မဲခေါင်၊ ဇွန် ၁၉
ဇွန် ၁၈ ရက် အစောပိုင်းက အယောက် ၂၀၊ ၃၀ လောက်ရှိတဲ့ မြောက်ကိုရီးယား စစ်သားတွေဟာ နယ်စပ်ကန့်သတ်စည်း ကျော်ဝင်လာလို့ ခြောက်လှန့်ပစ်ခတ် ခဲ့ရပြန်ကြောင်း တောင်ကိုရီးယား စစ်တပ်က ထုတ်ပြန် သွားပါတယ်။
တောင်ကိုရီးယား စစ်ဦးစီးချုပ်များရုံးက ဇွန် ၁၉ရက်နေ့ မနက်ပိုင်း ဒေသစံတော်ချိန် ၈ နာရီခွဲဝန်းကျင်မှာ မြောက်ကိုရီးယား စစ်သားတွေဟာ နှစ်နိုင်ငံနယ်စပ် စစ်မဲ့ဇုန်သတ်မှတ်ထားတဲ့ နယ်မြေထဲကို ကျော်ဝင်လာခဲ့လို့ သေနတ်နဲ့ ခြောက်လှန့်သတိပေး ပစ်ခတ်တော့ မြောက်ကိုရီးယားဘက် ပြန်ဝင်သွားကြတယ်လို့ ထုတ်ပြန်သွားပါတယ်။
ပြီးခဲ့တဲ့ အပတ်ကလည်း ဒီပုံစံအတိုင်း မြောက်ကိုရီးယား စစ်သားတွေ ကျော်ဝင်ခဲ့လို့ ပစ်ခတ်ခြိမ်းခြောက် မောင်းထုတ်ခဲ့ရသေးပြီး အဲဒီအချိန်ကတော့ တောထူနေလို့ နယ်စပ်စည်းမျဉ်း မှတ်တိုင်တွေ ဖုံးအုပ်နေတာကြောင့် လမ်းမှား ဝင်ရောက်လာပုံသာရပြီး တခြားကျူးကျော်တိုက်ခိုက်လိုတဲ့ ရည်ရွယ်ချက် ရှိပုံမရဘူးလို့ တောင်ကိုရီးယား စစ်ဦးစီးချုပ်များရုံးက ထုတ်ပြန်ခဲ့ပါသေးတယ်။
တောင်ကိုရီးယားရဲ့ Youhap သတင်းအေဂျင်စီကတော့ ဘယ်အချိန်တုန်းကမှန်း ထည့်မပြောပေမယ့် ကမ္ဘာမှာ မြေမြှုပ်မိုင်းအန္တရာယ် အကြီးဆုံးရှိရာ တောင်မြောက်နယ်စပ် စစ်မဲ့ဇုန်နား သွားလာကြလို့ မြောက်ကိုရီးယား စစ်သားအများအပြား သေဆုံး ဒဏ်ရာရမှုတွေလည်း ရှိနေတယ်လို့ ရေးသားဖော်ပြခဲ့ပါတယ်။
Ref: aninews
MKF-001
