မဲခေါင် ဇူလိုင် ၁၅
ရှမ်းပြည်နယ် မြောက်ပိုင်း၊ လားရှိုးမှာ MNDAA ဘက်က ထိုးစစ်ဆင်တာ ရပ်ဆိုင်းထားပေမယ့် ဒီကနေ့ ဇူလိုင်လ ၁၅ ရက်နေ့မှာလည်း စစ်ကောင်စီဘက်က လက်နက်ကြီးတွေ ပစ်ခတ်နေဆဲ ဖြစ်တယ်လို့ ဒေသခံတွေက ပြောပါတယ်။
“စစ်ကောင်စီ ဘက်က လက်နက်ကြီးတွေ ပစ်နေတာ။ အခုလည်း ပစ်နေတာ။ မီးလျှံတွေ ထွက်တဲ့ လက်နက်ကြီးလေ။ မြို့စွန်ဘက်တွေ ပစ်နေဝာာ။ ဘယ်နေရာတွေ ကျလဲ တော့ မသိဘူး” လို့ ဒေသခံ အမျိုးသား တစ်ဦးက ပြောပါတယ်။
ယမန်နေ့ကထက် စာရင်တော့ ပစ်ခတ်သံတွေတော့ လျော့သွားပြီး လက်နက်ငယ် ပစ်ခတ်သံတွေတော့ မကြားတော့ဘူး လို့ သူက ပြောပါတယ်။
“လားရှိုး ပစ်ခတ်သံဝောာ့ ကြားနေဆဲပဲ။ တပ်က ပစ်နေတာ။ မနေ့ကထက်စာရင် အများကြီးဝောာ့ လျော့ သွားတယ်” လို့ နောက်ထပ် ဒေသခံ အမျိုးသား တစ်ဦးက ပြောပါတယ်။
ယမန်နေ့ညပိုင်းမှာလည်း လားရှိုးမြို့ပြင်ဘက်တွေ၊ ဟိုပိတ်ရွာဘက်တွေ လေကြောင်းနဲ့ ဗုံးလာကြဲသွားတာရှိပေမယ့် ဖုန်းလိုင်းတွေ မကြာခဏ ပြတ်တောက်နေတာကြောင့် ထိခိုက်မှုကို ဆက်သွယ် မေးမြန်းလို့ မရဘူးလို့ သူက ပြောပါတယ်။
MNDAA ဘက်ကတော့ ဇူလိုင်လ ၁၄ ရက်ည ၁၂ နာရီကစ ဇူလိုင်လ ၁၈ ရက်ည ၁၂ နာရီ အထိ လားရှိုးတဝိုက် ထိုးစစ်ဆင်တာတွေ ၄ ရက်ကြာ ရပ်ဆိုင်းသွားမှာ ဖြစ်ပြီး စစ်ကောင်စီဘက်က တိုက်ခိုက်တာ ရှိရင်တော့ ပြန်လည်ခုခံ သွားမှာ ဖြစ်ကြောင်း ဇူလိုင်လ ၁၄ ရက်နေ့ နေ့လယ်ပိုင်းက အသိပေးစာ ထုတ်ပြန်ထားပါတယ်။
CJ-008
