မဲခေါင်၊ သြဂုတ် ၅
ဘင်္ဂလားဒေ့ရှ်နိုင်ငံမှာ နှစ်ပေါင်း ၂၀ ကြာ အုပ်စိုးခဲ့တဲ့ ဝန်ကြီးချုပ် ဟာဆီနာဟာ ရာထူးကနုတ်ထွက်ပြီး စစ်ရဟတ်ယာဉ်နဲ့သမီးဖြစ်သူကိုပါခေါ်လို့ အိန္ဒိယနိုင်ငံ ထရီပူရပြည်နယ် အဂါတာလာမြို့ကို ထွက်ပြေးသွားပြီ ဖြစ်ကြောင်း ဘီဘီစီ ဘင်္ဂလားဒေ့ရှ်သတင်းက ဖော်ပြခဲ့ပါတယ်။
ဘွဲရသူများအစိုးရဝန်ထမ်းခန့်အပ်မှုမှာ မမျှတတဲ့ အခွင့်ထူးခံ ခွဲတမ်းစနစ် ထားလို့ ပြဌာန်းလို့ တက္ကသိုလ် ကျောင်းသားတွေ စတင်ခဲ့တဲ့ သပိတ်မှာ တစ်လအတွင်း လူပေါင်း ၂၀၀ ကျော်သေဆုံးခဲ့ရသလို ဩဂုတ် ၄ ရက်မှာ ဒါကာက ဝန်ကြီးချုပ်နေအိမ်ကို ထောင်ပေါင်းများစွာသော ကျောင်းသားပြည်သူတွေ ဝိုင်းလို့ ရာထူးက နုတ်ထွက် ဖို့ တောင်းဆိုမှုမှာတင် ပစ်ခတ်နှိမ်နင်းရာက လူပေါင်း ၁၀၀ ကျော် ထပ်မံသေဆုံးခဲ့ရပါတယ်။
ဒီအခြေအနေမှာ ကာဖျူးထုတ်ပြန်လိုက်ပြီး ဘင်္ဂလားဒေ့ရှ်ကာကွယ်ရေးဝန်ကြီး ဝါကာအက်ဇ်ဇာမန်က ယာယီ အစိုးရဖွဲ့ပြီးတိုင်းပြည်ကို ထိန်းသိမ်းအုပ်ချုပ်သွားမယ်လို့ ကြေညာလာခဲ့ပြီးနောက် ဘင်္ဂလားဒေ့ရှ်ဆိုင်ရာ ဘီဘီစီ သတင်းမှာ ဟာဆီနာဟာ ဒါကာနေအိမ်ကနေ ရဟတ်ယာဉ်နဲ့ အိန္ဒိယကို ထွက်ပြေးသွားခဲ့ပြီဖြစ်ကြောင်း ရေးသား ဖော်ပြလာတာဖြစ်ပါတယ်။
ဩဂုတ် ၅ ရက်နေ့မနက်အစောပိုင်းမှာ ဘင်္ဂလားဒေ့ရှ်အစိုးရက အင်တာနက်တွေ ဖြတ်တောက်လိုက်ပြီး အားလုံး ပါဝင်တဲ့ အစိုးရအဖွဲ့ဖြုတ်ချရေး ဒါကာသို့ ချီတက်ဆန္ဒပြမှုလှိုင်း ဖြစ်ပေါ်လာခဲ့တာဖြစ်ပါတယ်။
ဒါပေမဲ့ ဩဂုတ် ၅ ရက် ဒေသစံတော်ချိန် မွန်းလွဲ ၁ နာရီ ၁၅ မိနစ်မှာတော့ အင်တာနက်လိုင်းတွေ ပြန်ဖွင့်ပေးခဲ့ပြီး ကာကွယ်ရေး ဝန်ကြီးက မကြာခင် တိုင်းပြည်အခြေအနေအကြောင်း ထုတ်ပြန်ပြောဆိုမယ်လို့ သတင်းတွေက ဆိုပါတယ်။
လက်ရှိမှာ လူထုဟာပိုအုံကြွလာပြီး အစိုးရအိမ်တော်ရှေ့ စုံရုံးရောက်ရှိနေကြပါတယ်။
Ref:BBC
MKF-001
