံးပြုမှုကိုတော့ ဆက်လက် ပိတ်ပင်ထားပါတယ်။
ဒါပေမဲ့ ၂၀၂၃ ခုနှစ်အတွင်း ဆေးခြောက် ပြည်ပတင်ပို့မှု ၂၉၄ မက်ထရစ်တန်အထိ ထုတ်လုပ်နိုင်ခဲ့ရာမှာ နိုင်ငံ အကျိုးစီးပွားလည်းဖြစ်ထွန်းမှုရှိလာပေမယ့် ကမ္ဘာ့ဆေးခြောက်စျေးကွက်ကို အဓိက တင်ပို့တဲ့ ဒုစရိုက်မူးယစ် ဂိုးဏ်တွေက ချုပ်ကိုင်ထားမှု လျှော့ချနိုင်ဖို့ ရည်ရွယ်ပြီး ဆေးခြောက်စိုက် တောင်သူတွေလည်း ဝင်ငွေရ၊ စည်း ကမ်းတကျလည်း ဆေးဘက်ဆိုင်ရာသုံးအဖြစ် စိုက်ပျိုးထုတ်လုပ်မှု ပိုတိုးမြင့်လာစေဖို့ ရည်ရွယ်ပြီး ဖမ်းဆီး ထားသူ ၅၀၀၀ နီးပါးကို ပညာပေးသွန်သင်မှုလုပ်အပြီး ဘုရင်လွတ်ငြိမ်းချမ်းသာခွင့်နဲ့ လွှတ်ပေးလိုက်တာဖြစ် ကြောင်း နိုင်ငံ ဆေးခြောက်စည်းကမ်းထိန်းသိမ်းရေးအဖွဲ့ ANRAC အကြီး အကဲက ရှင်းလင်းပြောကြားသွားပါတယ်။
မော်ရိုကိုနိုင်ငံဟာ မနှစ်ကတည်းက စျေးကောင်းလာတဲ့ ဆေးခြောက်တင်ပို့မှုစျေးကွက် ပိုမိုတွင်ကျယ်စေဖို့ တင်ပို့ခွင့်လိုင်စင်သစ် ၅၄ စောင်ကို ထပ်မံ ထုတ်ပေးခဲ့ပါတယ်။
Ref: aawsat
MKF-001
